Veue, entrevue

136 HISTOIRE DE BAYART

à Savonne, celluy de France repassa par sa ville de Milan, où le seigneur Jehan-Jacques luy fist ung des triumphans bancquetz qui jamais fut veu pour ung simple seigneur ; car quant on cherchera bien partout, se trouvera qu'il y avoit plus de cinq cens personnes d'assièteS sans les dames, qui estoient cent ou six vingtz. Et n'eust esté possible d'estre mieulx servis qu'ilz furent de metz, entremetz, mommeries, commédies et toutes autres choses de passe-temps. Après s'en retourna le roy en France, où l'année ensuyvant fut adverty par les Véniciens, qui estoient ses alliez, comment l'empereur Maximilian descendoit en leur pays et leur vouloit faire la guerre. A ceste cause, par ung leur ambassadeur, qui estoit devers luy, appelle Messire Anthonio Gondelmarre, luy faisoient supplier leur donner secours ; ce qu'il fist voulentiers. Et manda au seigneur Jehan-Jacques y aller avec six cens hommes d'armes, et six mille hommes de pied ; à quoy il obéyt ; et se vint joindre avec la puissance desditz Véniciens en ung lieu appelé la Pèdre, où l'armée de l'empereur estoit desjà arrivée, qui eust bientost passé plus oultre, n'eust esté la venue dudit seigneur Jehan-Jacques qui l'arresta , et depuis ne fist pas l'armée de l'empereur grans choses. Véniciens, qui sont subtilz et caulx ^ advisèrent qu'il valloit mieulx appoincter que d'entrer plus avant en la guerre, si en cherchèrent le moyen tant qu'enfin le trouvèrent. Je croy bien qu'ilz fournirent quelque argent, car c'estoit la chose en ce monde dont ledit