CHAPITRE XXV
Comment le bon chevalier garda ung pont sur la rivière de Garillan, luy seul, V espace de demye-heure, contre deux cens Espaignolz.
Assez avez peu veoir en autre histoire comment au royaulme de Naples, et vers la fin de la guerre qui fut entre François et Espaignolz, se tint longuement l'armée desditz François sur le bort d'une rivière dicte le Garillan^, et l'armée des Espaignolz estoit de l'autre costé. 11 fault entendre que, s'il y avoit du costé des François de vertueux et gaillards cappitaines, aussi avoit-il du costé des Espaignolz, et entre autres le grant cappitaine Gonssalle Ferrande, homme sage et vigilant , et ung autre appelle Pedro de Pas , lequel n'avoit pas deux couldées de hault, mais de plus
1. Bayardus inter duas spéculas cum viginti equitibus latitans, cepit, fugatis comitibus, exquestorem Hispanum cum famulo quindecim ducatorum millia ad Gonsalvum ferentem; ei Tardius Rutenensis, stationis Minervincae miles, se numquam inopia laboraturum dixit si eorum nummorum medietatem haberet, et distributa horum ducatorum medietate reliquis stationis militibus, prout singulorum Yirtus exigebat, Bayardus alia medietate Tardium donavit et exquestorem cum ejus famulo cœteris salvis liberavit (Aymar du Rivail, p. 543).
2. Garigliano ou Liri, fleuve qui prend naissance dans l'Abruzze- Ultérieure.
120 HISTOIRE DE BAYART
hardye créature n'eust-on sceu trouver ; et si estoit si fort bossu et si petit que quant estoit à cheval on ne luy voyoit que la teste au-dessus de la selle. Ungjour s'advisa ledit Pedro de Pas de faire ung alarme aux François; et avecques cent ou six vingtz chevaulx se mist à passer la rivière du Garillan en ung certain lieu où il sçavoit le gué, et avoit mis ung homme de pied derrière chascun cheval, garny de hacquebute*. 11 faisoit cest alarme afin que l'armée y courust, qu'on habandonnast le pont, et que cependant leur force y vint et le gaignast. Il exécuta très bien son entreprise, et fist au camp des François ung aspre et chault alarme où ung chascun se retiroit, cuydant que ce feust tout l'effort des Espaignolz ; mais non estoit. Le bon chevalier qui désiroit tousjours estre près des coups, s'estoit logé joignant du pont, et avecques luy ung hardy gentilhomme qui se nommoit l'escuyer le Basco, escuyer d'escuyrie du roy de France Loys XIP, lesquelz commencèrent à eulx armer quant ilz ouyrent le bruyt. S'ilz furent bientost prestz et montez à cheval, ne fault pas demander, délibérez d'aller où l'affaire estoit; mais en regardant par le bon chevalier delà la rivière, va adviser environ deux cens chevaulx des Espaignolz qui venoient droit au pont pour le gaigner, ce qu'ilz eussent fait sans grande résistance , et cela estoit la totalle destruction de l'armée françoise. Si commença à dire à son compaignon : « Monseigneur l'escuyer, mon amy, allez vistement quérir de noz gens pour garder ce pont, ou nous sommes tous perduz; cependant je mettray
l. Hacquebute, arquebuse.
peine à les amuser jusques à vostre venue, mais hastez-vous. » Ce qu'il fist; et le bon chevalier, la lance au poing, s'en va au bout dudit pont, où de l'autre costé estoient desjà les Espaignolz prestz à passer; mais comme lyon furieux va mettre sa lance en arrest, et donna en la troppe qui desjà estoit sur le pont, de sorte que trois ou quatre se vont esbran- 1er, desquelz en cheut deux en l'eaue, qui oncques puis n'en relevèrent, car la rivière estoit grosse et profonde. Cela fait, on luy tailla beaucoup d'affaires, car si rudement fut assailly que, sans trop grande chevalerie, n'eust sceu résister; mais comme ung tigre eschauffe s'acula à la barrière du pont à ce qu'ilz ne gaignassent le derrière, et à coup d'espée se deffendit si très bien que les Espaignolz ne sçavoient que dire et ne cuydoient point que ce feust ung homme mais ung ennemy ^ . Brief , tant bien et si longuement se maintint que l'escuyer le Basco son compaignon luy amena assez noble secours , comme de cent hommes d'armes, lesquelz arrivez firent ausditz Espaignolz habandonner du tout le pont, et les chassèrent ung grant mille de là^; et plus eussent fait quant ils apper-
1 . Il faut probablement lire le mot diable au lieu d'ennemi qui nous paraît un non-sens.
