Pour : « No comteis, sehor : son quinze mil ducados
faire débatre dist encores : « Et quant bien vous en eussiez esté, vous estes soubz ma charge ; je ne vous donneray que ce qu'il me plaira, » Sur cela se courroucea ledit Tardieu, et en jurant le nom de Dieu dist qu'il en auroit la raison. Si s'en alla plaindre au lieutenant général du roy de France, qui manda le bon chevalier, lequel vint incontinent. Luy arrivé, chascun dist sa raison, lesquelles ouyes, ledit lieutenant général demanda les oppinions à tous les cappitaines ; mais enfin fut par luy, suyvant ce qu'il avoit trouvé, dit que Tardieu n'y avoit riens, dont il fut bien marry. Toutesfois il estoit joyeulx et fort plaisant homme, si se print à dire : « Par le sang sainct- George ! je suis bien malheureux ! » Et puis s'adressa au bon chevalier, en disant : « Par Dieu ! c'est tout ung, car aussi bien me nourrirez-vous tant que serons en ce pays. » Lequel se print à rire, et pour cela ne laissèrent pas de retourner ensemble à Monervyne, où quant ilz furent arrivez le bon chevalier, devant Tardieu et pour plus le faire débatre , fist les ducats apporter et iceulx desployer sur une table, et puis dist : « Compaignon, que vous en semble ? vecy pas belle dragée. — Et ouy, de par tous les dyables, responditil, mais je n'y ay riens; je vouldrois estre pendu, par le sang-Dieu! car si j'avoye seulement la moytié de cela, jamais n'auroye faulte de biens et seroys homme de bien toute ma vie. — Comment, compaignon, dist le bon chevalier, ne tiendra il que à cela que ne soyez asseuré de vostre vie en ce monde! Et vrayement ce que n'avez peu ne sceu avoir par force, je le vous donne de bon cueur et de bonne voulenté et en aurez
118 HISTOIRE DE BAYART
la droicte moytié. » Si les fist incontinent compter et luy livra sept mil cinq cens ducatz. Tardieu qui cuydoit auparavant que ce feust une mocquerie , quant il se veit saisy^ se gecta à deux genoulx, ayant de joye les larmes aux yeulx, et dist : « Hélas! mon maistre, mon amy, comment pourroy-je jamais satisfaire les biens que me faictes? Oncques Alexandre ne fist pareille libéralité, — Taisez-vous, compaignon; si j'avoye la puissance, je ferois beaucoup mieulx pour vous. » De fait, toute sa vie en fut riche Tardieu; car au moyen de cest argent, après qu'ilz furent retournez de Naples, vint en France, où en son pays espousa une héritière, fille d'ung seigneur de Sainct-Martin qui avoit trois mille livres de rente. Il fault sçavoir que devindrent les autres sept mil cinq cens ducatz. Le bon chevalier sans paour et sans reprouche, le cueur nect comme la perle, fist appeller tous ceulx de la garnison, et chascun selon sa quahté les départit, sans en retenir ung seul denier; puis dist au trésorier : « Mon amy, je sçay bien que si je vouloye j'auroys bonne rançon de vous, mais je me tiens contant de ce que j'ay eu; quant vous et vostre homme vouldrez partir, je vous feray conduyre seurement en quelque place de voz gens que vouldrez; et si ne vous sera riens osté de ce qui est sur vous, ne ne vous fouillera l'on point. » Si avoit-il vaillant à luy en bagues ou en argent cinq cens ducatz et mieulx. Qui fut bien aise? fut ce povre trésorier, lequel par une trompette du bon chevalier, auquel il donna trois
