Mon vaillant, mon bien

2. Le Loyal serviteur ne parle pas de la célèbre rencontre de Bayart et du connétable de Bourbon. « Le duc de Bourbon, » dit Du Bellay (liv. I), « lequel estoit à la poursuite de nostre camp, le vint trouver et dict audict Bayard qu'il avoit grant pitié de luy le voyant en cest estât, pour avoir esté si vertueux chevalier. Le capitaine Bayard luy feit responce : « Monsieur, il n'y a point de « pitié pour moy; car je meurs en homme de bien, mais j'ay pitié « de vous, de vous veoir servir contre vostre prince et vostre patrie « et vostre serment. » Et peu après ledict Bayard rendit l'esprit. »

Semianimis adhuc venienti Borbonio ejusque consolanti nihil aliud respondit quam : « Sero et ubinam fides, hère? » (Ferron., LYII, p. 143).

par tout le camp des François, tant des cappitaines, gens d'armes que gens de pied ; car de chascun en sa qualité se faisoit aymer à merveilles ! Vous eussiez dit qu'il n'y avoit celluy qui n'eust perdu son père ou sa mère. Mesmement les povres gentilzhommes de sa compaignie faisoient dueil inestimable. « Las ! disoient-ilz parlans à la mort, desloyalle fïirie! que t'avoit meffaict ce tant parfaict et vertueux chevalier? tu ne t'es pas vengée de luy tout seul ; mais nous tous as mis en douleur, jusques à ce que tu ayes fait ton chef-d'œuvre sur nous comme sur luy. Soubz quel pasteur yrons-nous plus aux champs! Quelle guyde nous pourra désormais Dieu donner, où nous feussions en telle seureté que quant nous estions avecques luy? car il n'y avoit celluy qui en sa présence ne feust aussi asseuré qu'en la plus forte place du monde. Où trouverrons-nous doresnavant cappitaine qui nous rachapte quant nous serons prisonniers, qui nous remonte quant serons desmontez, et qui nous nourrisse comme il le faisoit? Il est impossible. 0 cruelle mort ! c'est tousjours ta façon que tant plus est ung homme parfait, de tant plus prens-tu tes esbas à le destruire et le defFaire. Mais si ne sçauroistu si bien jouer qu'en despit de toy, combien que tu luy ayes osté la vie en ce monde, que renommée et gloire ne luy demoure immortelle tant qu'il durera, car sa vie a esté si vertueuse qu'elle laissera souvenir à tous les preux et vertueux chevaliers qui viendront après luy. » Tant piteusement se démenoient les povres gentilzhommes que, si le plus dur cueur du monde eust esté en présence, l'eussent contrainct

418 fflSTOiRE DE BAYART

partir^ àleurdueil. Ses povres serviteurs domesticques estoient tous transsiz ; entre lesquelz estoit son povre maistre d'ostel, qui ne l'abandonna jamais , et se confessa le bon chevalier à luy par faulte de prestre. Le povre gentilhomme fondoit en larmes, voyant son bon maistre si mortellement navré que nul remède en sa vie n'y avoit. Mais tant doulcement le réconfortoit icelluy bon chevalier, en luy disant : « Jaques, mon amy, laisse ton dueil; c'est le vouloir de Dieu de m'oster de ce monde ; je y ay, la sienne grâce, longuement demouré, et y ay receu des biens et des honneurs plus que à moy n'appartient ; tout le regret que j'ay à mourir, c'est que je n'ay pas si bien fait mon devoir que je devoys, et bien estoit mon espérance, si plus longuement eusse vescu, d'amender les faultes passées. Mais puisqu'ainsi est, je supplie mon Créateur avoir pitié, par son infinie miséricorde, de ma povre ame , et j'ay espérance qu'il le fera, et que, par sa grande et incompréhensible bonté n'usera point envers moy de rigueur de justice. Je te prie. Jaques mon amy, qu'on ne m'enliève point de ce lieu ; car quant je me remue, je sens toutes les douleurs que possible est de sentir, hors la mort, laquelle me prendra bientost. »

Peu devant que les Espaignolz arrivassent au lieu où avoit esté blessé le bon chevalier, le seigneur d'Alègre, prévost de Paris, parla à luy, et luy- déclaira quelque chose de son testament.