2. Si arrivèrent les Espaignolz et fort frappoient sur Bayard, mais le vertueulx chevalier à l'ung donnoit sur le haulme, à l'aultre sur la teste et bras, les aultres ruoit en la rivière, dont les Espaignolz estoient tous esbays. Et quant virent que par une si merveilleuse force et rudesse les ruoit et gettoit dans la rivière, dont bien tost cinq ou six tumbèrent dedans, parce qu'elle estoit moult profunde et lymoneuse et les bords de la rivière si haulx que cheval ne pouvoit arriver au dessus, voyant Espaignolz ainsi ahontez d'ung Françoys, gettoient contre luy picques, lances et
122 HISTOIRE DE BAYART
ceurent une grosse troppe de leurs gens de sept à huyt cens chevaulx qui les venoient secourir. Si dist le bon chevalier à ses compaignons : « Messeigneurs, avons aujourd'huy assez fait d'avoir sauvé nostre pont, retirons-nous le plus serréement que nous pourrons. » Son conseil fut tenu à bon, si commencèrent à eulx retirer le beau pas. Tousjours estoit le bon chevalier le derrenier, qui soustenoit toute la charge ou la plus part, dont au long aller se trouva fort pressé à l'occasion de son cheval qui si las estoit que plus ne se pouvoit soustenir, car tout le jour avoit combatu dessus. Si vint de rechief une grosse envahie des ennemys, qui tout d'ung floc donnèrent sur les François en façon que aucuns furent versez par terre. Le cheval du bon chevalier fut aculé contre ung fossé, où il fut environné de vingt ou trente qui cryoient : « Rende y rende, Seignor. » Il combatoit tousjours et ne savoit que dire, sinon : « Messeigneurs, il me fault bien rendre, car moy tout seul ne sçaurois combatre vostre puissance. » Or estoient desjà fort eslongnez ses compaignons, qui se retiroient droit à leur pont, cuydans tousjours avoir le bon chevalier parmy eulx ; et quant ilz furent ung peu eslongnez, l'ung d'entre eulx , nommé le chevalier Guyfray ^ , gentilhomme du
aultres arnoys de guerre, mais tout ne leur servoit de riens pour ce que le noble Bavard rabatoit tout; et dura le combat une grosse heure. Alors vit Bayard le secours des Françoys aproucher de luy, si cria à haulte voix : « Hastez vous, nobles Françoys, et secourez moy » (Ghampier, fol. xxni).
1 . Pierre Guiffrey, s' de Boutières , mari de Glauda Robert et fils d'Aynard Guiffrey. Il fut l'un des compagnons de Bayart dans le combat de 13 contre 13 dont nous avons vu plus haut le récit, et périt à la bataille de Gerignole (23 avril 1503).
Daulphiné et son voisin, commença à dire : « Hé! messeigneurs , nous avons tout perdu; le bon cappitaine Bayart est mort ou pris, car il n'est point avecques nous. N'en sçaurons-nous autre chose? et aujourd'hui il nous a si bien conduitz et fait recevoir tant d'honneur ! Je faiz veu à Dieu que s'il n'y devoit aller que moy seul, je y retourneray, et plustost seray mort ou pris que je n'en aye des nouvelles. » Je ne sçay qui de toute la troppe fut plus marry quand ilz congneurent que le chevalier Guyfray disoit vray. Chascun se mist à pied pour resangler son cheval et remontèrent, et d'ung courage invaincu se vont mettre au grant galop après les Espaignolz, qui emmenoient la fleur et l'eslite de toute gentillesse, et seullement par la faulte de son cheval ; car s'il eust autant peu endurer de peine que luy, jamais n'eust esté pris. Il fault entendre que, ainsi que les Espaignolz se retiroient et qu'ils emmenoient le bon chevalier, pour le grant nombre qu'ilz estoient, ne se daignèrent amuser à le desrober de ses armes, ne luy oster son espée qu'il avoit au costé ; bien le dessaisirent d'une hache d'armes qu'il avoit en la main; et en marchant tousjours luy demandoient qui il estoit. Il qui sçavoit bien que, s'il se nommoit par son droit nom, jamais vif il n'eschapperoit, par ce que plus le doubtoient^ Espaignolz que homme de la nation françoise, si le sceut bien changer ; tousjours disoit-il qu'il estoit gentilhomme. Cependant vont arriver les François ses compaignons cryant : « France ! France ! tournez, tournez, Espaignolz; ainsi n'emmènerez- vous pas la fleur
