Bibl. nat., mss. Glairambault, vol. 321, p. 6949. Copie

[AuRoi^.

Sire, présentement est arrivé ung homme que messieurs de la Roche et Bayard m'ont envoyé, par lequel m'ont mandé que le camp des Bourguignons s'en va tirant le chemin de Guyse et que la bende de Francisque s'est revenue joindre avecques eulï, et n'y a riens plus vray que hier ilz se séparèrent et qu'ils eurent les parolles que vous ai escriptes et en sçavent nos gens la vérité par deux hommes de la bende des Espaignolz qui sont venus en leur camp. Sire, au chemyn qu'ils prennent il semble qu'ils veullent tenir le chemyn dudict Guyse, toutesfois ledict sieur de la Roche et Bayard m'ont mandé que à ce qu'ils ont entendu qu'ils ont entreprinse sur Sainct-Quentin, par quoy. Sire, adviserez d'y faire pourveoir. Sire, ils ont envoyé dedans Mouzon quatre enseignes de gens de pyed, c'est à savoir Grant-Jehan le Picard, Grant-Jehan des Bordes, le beau Vauldray et le bailly de Haynault. Sire, il me semble qu'ilz ont mis ces bendes là dedans que c'est pensant que vous y veuillez amuser pour la reprendre et cependant qu'ils aillent faire leur effort audict Sainct-Quentin ou à Tournay ; parquoy, Sire, me semble que y devez prendre une bonne résolution, car je ne crains que le temps qui vous contraigne. Vous manderez vostre bon plaisir et on mectra peine de l'accomplir,

A Rethel, le xxvij" jour de septembre.

Vostre très humble et très obeyssant suget et serviteur,

Ghastillon.

De par le Roy'.

Très chers et bien amez, nous avons esté présentement advertis que nos ennemys et de nostre royaume estans en grand nombre tant de cheval que de pyé et grosse bande d'ar-