Et luy, et Bayart lui

Aussi y vint ung cappitaine des Suysses, nommé Jehan Dyesbac^ qui l'avoit voulu emporter sur des picques, avecques cinq ou six de ses gens, pour le cuyder sauver ; mais le bon chevalier, qui congnoissoit bien comment il luy estoit, le pria qu'il le laissast pour ung peu penser à sa conscience, car de l'oster de là ne seroit que abrègement de sa vie. Si convint aux deux gentilzhommes en grans pleurs et gémissemens, le laisser entre les mains de leurs ennemys; mais croyez que ce ne fut pas sans faire grans regretz, car à toutes forces ne le vouloient habandonner ; mais il leur dist : « Messeigneurs, je vous supplie, allezvous-en ; autrement vous tumberiez entre les mains des ennemys, et cela ne me proufïiteroit de riens, car il est fait de moy. A Dieu vous command', mes bons seigneurs et amys. Je vous recommande ma povre ame, vous suppliant, au surplus (adressant sa parolle au seigneur d'Alègre), que me saluez le roy nostre maistre, et que desplaisant suis que plus longuement ne luy puis faire service, car j'en avois bonne voulenté; à messeigneurs les princes de France, et à tous messeigneurs mes compaignons, et générallement à tous les gentilzhommes du très honnoré royaulme de France, quant les verrez. » En disant lesquelles parolles, le noble seigneur d'Alègre ploroit tant piteusement que merveilles, et print en cest estât congé de luy~. Il demoura encores en vie deux ou trois heures;

1. Jean de Diesbach, fils de Guillaume, avoier de Berne, commandant des bandes suisses.

2. Quant le noble Bayard sentit que les ennemis venoient droict à luy si dict à Monsieur d'Alègre et à ceulx qui estoient présens : « Monsieur, je vous prie, saulvez vous et vostre compaignie, que

420 HISTOIRE DE BAYART

et par les ennemys luy fut tendu ung beau pavillon et ung lict de camp sur quoy il fut couché ^ et luy fut amené ung prestre auquel dévotement se confessa, et en disant ces propres motz : « Mon Dieu, estant asseuré que tu as dit que celluy qui de bon cueur retournera vers toy, quelque pécheur qu'il ait esté, tu es tousjours prest de le recevoir à mercy et luy pardonner. Hélas! mon Dieu, créateur et rédempteur, je t'ay offencé durant ma vie griefvement, dont il me desplaist de tout mon cueur; je congnois bien que quant je serois aux désers mille ans, au pain et à l'eaue, encores n'esse pas pour avoir entrée en ton royaulme de paradis, si par ta grande et infinie bonté ne t'y plaisoit me recevoir ; car nulle créature ne peult mériter en ce monde si hault loyer. Mon Père et Sauveur, je te supplie qu'il te plaise n'avoir nul regard aux faultes par moy commises, et que ta grande miséricorde me soit préférée à la rigueur de ta justice. » Sur la fin de ces paroUes, le bon chevalier sans paour

ne soyez prins des ennemys. — Certes, dist le seigneur d'Alègre, ne feray, capitaine, car je ne vous laisseray point. — Alors, luy dict Bayard, si ne le faictes me ferez très grant desplaisir, car je suys mort et en moy n'a nul remède fors que de recommander mon âme à Dieu et si ne veulx personne avecques moy, car bientost rendray l'âme à Dieu auquel je prie que, par sa saincte passion, vueille avoir mercy de mon âme et à ma fin vueille pardonner comme il fit au bon larron qui pendoit en croix avecques luy. » Alors print Monsieur d'Alègre congié du noble Bayard les larmes aulx yeulx (Ghampier, f. lvi).

1 . El marques [de PescaraJ despues que recibio al capitan Bayardo diputandole gardas que le serviessen diligentemente quando espirasse y trabaiassen que no recibesse ninguna fuerça

ni injuria de ningun soldado avariento o ignorante (Vallès,

et sans reprouche rendit son ame à Dieu, dont tous les ennemys eurent dueil non croyable.

