Bibl. nat., mss. français, vol. 2967, p. 48. Original

chefz des bendes qui furent mises dedans Mouzon pour entendre au vray la manière de la reddition de la ville. Sire, je les ay ouyz parler, présens plusieurs gens de bien de la compaignie qui est par deçà, lesquelz m'ont dit l'inconvénient estre advenu par les gens de pyed qu'ilz se mutinèrent disans qu'ilz ne combatroient ny ne se mectroient en deffence, s'ilz n'estoient payez d'un mois; et voyant, monsieur de Montmor, ensemble les gens de bien qui estoient avecques luy, estre en ceste nécessité, et que sans lesdicts gens de pyed qui estoient la plus grosse force qu'ilz eussent ilz ne pouvoient faire résistance à rencontre de la puissance qui estoit devant eulx, fut ledict sieur de Montmor contrainct de rendre ladicte ville à telle composition que avez esté adverty. Sire, ledit sieur de Montmor, avecques le plus de ses gens qu'il a peu remonter et armer, s'en va vers Saincte-Ménéhoult sur les passaiges et le long de la lizière de Lorraine pour faire et donner tout l'ennuy et empeschement qu'il pourra aux Bourgongnons et à leurs vivres principallement, et croy, Sire, qu'il vous y fera ung grant service, car luy et la pluspart de ses gens congnoissent ce pays là. Sire, quant au fait de Mezières, il ne nous est venu aucunes nouvelles de ceulx de dedans, car les ennemys les pressent et bâtent merveilleusement de deux coustez et les tiennent si bien encloz qu'il n'en peut sortir personne. Sire, je prie Nostre-Seigneur qu'il vous doint très bonne vie et longue.

A Reims, le iij* jour de septembre.

Vostre très humble et très hobéissant suget et servyteur,

Ghastillon.

A mon très redoubté et souverain seigneur ^

Monseigneur, par Poton^ avez entendu la composition de Mouzon et depuis est icy venu le sieur de Montmor qui a prié que, en la présence des gens de bien qui y sont, les cappitaines