Binasco^ à quatre lieues S.-O. de Milan
tin, et s'en allèrent jusques au nombre de quarante ou cinquante hommes d'armes pour essayer s'ilz feroient quelque bonne chose. Le cappitaine qui estoit dedans Binaz estoit très gentil chevalier, sage et advisé à la guerre, et s'appelloit messire Jehan Bernardin Cazache. Il avoit bonnes espies par lesquelz il entendit comment les François chevauchoient pour le venir trouver. Il ne voulut pas attendre d'estre pris au nyt , si se mist de sa part en ordre, et se tira hors des barrières, la portée de deux ou trois getz d'arc. Si va adviser ses ennemys, qui luy donnèrent grant joye, car, selon son jugement, au peu de nombre qu'ilz estoient, pensoit bien qu'ilz ne luy feroient point de déshonneur. Ilz commencèrent à approcher les ungs contre les autres crians : France! France! More! More! et à l'aborder y eut grosse et périlleuse charge, car de tous les deux costez en fut porté par terre qui remontèrent à grant peine. Qui eust veu le bon chevaHer faire faictz d'armes, entamer testes, coupper bras et jambes, eust plustost esté pris pour lyon furieux que pour damoisel amoureux. Brief, ce combat dura une heure qu'on n'eust sceu dire qui avoit du meilleur, qui faschoit fort à icelluy bon chevalier, lequel parla à ses compaignons, disant : « Hé ! messeigneurs, nous tiendrons tout aujourd'huy ce petit nombre de gens ! Si ceulx qui sont dedans Milan en estoient advertiz, jamais nul de nous ne se sauveroit; à coup, prenons courage, je vous supplie, et poussons cecy par terre. » Aux parolles du bon chevalier s'esvertuèrent ses compaignons ; et, en cryant tous d'une voix : France! France! livrèrent ung aspre et merveilleux assault aux Lombars, les-
74 HISTOIRE DE BAYART
quelz commencèrent à perdre place et à eulx reculler tousjours eulx defïendans très bien ; mais en ce recullement firent plus de quatre ou cinq mille, tirant vers Milan, où quant ilz se veirent si près, tournèrent bride, et à course de cheval, à qui mieulx mieulx, prindrent la fuyte vers la ville. Les François chassèrent tant qu'ilz en furent bien près. Alors fut cryé par quelc'un des plus anciens, et qui fort bien entendoit la guerre : « Tourne, homme d'armes, tourne ! » à quoy chascun entendit, excepté le bon chevalier qui, tout eschaufFé, tousjours chassoit et poursuyvit ses ennemys, de sorte que pesle-mesle parmy eulx entra dedans Milan, et les suyvit jusques devant le palais où estoit logé le seigneur Ludovic, et pour ce qu'il avoit les croix blanches, tout le monde cryoit après luy : Pille, pille. Il fut environné de toutes pars et prins prisonnier du seigneur Jehan-Bernardin Gazache, qui le mena à son logis et le fist désarmer. Si le trouva fort jeune gentilhomme, comme de l'aage de vingt et deux à vingt et trois ans, dont il s'esmerveilla, et mesmement comment en tel aage pouvoit avoir en luy tant de prouesse qu'il en avoit congneue. Le seigneur Ludovic, qui avoit ouy le bruyt, demanda que c'estoit. Aucuns qui avoient entendu l'affaire le luy comptèrent, et comment le seigneur Jehan Bernardin, estant à Bynas, avoit esté chargé des François, qui enfin l'avoient repoussé jusques dedans Milan ; et parmy eulx, à la chasse, estoit entré pesle-mesle ung desditz François, qu'on tenoit à merveilles vaillant et hardy gentilhomme, et n'estoit riens si jeune. Alors commanda qu'on l'allast quérir et qu'il luy feust amené, ce qui fut fait incontinent.
