Desduyt, passe-temps

70 HISTOIRE DE BAYART

seigneur, qui eust plus de commandement sur luy qu'elle y en avoit, dont il fut remercié grandement. Ce fait, convint aller prendre congé de ses premières amours, la dame de Fluxas, qui ne fut pas sans tumber larmes de la part d'elle, et de son costé estoit le cueur bien serré. L'amour honneste a duré entre eulx deux jusques à la mort, et n'estoit année qu'ilz ne s'envoyassent présens l'ung à l'autre. En la ville de Carignan ne au chasteau durant ung mois ne fut autre propos tenuz que de la prouesse, honneur, doulceur et courtoisie du bon chevalier, et estoit autant prisé et aymé léans que s'il en eust deu estre héritier ^ Il y trouva, luy y estant, servant en quelque office, Pizou de Ghenas^, qui avoit esté maistre palefrenier du duc Charles de Savoye son maistre, et duquel il avoit eu autresfois du plaisir, ce qu'il vouloit alors recongnoistre ; car après l'avoir mené à son logis et fait bien traicter, luy donna ung cheval qui valloit bien cinquante escus, dont le bonhomme de bon cueur le remercia. Il luy demanda qu'estoit devenu son escuyer du temps qu'il estoit en la maison de monseigneur de Savoye. Pizou de Chenas luy dist qu'il se tenoit à Moncallier^ où il estoit maryé et retiré, et qu'il estoit devenu fort goûteux. Le bon chevalier, non ingrat de gracieusetez que par le passé lui avoit faictes, par ledit

1. Etienne Pasquier dans ses Recherches de la France (1. VI, ch. 19) a reproduit cet épisode de la vie de Bayart sous le titre de : L'honneste amour du capitaine Bayar envers une dame.

2. On a vu au chapitre V des détails sur le service que ce maître palefrenier avait rendu à Bayart quand il était encore à la cour de Savoie.