Ses, ces

52i HISTOIRE DE BAYART

aux lances, qui furent incontinent rompues; puis vindrent aux haches et se donnèrent de grans coups ; mais Bellabre rompit la sienne, par quoy les juges les départirent ^ Après ces deux vindrent sur les rencs Tardieu et David l'Escossoys, qui firent très-bien leur devoir. Si fist chascun en son endroit, de sorte qu'il estoit sept heures devant que chascun eust achevé, et, pour ung petit tournoy, ceulx qui y estoient veirent aussi bien faire qu'ilz avoient veu de leur vie. Quant tout fut achevé, chascun se retira à son logis pour soy désarmer ; puis après vindrent tous à celluy du bon chevalier, où estoit le bancquet appresté, et jà y estoient les deux juges, les seigneurs d'Ars et de Sainct-Quentin, et toutes les dames. S'il y eut devise ^ des deux journées ne fault pas demander ; chascun en disoit ce qu'il luy sembloit. Toutesfois, après le soupper convint en donner résolution^, et par les juges déclairer qui devoit avoir les pris. Si en demandèrent à plusieurs gentilzhommes expérimentez aux armes en leur foy, et puis après aux dames en leur conscience et sans favoriser l'ung plus que l'autre. Enfin, tant par les gentilzhommes que par les dames fut dit que, combien que chascun eust fait si bien son devoir que mieulx ne pourroit, ce néantmoins, à leur jugement, de toutes les deux journées le bon chevalier avoit esté le mieulx faisant; par quoy remectoient à luy-mesme, comme celluy qui avoit gaigné les pris, de donner ses présens où bon luy sembloit. Si y eut grande altercation entre les deux juges à qui prononceroit la sen-