Caulx, rusés

empereur Maximilian estoit le plus souffreteux. Si en fîst retourner son armée. Le seigneur Jehan- Jacques, qui en cest appoinctement n'avoit aucunement esté appelle, n'en fut pas trop content, et dist bien au providadour de la Seigneurie qu'il en advertiroit le roy son maistre, et que, à son oppinion, trouveroit la chose assez estrange et n'en seroit pas content. Cela demoura ung peu en suspens , où durant ce temps le roy de France, Loys XIP, alla faire son entrée en sa ville de Rouen et sa bonne compaigne la royne, qui fut fort triumphante ; car si les gentilzhommes y firent leur debvoir, les enfans de la ville n'en firent pas moins. Il y eut joustes et tournois par l'espace de huyt jours.

Cependant se dressa quelque traicté entre le pape, l'empereur, les roys de France et d'Espaigne, où, pour y mettre fin, fut, par eulx ou leurs ambassadeurs, conclud et accordé que l'on se trouverroit en la ville de Cambray à certain jour par eulx pris. Et y fut envoyé, de la part du roy de France, le cardinal d'Amboise, légat oudit royaulme, son nepveu le grantmaistre de France, seigneur de Chaumont, et chef des armes de la maison d'Amboise, et plusieurs autres, et de chascun des autres princes ambassadeurs avec toute puissance. A quelle fin ilz conclurent, n'est riens si certain que ce fut pour ruyner la Seigneurie de Venise, qui, en grant pompe et à peu de congnoissance de Dieu, vivoient glorieusement et en opulence, faisant peu d'estime des autres princes de la chrestienté, dont peult-estre que Nostre-Seigneur fut courroucé, comme il apparut; car, ains que ses ambassadeurs deslogeassent de ladite ville de Tournay ,

138 HISTOIRE DE BAYART

firent aliance amys d'amys et ennemys d'ennemys pour leurs maistres , et là fut conclud que le roy de France, en personne, passeroit après Pasques l'année ensuyvant qu'on diroit mil cinq cens et neuf, en Ytalie, et entreroit au pays des Véniciens XL jours devant que nuls des autres se meissent à lacampaigne. Je ne sçay à quelle fin ilz a voient posé ce terme, sinon qu'ilz vouloient taster le gué ; et peult-estre que si le roy de France eust eu du pire, en lieu de courir aux Véniciens, eussent couru sur luy-mesmes ; car je n'ay jamais congneu qu'il y ait eu grosse amytié entre la maison de France et la maison d'Austriche, et pareillement ne s'accordoient pas bien le pape et le roy de France. Bref, il me semble, à dire le vray, qu'ilz vouloient faire essayer la fortune aux François, et vouloient jouer à ung jeu que jouent petis enfans à l'escolle : S'il est bon je leprens; et s'il est mauvais je le laisse. Toutesfois, si bien advint à ce bon roy Loys, qu'il exécuta son entreprise à son grant honneur et au prouffit de ses alliez, comme vous entendrez.