CHAPITRE un

PRES auoir succinctement discouru de la nature du loup, et la manière de façonner les chiens, tant limiers; que courans, pour la chasse d'iceluy, reste à parler maintenant comment il le faut chasser et prendre, en quelque sorte que ce soit. En premier lieu le soir deuant que Ton voudra chasser, faut auoir fait prouision d'vn carnage de quelque Cheual mort, ou bien si le Seigneur de la chasse a le moyen de porter les frais , tuer vn cheual , et le mettre à deux ou trois iects d'arc loing du bois en quelque terre labourée et hersée, s'il est possible, ou bien sus le sable, en pays de sable : et de la tripaille faire au soir la traisnee par vn homme à cheual , qu'il fera lier auec de bonnes et fortes harts ou petites harselles (car sur toute chose ne faut qu'il y ait cordage} et ira à l'entour du buisson, si d'auenture il n'est trop grand et trop spacieux : à tout le moins se pourmenera par les orées et bords dudit buisson, puis reuiendra iusques au lieu ouïe cheual aura esté abbatu, et se pourmenera à cheual assez loing dudit carnage iusqu'à minuict ou bien le plus tard qu'il pourra : afin que les loups ne l'ayent si tost mange : parce que s'il commençoit à manger dés le soir, principalement au temps auquel les nuicts sont fort longues, comme en hyuer, ils auroient bientost fait: et incontinent après se retireroyent bien loing de là : msûs s'ils commencent à manger assez près du iour, ils demeureront au prochain bois ou buisson. Parquoy s'il y a plusieurs buissons , sera bon de faire plus d'vne trainee , et sur tout que l'on n'y mette point de cordage, comme auons ia dit : autrement le Loup n'en appro^ cheroit aucunement. Est bon aussi que celuy qui fera la traisnee, ne soit Je ceux qui hantent parmy les leuriers ou Chiens courans, et qu'il ayt auec soy quelque petit matin qui mange carnage : car cela asseure bien mieux le loup pour y manger. Sera bon aussi en esté que lo carnage ne soit loing de riuiere, ou ruisseau, ou mare, afin que les loups puissent boire, et eux retirer en leur buisson, sans en aller chercher ailleurs. Faut aussi que l'homme qui tuera le cheual ou qui l'aura apporté mort, leue les quatre quartiers, et les pende haut à quelque branche d'arbre près de là, pour la nuict suyuante les abbatre et faire tomber vne ou deux heures deuant le iour. Hesme s'il y auoit commodité de quelque arbre près de là, seroit bon qu'il y eust vn homme, s'il fait clair de Lune, ou qu*il ne face beaucoup trouble, qui montast en l'vn desdits arbres pour veoir manger lesdits loups, et dire le nombre qu'il en aura veu, et de quel costé ils auront tiré pour leur aller rembuscher après auoir mangé : car c'est grande aduenture si les vieux loups y viennent manger la première nuict , mais bien les ieunes. Et si le vieil loup arriue, les ieunes luy quittent bien tost le carnage, et se reculent, attendans que le vieil Loup ayt mangé à son plaisir : mesme auant qu'il mange au carnage, il toumoyera à l'entour, re^o^ant et escoutant s'il y a rien qui luy nuise. Puis s*il veut manger, arriuera en courant , et en prendra trois ou quatre goulees , puis se retirera en aiTiere , et reuiendra plusieura fois en ceste manière : et ay autrefois prins grand plaisir à les voir ainsi faire. L'vn de mes gens en compta vue nuict seize sur le carnage, au mois de lanuier. On dit en commun prouerbe, que iamais loup ne mangea l'autre : mais i'ay expérimenté le contraire : car pour vne nuict en ont mangé deux que i'auois prins le iour deuant , dont ie leur fis faire la trainee. Aussi si les loups ont mangé d'vn cheual, chien ou pourceau chaud, ils ne peuuent descharger ne vomir cela: ce qu'ils font quand ils les ont mangé froids, afin qu'ils puissent Jurer et courir plus longtemps, cuidans par cela amuser les chiens à manger ce qu'ils reiettent et vomissent en courant.

DE LA CHASSE DV LOVP

COMME LE VEyErn DOIT ALLER EN QVESTE,

et faire le buisson pour la chasse du Loup,