CHAPITRE XIII

Comment^ après la conqueste de la duché de Milan, le bon chevalier demoura en Ytalie, et comment il dressa ung tournoy en la ville de Carignan en Pyémont, dont il emporta le pris.

Au retour d'Ytalie, que fist le roy de France, Loys XIP, en joye et lyesse, pour avoir conqueste sa duché de Milan et rendu son ennemy, Ludovic Sforce, fuytif* dedans les Almaignes, cherchans secours vers le roy des Romains, demourèrent les garnisons des François en la Lombardie en tout plaisir, à faire joustes, tournoys et tous autres passetemps. Le bon chevalier qui, en son jeune aage, avoit esté nourry en la maison de Savoye, alla visiter une vaillant dame qui avoit espousé son premier maistre, le duc Charles de Savoye. Blanche ^ s'appelloit la dame, et se tenoit ou Piémont en une ville de son douaire, dicte Carignan. Elle, qui de toute courtoysie estoit remplie, le receut joyeusement et le fist traicter comme s'il eust esté parent de la maison. Or, fault-il entendre que pour lors n'y avoit maison de prince ne princesse en France, Ytalieny ailleurs, où tousgentilzhommes feussentmieulx receuz ne oîi il y eust plus de passetemps. Léans avoit une fort honneste dame qui l'avoit gouvernée de jeu-