Antoine Raffin, dit Poton, écuyer, s'' de Puychaunais

et chefz des bandes estans audict Mouzon avecques luy fussent oyz, ce que j'ay bien voulu ; et après avoir le tout entendu vous asseure qu'ilz n'en ont dit chose dont il sceust avoir reprouche ne blasme, mais y a fait tout ce que homme de bien peut, s'offrant tousjours de mourir le premier à la bresche, et sans I estre contrainct par les gens de pyé ne fust point venu là de

ceste sorte, mais d'avoir à combatre ceulx de dedans et de dehors luy estoit trop difficile; car nomméement la pluspart des gens de pyé et presque tous, luy dirent que sans estre paiez d'un moys après le premier coup de canon lyre ilz ne combatroient point et ne feroient guect ne escoute, ne iroyent sur la muraille, quelque remonstrance que leur peussent faire leurs cappitaines, lesquelz y ont fait ce qu'ilz ont peu. Et à ceste cause voyant par ledict sieur de Montmor que impossible luy estoit de résister, ne plus tenir, par l'opinyon de tous les gentilzhommes et gens de bien estans avecques luy y a fait ce que voyez et avez peu savoir. Au demeurant. Monseigneur, voyant qu'il est merveilleusement en bonne voulenté de vous faire bon service et se revancher luy ay donné commission d'assembler de sa compaignie ceulx qui pourront recouvrer harnois et chevaulx à Saincte-Menehoust, et avecques celle de monsieur de Florenges se retirer vers la rivière, sur les passaiges et au quartier de Lorrayne, dont viennent les vivres des Bourguignons, pour leur rompre chemyn et faire le plus d'ennuy qu'il pourra. Monseigneur, je supplye le Créateur vous donner très longue vye en très bonne santé.

De Reyms, ce iiij^ jour de septembre.

Vostre très humble et très hobeyssant suget et servyteur,

Charles.

(Voir p. 393.)

Lettres du Roi, de Louise de Savoie, de Bayart, de Montmorency, du maréchal de Châtillon, de Charles duc d'Alençon, de Jean d'Albret, seigneur d'Or-

val, de Robert de la Marck et de René, grand bâtard de Savoie, relatives au siège de Mézières (1521).

A mon très redouté et souverain seigneur ^

Monseigneur, pour ce que je n'ay point encores eu de response de monsieur d'Orval s'il viendroit ou non, doubtantque par faulte de donner prompte provision aux places l'on peut estre surprins, j'ay ce matin assemblé messeigneurs le mareschal de Chaslillon, cappitaine Bayart et les autres, lesquelz j'avoyz envoyez visiter Mézières, et après avoir ouy leur rapport combien que de ceste heure elle ne soit en estât d'attendre ung siège, ledit sieur de Bayard pense que estant dedans avecques sa compagnie, celle de monsieur d'Orval, qui y est, et les bandes du baron de Montmoreau et Boucal, qu'il la pourra garder. A ceste cause les ay incontinent depeschez pour les y envoyer, saichant que si les Bourguignons passent oultre on pourra tousjours retirer ses bandes. Monseigneur, j'euz hier soir nouvelles que leur siège est devant Bouillon, mais ce ne sont que les Lyegois ; toutesfois aux gens qui sont dedans la place, je ne fais nul doubte qu'elle ne soit incontinant prinse. D'avantaige l'autre bande de leur armée devoyt aujourd'huy venir coucher à Donzy^, qui n'e^t que à une bonne lieue de Mouzon, qui sont toutes les nouvelles que j'ay entendu, fors ce que vous dira ce porteur qui en vyent, auquel j'ay fait bailler la poste afin que, s'il vous plaist de l'ouyr, vous entendez à la vérité où est le roy catholicque et de ses entreprinses. Monseigneur, quant au surplus j'ay envoyé la bande de Poiffou à Mouzon, où il y a bien deux cens cinquante hommes et aujourd'huy ay mandé au sieur de Montmor lever jusques à mille hommes de pyé parce que des gens de cheval il ne peut avoir que sa compagnie. Qui sera pour la fin, après vous avoir supplyé. Monseigneur, vouloir donner ordre au fait de l'argent car nous en sommes fort pressez icy et n'a l'on envoyé à mon-

4. Bibl. nat., mss. français, vol. 2962, p. 99. Original. 2. Douzy, arrondissement de Sedan (Ardennes).

sieur le général que des parties en papier qui ne sont aysées à recouvrer soubdainement. Monseigneur, je supplye le Créateur vous donner très longue vie en très bonne santé. De Reims, ce iiij* jour d'aoust.

Vostre très humble et très hobéyssant sugel et serviteur,

Ghàeles.

[Au Roi^]

Sire, j'ay receu à ce soir les lettres qu'il vous a pieu m'escripre du premier jour de ce mois, par lesquelles, Sire, je vois bien qu'on vous a donné à entendre que ceste ville de Maisières n'est pas tenable ni gardable. Toutesfois, Sire, il me semble que je suis aussy creable de ceste affaire, qui suis gouverneur et vostre lieutenant en ce pays passé a xxxvi ans, que ceulx qui n'y furent jamais, et croy que vous avez bien ceste fiance en moy que ne vouldroys perdre voz gens ne vostre artillerie ne moy avecques, ne les mettre en hasard que ne feust à bonne cause et qu'il soit ainsi que je dis vray. Sire, et qu'en ce qu'on vous a escript c'est par des gens qui ne congnoissent pas la ville ne le pays. Il a pieu à Monseigneur ^ envoyer en cestedicte ville depuis quatre ou cinq jours messieurs de Bayart, le bailly de Gaen, Pierrepont et maistre de l'artillerye Suzanne qui l'ont trouvée telle qu'elle ne se doibt habandonner, mais chèrement garder pour l'importance de vostre royaume et qu'elle le vault et est bien tenable avecques les réparations qu'on y faict et avecques les gens et artillerie que j'ay demandez, et tel a esté leur rapport faicl à mondict seigneur comme pourrez veoir par ses lettres qu'il m'a depuis escriptes après avoir ouy leur dit rapport et croy qu'il ne tiendra à mondict seigneur qu'il ne soit pourvu à toutes choses comme il appartient et que cestedicte ville ne soit bien gardée. Toutesfois, Sire, vostre bon plaisir en soit faict, car, supposé que je y perde, la perte sera trop plus grande pour vous