Rembarroit, rejetait

2. Jean de Ghabannes, seigneur de Vandenesse, capitaine de mille hommes de pied, frère du maréchal de la Palisse.

de Vaudemont, qui de nouvel estoit au mestier des armes, s'i porta tant gaillardement que merveille, et fist tout plein de belles charges, tant qu'il sembloit que jamais n'eust fait autre chose. En ces entrefaictes, le bon chevalier, asseuré comme s'il eust esté en sa maison, faisoit marcher les gens d'armes, et se retiroit le beau pas, tousjours le visage droit aux ennemys, et l'espée au poing, leur donnoit plus de craincte que ung cent d'autres ; mais comme Dieu le voulut permettre, fut tiré ung coup de hacquebouze, dont la pierre le vint frapper au travers des rains, et luy rompit tout le gros os de l'eschine. Quant il sentit le coup, se print à crier : c Jésus! > et puis dist : « Hélas ! mon Dieu, je suis mort. » Si print son espée par la poignée et baisa la croisée en signe de la croix, et en disant tout hault : « Miserere mei, Deus^ secundum magnam misericordiam tuam; » et devint incontinent tout blesme, comme failly des esperitz, et cuyda tumber; mais il eust encores le cueur de prendre l'arson de la selle, et demoura en estant^ jusques à ce que ung jeune gentilhomme, son maistre d'hostel'^, luy ayda à descendre et le mist soubz ung arbre. Ne demoura guères qu'il ne feust sceu parmy les amys et les ennemys que le cappitaine Bayart avoit esté tué d'ung coup d'artillerie, dont tous ceulx qui en eurent les nouvelles furent à merveilles desplaisans^.