Durer, résister

ment le bon chevalier deffist le seigneur domp Alonce de Soto-Maiore, dont les Espaignolz avoient grant dueil au cueur et cherchoient chascun jour le moyen pour eulx venger. Il y eut entre les François et eulx, peu de jours après le trespas du seigneur Alonce, une trefve de deux moys ; la raison pourquoy, je ne la sçay pas. Tant y a que, durant icelle trefve, les Espaignolz s'alloient esbatre près des garnisons françoises, où hors des places trouvoientaucunesfois des François qui pareillement s'esbatoient ; et avoient souvent paroUes ensemble, mais tousjours lesdicts Espaignolz ne demandoient que riote^. llng jour entre les autres, une bende de gentilzhonmies espaignolz, hommes d'armes et tous bien montez, se va embatre^ jusque près de la garnison du bon chevalier, où l'estoit venu veoir le seigneur d'Oroze, de la maison d'Urfé, ung très gentil cappitaine, qui eulx deux de compaignie estoient saillis de la place pour prendre l'air jusques à une demye-lieue, où ilz vont rencontrer lesditz Espaignolz qu'ilz saluèrent, et les autres leur rendirent le semblable. Ilz entrèrent en propos de plusieurs choses, et entre autres paroUes, ung Espaignol hardy et courageux, qui se nommoit Diego de Bisaigne, lequel avoit esté de la compaignie du feu seigneur domp Alonce de Soto- Maiore et luy souvenoit encores de sa mort, dist : « Messeigneurs les François, je ne sçay si ceste trefve vous fasche point; il n'y a que huyt jours qu'elle est commencée, mais elle nous ennuyé merveilleusement. Si, cependant qu'elle durera, il y avoit point une bende