Croysa, manqua son but

68 HISTOIRE DE BAYART

sienne, qui s'en alla par esclatz. Après eux vindrent Mondragon et le seigneur de Chevron, qui tant bien firent leurs courses que tout le monde les loua. Deux autres les suyvirent ; et finablement tous se portèrent si bien que la compaignie s'en contenta. Les lances rompues, convint venir aux espées ; mais le bon chevalier ne frappa que deux coups qu'il ne rompist la sienne, et qu'il ne fist voiler hors des poings celle que tenoit celluy qui combatoit contre luy. Puis les ungs après les autres vindrent sur les rencs , et si bien firent tous que possible n'eust esté de l'amender ; et fut fort tard quant chascun eut achevé. Madame fist, par le seigneur de Fluxas, convoyer^ tous les gentilzhommes pour aller soupper au chasteau, qui ne reffusèrent pas la prière; et croyez qu'ilz furent bien traictez, car léans en savoit-on bien la manière. Après soupper commencèrent à sonner les haulxboys et ménestriers, où avant que l'en se mist en train de dancer, convint donner le pris à celluy qui par raison l'avoit gaigné. Les seigneurs de Grantmont^ et de Fluxas, qui juges en estoient, demandèrent à tous les assistans, tant gentilzhommes, dames, que aux combatans mesmes, mais tous furent d'oppinion que le bon chevalier avoit, par le droit des armes, gaigné le pris ; parquoy lesditz juges le luy vindrent présenter; mais, tout rougissant de honte le reffusa, en disant que à tort et sans cause luy estoit attribué cest honneur, mais que s'il avoit aucune chose bien faicte, madame de Fluxas en estoit cause, qui luy avoit preste son menchon, et que à elle, pour

i. Convoyer, convier.

2. Pierre Barthélémy, seigneur de Grammont en Rouergue, bailli de Carladès.

luy, remectoit de donner le pris où bon luy sembleroit. Le seigneur de FJuxas, qui congnoissoit la grande honnesteté du bon chevalier, n'en entra aucunement en jalousie, et vint droit à sa femme avecques le seigneur de Grantmont, qui luy dist : « Madame, présent votre mary que vecy, monseigneur de Bayart, à qui on donne le pris du tournoy, a dit que c'est vous qui l'avez gaigné au moyen de vostre menchon que luy donnastes ; parquoy il le vous envoyé pour en faire ce qu'il vous plaira. » Elle qui tant sçavoit d'honneur que merveilles, ne s'en effraya aucunement, ains très humblement remercia le bon chevalier de l'honneur qu'il luy faisoit, et dist ces motz : « Puis qu'ainsi est que monseigneur de Bayart me fait ce bien, de dire que mon menchon luy a fait gaigner le pris, je le garderai toute ma vie pour l'amour de luy; mais du ruby, puisque pour le mieulx faisant ne le veult accepter, je suis d'advis qu'il soit donné à monseigneur de Mondragon ; car on tient que c'est celluy qui a mieulx fait après luy. » Ainsi qu'elle ordonna fut acomply, sans ce qu'on en ouyst aucun murmurer. Si fut madame Blanche bien joyeuse d'avoir fait telle nourriture que du bon chevalier, dont tout le monde disoit bien. Le pris donné, les dances commencèrent et durèrent jusques après mynuyt que chascun se retira. Les gentilzhommes françois furent encores cinq ou six jours à Garignan en joye et desduyt*, faisans grant chère, puis s'en retournèrent en leurs garnisons. Le bon chevalier print aussi congé de madame sa bonne maistresse, à laquelle il dist qu'il n'y avoit prince ne princesse en ce monde, après son souverain