CHAPITRE XXII

Comment le bon chevalier sans paour et sans reprouche combatit domp Alonce de Soto-Maiore et le vaincquit.

Quant se vint au jour assigné du combat, le seigneur de la Palisse acompaigné de deux cens hommes d'armes, car desjà avoient les deux combatans cest accord l'ung à l'autre, amena son champion sur le camp, monté sur ung fort bel et bon coursier , et vestu tout de blanc par humilité ; encores n'estoit point venu le seigneur Alonce. Si alla la Lune le haster, auquel il demanda en quel estât estoit le seigneur de Bayart. Il respondit qu'il estoit à cheval en habillement d'homme d'armes. « Gomment! dist-il, c'est à moy à eslire les armes et à luy le camp. Trompette, va luy dire que je veulx combatre à pied ^ . » Or, quelque hardiesse que monstrast le seigneur Alonce, il eust bien voulu n'en estre pas venu si avant, car jamais n'eust pensé, veu la maladie qu'avoit alors le bon chevalier, il eust jamais voulu combatre à pied; mais quant il veit que desjà estoient les choses prestes à vuyder, s'advisa d'y combatre pour beaucoup de raisons : l'une, que à

1. Alphonsus qui equitatu validum Baiardum sciret pedestrem pugnam maluerat. (Ferron, loc. cit.)

Ledict Espaignol sçachant celuy François estre à cheval l'ung des plus adroits qu'on sceust, ne le voulut combatre autrement que à pied, armé de toutes pièces, réservé d'armet et de banière, à visaige descouvert avec l'estoc et le poignart, dont luy envoya deux estocs et deux poignarts pour choisir et prendre le meilleur. (Jean d'Anton, Hist. du roi Louis XII, 1620. T. II, p. 150.)

cheval en tout le monde on n*eust sceu trouver ung plus adroit gentilhomme que le bon chevalier; l'autre, que, pour la maladie qu'il avoit, en seroit beaucoup plus foible; et cela le mettoit en grant espoir de demourer vaincqueur. La Lune vint vers le bon chevalier, auquel il dist : « Cappitaine, il y a bien des nouvelles ; vostre homme dit à ceste heure qu'il veult combatre à pied et qu'il doit eslire les armes. » Aussi estoit-il vray; mais toutesfois avoit desjà esté auparavant conclud que le combat se feroit à cheval, en acoustrement d'homme d'armes ; mais par là sembloit advis que le seigneur domp Alonce voulsist fuyr la lice. Quant icelluy bon chevalier eut escousté la trompette, demoura pensif ung bien peu, carlejourmesmes avoit eu sa fiebvre ; néantmoins d'ung courage lyonicque^ respondit: « La Lune, mon amy, allez le haster; et luy dictes qu'il ne demourera pas pour cela que aujourd'huy ne répare mon honneur, aydant Dieu ; et si le combat ne luy plaist à pied, je le feray tout ainsi qu'il advisera. » Si fist cependant le bon chevalier dresser son camp, qui ne fut que de pierres grosses mises l'une près de l'autre , et s'en vint mettre à l'ung des boutz, acompaigné de plusieurs bons, hardis et vaillans cappitaines, comme les seigneurs de la Palisse, d'Oroze, d'Ymbercourt, de Fontrailles, le baron de Béarn^ et plusieurs autres, lesquelz tous pryoient