VII

(Voir p. 403.)

Lettre de Bayart au Roi , relative à la campagne de Picardie (1521).

Au Roy, mon souverain seigneur ^

Sire, j'ay reçeu les lettres qu'il vous a pieu me mander, datées du vu* de ce moys par lesquelles me mandes que je assamble le plus gros nombre de gensd'armes que je pourray pour aller faire une grosse course au pays de Henault, ce que je ne puis faire sans gens de pié car il fault passer par boys et par passaiges fort estroitz et en desca estre en quelque endroict la ou il me failloit laisser aux passaiges quelque nombre de gensd'armes, comme je vous ay adverti par monsieur de Barbezieux ; et si n'ay des bandes qu'il vous a pieu ordonner icy que celle de monsieur de Lorraine, et monsieur de Mullebert avecques celle de monsieur [de] Guyse, et Sepoys qui a quarante ou cinquante chevaulx, qui est la plus grosse bande de chevaux legiers qui soit en ce quartier icy. Demain je partiray d'icy deux heures devant jour avecques le nombre que j'ay pour

1. Bibl. nat., mss. fr., vol. 2962, p. 22. Original. Publié par M. de Terrebasse, p. 466.

aller de l'autre costé et feray le plus gros bruyet que je pourray mais de grand dommaige ne leur puis-je pas faire. J'avoys amené icy la bande de gens de pié de Longueval pour m'en cuider aider et quant je leur ay parlé de les mener aux champs pour vous faire service ils m'ont respondu qu'ilz n'yroient point sans argent et s'en sont allez, et n'y a pas grand perte car ilz n'estoient que soixante ou quatre vings qui ne valoient riens. Sire, il y a dans le Quesnoy huit cens chevaulx et de piétons de sept à huict cens Namuroys et iiii c. lansquenets et d'autres gens du pays jusques au nombre de trois ou quatre mille et vouloient faire quelque course en ce pays mais jusques icy ilz n'ont encores riens fait et ay sceu cecy par quelques paysans qui ont esté prins en un villaige des leurs et par ung homme de cheval et ung varlet. Sire, en passant par Bapames je vis les gens de monsieur de Sorce qui estoient si nymces' et si petit nombre que je luy ay mandé qu'il ne bougeast de Saint- Quentin. Sire, je prie à Dieu qu'il vous doint très bonne vie et longue.

A Guyse, ce ix« de novembre.

Vostre très humble et très obéissant subget et serviteur.

Bayast.

(Voir p. 404.)

Lettres de Bayart et de Lautrec, relatives au voyage de Gênes (1521-1522).

Au Roy mon souverain seigneur^.

Sire, a cest' heure j'ay receu deux paires de voz lettres, la première du iii« de ce moys, l'autre du iin«= et par la première