CHAPITRE X
'EST vne profonde et admirable prouidence de Dieu, que l'homme premier Adam, auant qu'il fust decheu de la perfection que Dieu luy auoit donnée lors de sa première création, auoit impose les noms aux bestes, comme il est dit en i Genèse, chapitre dcuxiesme, verset vingt, et luy auoit donné puissance sur toutes bestes : comme il est aussi recité au premier chapitre dudit liure, verset vingt six, et au Psalme huict. Toutesfois par le péché de notre premier père, ceste puissance a esté ostee à Thomme, par Thorrible vengeance du Seigneur tout-puissant, de sorte que les bestes portent auiourd'huy dommages infinis à l'homme, le guettent, luy courent sus, rauissent son bien, le naurent, le tuent: qui est vn certain tesmoignage de l'ire de Dieu, qui a puny l'homme iustcmcnt. Dont ne se faut esmeruciller ny murmurer aucunement, si l'homme ayant desobcy à son Créateur est aussi desobey par les bestes, qui luy estoient subiettes et du tout émancipées : si l'homme ayant offensé son Dieu, est offensé par les bestes inférieures à soy. Vray est que ce bon Dieu ne l'a laissé sans moyens pour pouuoir se garder de la cruauté des bestes saunages, insidieuses et mal faisantes : car l'homme, par l'instinct de Dieu a inuenté plusieurs manières de prendre et assubicctir à soy Icsdites bestes, comme loups et autres bestes cruelles. Nous auons cy-Jessus parlé des moyens de les prendre à foice de chiens et leuriers : maintenant nous traictorons de la manière de les prendre au piège, et autres instruments propres, comme verrez en la figure suiuantc : laquelle monstre comme il faut faire vne grande fosse, qui soit couuerte d'vne claye suspendue, pour facilement tourner. De l'autre costé de la clave faut mettre vn ovson, aigneau, ou autre tel bestial. Si le loup entreprend et s'efforce de
DE LA CHASSE DY LOTP. 88
passer par dessus, la daye tourne» et le loup tombe dedans la fosse. Laquelle doit estre bien couuerte de la claye, afin que le loup, qui est l'vne des fines et cauteleuses bestes qui soit» ne la puisse apperceuoir : et ceste façon est commune et facile.
