CHAPITRE LXIII
Comment le bon chevalier sans paour et sans reprouche garda la ville de Maizières contre la puissance de r empereur y où il acquist gros honneur.
Quant le bon chevalier fut entré dedans Maizières, trouva la ville assez mal en ordre pour attendre siège, ce qu'il espéroit avoir du jour à lendemain. Si voulut user de diligence, qui en telle nécessité passe tout sens
1. Bayart, Anne de Montmorency, futur connétable de France, Jacques de Silly, bailli de Gaen, Jean d'Albret, seig«eur d'Orval, Pierrepont, Boncal, Antoine de Glermont, Guigo Guiffrey de Boutières, François de Sassenage, Montmoreau, etc., entrèrent dans Mézières les premiers jours du mois d'août. On trouvera à l'appendice des lettres de Bayart, du duc d'Alençon, de d'Orval et de Ghâtillon donnant des renseignements détaillés sur la composition de la garnison et les travaux de fortification auxquels elle se livra avec une extrême ardeur en attendant l'arrivée de l'ennemi.
humain, et commença à faire ramparer jour et nuyt, et n'y avoit homme d'armes ny homme de pied qu'il ne mist en besongne ; et luy mesmes pour leur donner courage, y travailloit ordinairement et disoit aux compaignons de guerre : « Conmient, Messieurs, nous sera-il reprouché que par nostre faulte ceste ville soit perdue, veu que nous sommes si belle compaignie ensemble et si gens de bien. Il me semble que quant nous serions en ung pré, et que devant nous eussions fossé de quatre piedz, que encores combatrions-nous ung jour entier avant que estre deffaictz. Et Dieu mercy ! nous avons fossé, muraille et rampart, où je croy, avant que les ennemys mettent le pied, beaucoup de leurs compaignies dormiront aux fossez. » Bref, il donnoit tel courage à ses gens qu'ilz pensoient tous estre en la meilleur et plus forte place du monde.
Deux jours après fut le siège assis devant Maizières en deux lieux, l'ung deçà de l'eaue et l'autre delà. L'ung des sièges tenoit le conte Francisque, qui avecques luy avoit quatorze ou quinze mille hommes, et en l'autre estoit le conte de Nansso avec plus de vingt mille. Le lendemain du siège lesditz conte de Nansso et seigneur Francisque envoyèrent ung hèrault devers le bon chevalier, pour luy remonstrer qu'il eust à rendre la ville de Maizières, qui n'estoit pas tenable contre leur puissance, et que, pour la grande et louable chevalerie qui estoit en luy, seroient merveilleusement desplaisans s'il estoit prins d'assault, car son honneur grandement en amoindriroit, et par adventure luy cousteroit-il la vie; et qu'il ne failloit que ung malheur en ce monde venir à ung homme
pour faire oublier tous les beaulx faictz qu'il auroit menez à fin en son vivant; et que, là où il vouldroit entendre à raison, luy feroient si bonne composition qu'il se deveroit contenter. Plusieurs autres beaulx propos luy mandèrent par ce hérault, qui, après avoir esté ouy et bien entendu par le bon chevalier, se print ^ à soubzrire et ne demanda conseil pour respondre à homme vivant ; mais tout soubdain luy dist : « Mon amy, je m'esbays de la gracieuseté que me font et présentent monseigneur ^ de Nansso et le seigneur Francisque, considéré que jamais n'euz praticque ny grande congnoissance avecques eulx, et ilz ont si grant paour de ma personne. Hérault, mon amy, vous vous en retournerez, et leur direz : que le roy mon maistre avoit beaucoup plus de suffisans personnages en son royaulme que moy pour envoyer garder ceste ville qui vous fait frontière ; mais, puisqu'il m'a fait cest honneur de s'en fier en moy, j'espère, avecques l'ayde de Nostre-Seigneur, la luy conserver si longuement qu'il ennuyra beaucoup plus à voz maistres d'estre au siège que à moy d'estre assiégé ; et que je ne suis plus enfant qu'on estonne de paroUes. » Si commanda qu'on festoya fort bien le hérault, et qu'on le mist hors de la ville. Il s'en retourna au camp et rapporta la responce que le bon chevalier luy avoit faicte, qui ne fut guères plaisante aux seigneurs, en présence desquelz estoit ung cappitaine nommé Grant-Jehan Picart^, qui toute sa vie avoit esté au service des roys de France en Ytalie, et