Par les chiefz de l'armée des Espaignolz , furent commis certains gentilzhonmies pour le porter à l'église, où luy fut fait solennel service durant deux jours, puis par ses serviteurs fut mené en Daulphiné K Et en passant par les terres du duc de Savoye , où son corps reposoit , luy fîst faire autant d'honneur que s'il eust esté son frère. Quant les nouvelles de la mort du bon chevalier furent sceues ou Daulphiné , ne fault point particulièrement descripre le dueil qui y fut fait, car les prelatz, gens d'église, nobles et populaire le faisoient égallement ; et croy qu'il y a mille ans qu'il ne mourut gentilhomme du pays plainct de la sorte. On alla audevant du corps jusques au pied de la montaigne , et fut amené d'église en église en grant honneur jusques auprès de Grenoble 2, où au-devant du corps une

1. Fut baillé un sauf conduict à son maistre d'hostel pour porter son corps en Dauphiné, dont il estoit natif (Du Bellay, liv. I).

2. Quelque temps après le corps de Bavard fut porté à Grenoble et fut par messieurs de justice et les gentilzhommes du pays et par ceulx de la ville receu en moult honneur et grant dueil, plain d'ung chascun tant de la noblesse que de messieurs de justice que du populaire, et ne fust de vie d'homme tant regretté seigneur ny aultre d'ung chascun que le noble Bayard. Après que fust le corps porté à Grenoble, fust mys au couvent et monastère des Minimes, lequel avoit fondé et faict édiffier monseigneur Laurens des Allemans, oncle dudict Bayard, seigneur et evesque de Grenoble, et pour ce que en son trespas le seigneur de Bayard avoit ordonné estre sépulture avec son père et mère au lieu de Grenion, furent assemblés les parens là où il devoit estre inhumé et fust dict que pour ce qu'il avoit esté lieutenant du

422 HISTOIRE DE BAYART

demye lieue furent messeigneurs de la court de parlement du Daulphiné, messeigneurs des comptes, quasi tous les nobles du pays, et la plus part de tous les bourgeois, manans et habitans de Grenoble, lesquelz convoyèrent le trespassé jusques en l'église Nostre-Dame dudit Grenoble, où le corps reposa ung jour et une nuyt, et luy fut fait service fort solennel. Le lendemain, ou mesme honneur qu'on l'avoit fait entrer en Grenoble, fut conduit jusques à une religion de Mynymes, à demye lieue de la ville, que autresfois avoit fait fonder son bon oncle, l'évesque dudit Grenoble, Laurens Aiment, où il fut honnorablement enterré, puis chascun se retira en sa maison; mais on eust dit durant ung moys que le peuple du Daulphiné n'attendoit que ruyne prochaine, car on ne faisoit que plorer et larmoyer, et cessèrent festes, dances, bancquetz, et tous autres passetemps. Las ! ilz avoient bien raison, car plus grosse perte n'eust sceu advenir pour le pays. Et quiconques en eut dueil au cueur, croyez qu'il touchoit de bien près aux povres gentilzhommes, gentilzfemmes, vefves et aux povres orphelins, à qui secrètement il donnoit et départoit de ses biens. Mais avecques le temps toutes choses se passent, fors Dieu aymer.- Le bon chevalier sans paour et sans reprouche l'a craint et aymé durant sa vie; après sa mort renommée luy demeure.

gouverneur du pays et que Grenoble estoit le chief de la justice Daulphinale seroit meilleur qu'il fut en sépulture au couvent des Minimes... Et furent les obsèques et funérailles faictes comme s'il eust esté non ung lieutenant ou gouverneur, mais ung prince (Ghampier, fol. Lvin).

comme il a vescu en ce monde, entre toutes manières de gens^