Embatre, ébattre

112 HISTOIRE DE BAYART

de VOUS autres, dix contre dix, vingt contre vingt, ou plus ou moins, qui se voulsissent combatre sur la querelle de noz maistres, me ferois bien fort les trouver de mon costé; et ceulx qui seront vaincuz demoureront prisonniers des autres. » Sur ces paroUes se regardèrent le seigneur d'Oroze et le bon chevalier, qui dist : « Monseigneur d'Oroze, que vous semble de ces paroUes? — Autre chose, dit-il, sinon que ce gentilhomme parle très honnestement ; je sçaurois bien que luy respondre, mais je vous prie, tant que je puis, que luy respondez selon vostre oppinion. — Puisqu'il vous plaist, dist le bon chevalier, je luy en diray mon advis. Seigneur, mon compaignon et moy avons très bien entendu voz parolles, et à vous ouyr désirez^ merveilleusement les armes nombre contre nombre. Vous estes icy treize hommes d'armes; si vous avez vouloir, d'aujourd'huy en huyt jours, vous trouver à deux mille d'icy, montez et armez, mon compaignon et moy vous en amènerons treize autres et qui aura bon cueur si le monstre. » Alors, tous les Espaignolz, en leur langage, respondirent : « Nous le voulons. » Ilz s'en retournèrent, et le seigneur d'Oroze et le bon chevaHer aussi dedans Monervyne; lesquelz assemblèrent leur compaignon s, et au jour assigné se trouvèrent sur le lieu promis aux Espaignolz qui pareillement s'i rendirent. De toutes les deux nations y en avoit plusieurs autres qui les estoient venuz veoir. Hz limitèrent leur camp , soubz condition que celluy qui passeroit oultre demoureroit pour prisonnier et ne combatroit plus du jour ; pareillement celluy qui seroit