Fuytif, fugitif
2. Blanche Paléologue, fille de Guillaume VI Paléologue, marquis de Montferrat, et d'Elisabeth Sforce, femme de Charles I»' duc de Savoie.
64 HISTOIRE DE BAYART
nesse, et faisoit encores, laquelle se nommoit madame de Fluxas^ ; elle y avoit aussi son mary, honneste gentilhomme, soubz lequel se manyoit toute la maison. Il fault sçavoir que quant le bon chevalier fut donné paige au duc Charles de Savoy e, ceste dame de Fluxas estoit jeune damoyselle en la maison avecques sa femme ; et ainsi comme jeunes gens fréquentent voulentiers ensemble, se prisrent en amour l'ung l'autre, voire si grande, gardant toute honnesteté, que s'ilz eussent esté en leur simple vouloir, ayant peu de regard à ce qui s'en fust peu ensuyvre, se feussent pris par nom de mariage. Mais vous avez entendu par cydevant comment le duc Charles alla à Lyon veoir le roy de France Charles VHP, et luy donna icelluy bon chevalier pour son paige, qui fut occasion dont les deux jeunes amans se perdirent de veue pour long-temps, car cependant le voyage de Naples se fist et plusieurs autres choses se desmeslèrent, qui durèrent trois ou quatre ans sans eulx veoir sinon par lettre. Durant ce temps fut mariée ceste damoyselle à ce seigneur de Fluxas qui avoit beaucoup de biens, et il la prist pour sa bonne grâce, car des biens de fortune n'en eut pas grandement ; mais comme femme vertueuse, voulant donner à congnoistre au bon chevalier que l'amour honneste qu'elle luy avoit porté de jeunesse duroit encores, à son arrivée à Carignan luy fist toutes les gracieusetez et courtoysies que possible eust esté faire à gentilhomme, et devisèrent longuement de leur jeu-
1. De Frussasco. Bayart se chargea d'initier au métier des armes le fils de son amie. Dans la montre de sa compagnie (voy. Y Appendice) ^ on trouvera parmi les noms de ses hommes d'armes celui de Gaspard de Frussas.
nesse et plusieurs autres choses. Geste gente dame de Fluxas estoit autant acomplie en beaulté, doulx et gracieux parler, que femme qu'on eust sceu trouver. En son langaige louoit si très fort le bon chevalier que possible n'eust esté de plus. Elle luy ramentevoit son bien faire, quand il s'essaya à messire Claude de Vaudray, le tournoy qu'il gaigna à Ayre en Picardie, et l'honneur qu'il receut à la journée de Fournoue , dont de tout ce estoit si grant bruyt en France et Ytahe, et tellement le louoit et blasonnoit^ que le povre gentilhonmie en rougissoit de honte ; puis en après luy disoit : « Monseigneur de Bayart, mon amy, vecy la première maison où vous avez esté nourry, ce vous seroit grant honte si ne vous y faisiez congnoistre aussi bien qu'avez fait ailleurs. » Le bon chevalier respondit : « Madame, vous sçavez bien que dès ma jeunesse vous ay aymée, prisée et honnorée, et si vous tiens à si sage et bien enseignée que ne voulez mal à personne, et encores à moy moins que à ung autre : dictes-moy, s'il vous plaist, que voulez que je face pour donner plaisir à madame ma bonne maistresse, à vous sur toutes, et au reste de la bonne et belle compaignie qui est céans. » La dame de Fluxas luy dist alors : « Il me semble, monseigneur de Bayart, mais que je ne vous ennuyé point, que ferez fort bien de faire quelque tournoy en ceste ville pour l'honneur de madame, qui vous en sçaura très bon gré ; vous avez icy à l'entour force de voz çompaignons gentilzhommes françois, et autres gentilzhommes de ce pays, lesquelz s'i trouverront de bon cueur, et j'en suis asseurée. — Vray-
