SCENE IX

Crispin.

Il n'en est rien, tu ris.

Beatrix.

Moy, je ris ?

Cris pin.

Oûy, tu ris comme on pleure à Paris.

J'ay l'esprit plus ferme. Ah! ah! Je ne sçay que dire, Et si je pleure aussi, je croy que c'est de rire. Mais pourtant mon dessein estoit d'estre affligé, Et cette fois ma bouche a ry sans mon congé.

Miris.

Mourir si promptement !

Estant et jeune et belle, Vostre douleur pourra n'estre pas éternelle, Et vous pourriez user encor quatre marys.

Crispin, à part.

Au dernier, on fera force charivaris.

Lucille.

Le temps fait dissiper la plus forte tristesse.

Crispin dit bas à Beatrix, pendant que Miris

parle bas à Lucille :

Dis -moy, toy qui connois le bien de ma maistresse,

En aura-t-ellc assez pour nous en faire ï

Beatrix.

Helas !

Miris, à Lucille, en luy donnant ses diamans. Tenez, cachez-les donc, qu'on ne les voye pas.