Vue, visière treillissée du casque

3. Chapelet, petit chapeau orné de plumes : c'était probablement un chaperon emplumé servant de cimier au heaume de Tartarin. '•"'

50 HISTOIRE DE BAYART

ung de la compaignie de monseigneur des Cordes, nommé le bastard de GhimayS et Tardieu. Quant vint sur le soir, que chascun eut fait son debvoir, se retirèrent tous au logis du bon chevalier qui avoit fait dresser le soupper triumphamment, où il y eut force dames ; car de dix lieues à l'entour, toutes celles de Picardie, ou la pluspart, estoient venuz veoir ce beau tournoy; et y fut fait grande et triumphante chère. Après le soupper y eut dances et plusieurs autres esbatemens, tant qu'il fut si tard, avant que personne se voulsist ennuyer, que une heure après minuyt sonna. Alors s'en allèrent les ungs après les autres à leurs logis, menans les dames jusques au lieu où ilz dévoient reposer. Si fust assez tard le lendemain avant qu'elles feussent bien esveillées. Et croyez qu'il n'y en avoit nulles qui se lassassent de donner merveilleuse louenge audit bon chevalier, tant des armes que de l'honnesteté qui estoit en luy; car nul plus gracieux ne courtois gentilhomme n'eust-on sceu trouver en ce monde. Or, pour parfaire ce qui estoit commencé, le lendemain, les souldars tous ensemble se trouvèrent au logis de leur cappitaine Loys d'Ars, où estoit desjà le bon chevalier, qui l'estoit venu prier de disner en son logis avecques le seigneur de Sainct-Quentin, en la compaignie des dames du soir précédent, qui luy fut accordé. Il convint aller ouyr messe, laquelle chantée, eussiez veu les jeunes gentilzhommes prendre les dames par dessoubz les bras, et icelles mener, parlans d'amours et autres joyeulx

1 . Probablement fils naturel de Gbarles de Groy, fait prince de Ghimay par l'empereur Maximilien en 1486.

devis, jusques au logis dudit bon chevalier, où, s'ilz avoient fait bonne chère le soir devant, à disner la firent encores meilleur. Guères ne demourèrent seigneurs ne dames au logis depuis le disner, car environ les deux heures, chascun qui estoit du tournoy se tira sur les rencs pour achever l'ordonnance du second jour, où celluy qui. à son penser, n'estoit pas pour avoir le pris de la première journée, espéroit avoir la seconde. Les juges, seigneurs et dames arrivez sur le lieu, commencea le bon chevalier sans paour et sans reprouche le pas ^ en la manière acoustumée; et contre luy vint ung gentilhomme de Haynault, fort estimé, qui s'appelloit Hanotin de Sucre ^, qui par-dessus la barrière, à poux de lances, se ruèrent de grans coups, et jusques à ce qu'ilz feussent par pièces; après prindrent leurs haches qu'ilz avoient chascun de leur costé et se ruèrent de grans et rudes horions, tellement qu'il sembloit la bataille estre mortelle ; toutesfois enfin le bon chevalier donna ung coup sur son adversaire à l'endroit de l'oreille, de sorte qu'il le fist tout chanceler, et qui pis est, agenouiller des deux genoulx, et en rechargeant^ par-dessus la barrière, luy fist baiser la terre, voulsist ou non. Quoy voyant par les juges cryèrent : « Holà ! holà! c'est assez; qu'on se retire, » Après ses^ deux vindrent Bellabre et Arnaulton de Pierre-Forade, ung gentilhomme de Gascongne, lesquelz firent merveilles

i. Pas, joute, tournois.

2. Hannotin de Sucker, capitaine de lansquenets, qui fit avec Bayart la plupart des campagnes d'Italie.