Bibl. nat., mss. Clairambault, vol. 321, p. 6975. Copie

tillerie devant Mezières et l'avoir ung mois durant tenue assiégée, voyans les provisions par nous faictes pour assembler en toute diligence toute nostre force et autres choses nécessaires à la conduite d'icelle, et ayant à leur barbe mys dedans ladicte ville de Mezières le sieur de Lorges avec mil hommes de pyé desquels il a la charge sans ce qu'ils ayent fait aucun semblant de le vouloir erapescher, ayant pareillement eu nouvelles par leurs espies de la délibération par nous prise de marcher et nous mettre en camp pour nous approucher et que pour ce faire avons fait dresser ledict camp et pris en icelluy logeiz pour toute nostredicte force et armée qui est de deux mil hommes d'armes, douze mille Souysses et vingt quatre mil hommes de pyé françois avecques grosse bende d'artillerie, et ayant fait lesdicts ennemis le plus grand et le plus gros effort qu'il est possible de faire contre icelle ville et y avoir tiré quatre mil coups de canon et longues couleuvrines et fait bresche raisonnable pour y donner Passault, n'ayant jamais l'osé entreprendre ne exécuter, quelque apprest que ils eussent fait sur le bord du foussé, tant d'eschelles, de fagots que autres choses à ce requises; et après avoir fait tout ce que faire se pouvoit jusques à les assaillir et essayer d'y entrer, hier matin sçachans que nous estions sur nostre parlement pour aller en nostredit camp et les approucher, ils se sont levez, deslogez et retirez honteusement, habandonnant leur siège, au plus grand désordre et confusion que feirent oncques gens de guerre et se sont séparez en deux bandes et pris deux chemins, c'est asçavoir le sieur de Nanssou le chemin de Dynan et Francisque cellui qu'il avoit fait quant il vint et s'en vont en grand murmure et malcontantement les ungs des autres, mourans de faim sans victuailles ne payement; vous advisant que s'ils eussent encore demouré deux jours nous les eussions approuchez de si près que pour le moins leur artillerie y fust demourée. Desquelles choses nous avons bien voulu vous advertir pour estre nouvelles telles que de leur cousté se peut tenir la guerre faillie et qu'il touche maintenant à nous pour le leur rendre si bon nous semble. Et pour ce que non-seulement devant ledict Mezières mais devant nostre ville et cité de Parme nous avons eu et obtenu victoire sur nosdicts ennemys

et que nous tenons et reputons procéder de Dieu nostre créateur qui est servateur de nostre cueur et qui congnoist nostre bonne intencion et juste querelle, nous vous prions, requérons et mandons que incontinant ces présentes receues vous vueillez envers nostredit Créateur en rendre et faire rendre grâces, louenges et mercys et par prières, oraisons et autres démonstrations de joye accoustumées estre faictes en tel cas inciter nostre peuple à continuer lesdictes prières en manière qu'il plaise à nostredict Créateur préserver et garder nous et nos armées, nous donner victoire contre nos ennemys ou les humilier de venir à paix honnorable, seure, proufîtable pour nous et nostre royaume, à l'honneur, prouffit, repos, utilité et soulagement d'icelluy et de nostre peuple qui est la chose de ce monde que plus désirons.

Donné à Sainct-Thierry, le xxviij' jour de septembre.

François.

A Monsieur le trésorier Robertet^

Monsieur le trésorier, j'euz hier deux lettres de vous, l'une escripte à Athygny et l'autre à Rethel : par la première vous me faictes savoir comme les ennemys sont encores vers Vervins, de la bonne santé du roy, ce qu'il a faict au camp des Suisses et ce que vous a dit votre nepveu de ma part, la venue de Baiard et Montmorency vers ledict seigneur-, par l'autre l'arrivée dudict seigneur à Rethel, ce qu'il a sceu de la nécessité de Tournay et le renvoy qu'il a fait du cordelier et prestre secuUier, comme ledict seigneur a ordonné que lesdictz Baiard et Montmorency courroient la part que estoient les ennemys, les propoz que ledict seigneur a tenuz du bon traiclement qu'il veut faire audict Baiard, du fait de monsieur d'Albanye, ce que ledict seigneur avoit sceu d'Ytalie et des Suisses

Monsieur le trésorier, vous congnoissez la bonne nature du roy et suis bien asseuré que pour recueillir gens qui luy ont

1. Bibl. nat., mss. français, vol. 2962, p. 23. Original. Publié en partie par M. de Terrebasse.

fait tel service que Baiard et Montmorency qu'il n'a riens oublié de ce qu'il y fault faire; et au regard du bon traicteraent qu'il tient propoz faire audict Baiard en suis très aise et sçay bien quMl le fera tel qu'il pourra et aussi est-ce en endroit ou ledict seigneur ne sçauroit rien perdre d'y user de sa débonnaire et grande libéralité, car c'est pour ung personnaige qui vault et mérite tant et tant que pour luy l'on ne sçauroit trop faire. . .

A tant vous direy adieu, Monsieur le trésorier, lequel je prye vous avoir en sa saincte garde.

Escript de Meaulx, ce xij* jour d'octobre.

LoiSB.