LÉ

Qui devers soy out par sa honte

Pecune, je n’en scey le conte.

Saint Gregore par vision

En fist la demonstracion

A .I. autre de l’abbeïe

Et li dist que de sa folie

Le coquart moyne repreist

Et que hors d’entour luy meiïst

La pecune sans demourance

Et en feïst sa penitance, 2010

Quer au tiers jour aprez mourroit,

En vie plus ne demourroit.

Quant le moyne out ce entendu,

Longuement n’a pas attendu ;

A l’autre le dist vraiement

Qui s’en esbahi malement,

Si fist la penitance, voir,

Et de rendre fist son devoir.

Maintenant fievres l’asaillirent,

Qui si griement le malbaillirent 2020

Que si qu’a la fin le menerent,

Et au tiers jour tant le penerent

Du matin si qu’a tierche droite,

Et fut sa peine si destroite,

Si comme l’istore retrete, 202$

Que hors de la bouche avoit trete

Sa langue par la grant ardure,

Et sembloit par celle aventure

Tant estoit mat et dequassey,

Que ja fust mort et trespassey. 2030 Les moynes qui entour estoient

Lour psalmodie entrerrompoient Pour dire par detractions

De li grans diffamations ;

Le chetif moyne a quelque peine 203$ S'en revint et reprist aleine

Et les .II. yex arriere ouvri,

Puis lour dist et lour descouvri

Pour quoy il avoit fet tel chiere,

Et lour dist en ceste maniere : 2040 « Frere, e! Dieu, qui en croiz drechié Fut, vous pardoinst vostre pechié ; Pour quoy m’avez vous diffamé ?

Bien pert que poy m'avez amé,

Quer vous m'avez certeinement 204$ Fet trop grant empeechement ;

Quer j'ai esté, c’est chose ferme, Accusé tout en .Ï. soul terme, Devant le pere esperitable,

De vous, sachiez, et du deable, 2050 Qui du tout me vouloit confondre.

Si ne savoie auquel respondre,

Et, se jamès peut avenir

Que vous voiez aucun fenir,

Qui qu’il soit ne de quelz merites,

Gardez bien que de li nedites 2056 Paroles de detraction,

Mès de vraie compassion,

Ne de celi meesmement

Qui va pour oyr jugement 2060

Et sentence devant tel juge

Qui ne veut ne bourde ne druge,

Et qui va o son adversaire

Pour oïr son jugement faire ;

Quer sachiez bien certeinement 206$ Que j'ai esté au jugement,

Et le deable en ma presence

Qui vouloit contre moy sentence ; Mès, par l’aide saint Gregore,

J'ai respondu mout bien encore 2070 A toutes ses objections

Et ai fet satisfacions,

Fors que d’un point suis confondu, Quer n’i puis avoir respondu,

Ne ma response a rien ne monte, 207$ Et pour ceu [ke] j’en oy tel honte

LA VIE DE S. GREGOIRE LE GRAND $4t

Fuy jeu ore si traveillié,

Dont vous fustes si merveillié,

Quant de mes fez mesdisiez,

De quoy trop fort me nuysiez; 2080 N’encor n'en suy je pas delivre, Quer assez d'angoisse me livre. »

Le couvent qui lez li s’estoit

Li enquist quel chose c’estoit

À quoy il ne savoit respondre Et dont l’en le vouloit confondre En la presence nostre sire.

Cil dist : « Je ne l’ose pas dire Ne conter en nule maniere, 2089 Quer, quant a vous je vi(e)ng arriere Par saint Gregore a sa requeste,

Le deable, la male beste,

Cuida que ce fust, sans doutance, Pour venir fere penitance

Du cas dont acusé m’avoit

Et, pour ce que rien n’en savoit, Il prist a crier et a brere

Et si tres forte fin a fere

Qu'il ne se vouloit estanchier; Et adonc me fist fianchier

Le tres gracious saint Gregore, Qui avec moy estoit encore, Que de ce cas rien ne dirole :

Jamès pour rien ne mentiroie, Quer bien voi quel peril i a. » 2105 Aprez ce le moyne cria :

« O Andrieu, Andrieu, fel trichierre, Mauvès, desloial, dechevierre, En cest an puisses tu perir

Et male mort te puist ferir

Qui tant a mal faire veillas

Que le conseil me conseillas, Dont l’en me reprent et remort, Et dont suy en peril de mort. »

En ce qu’a ce dire entendi

Les yex clost, le cors estendi Et fut mort tres horriblement Et tres espuanteblement.

Un homme avoit en la cité, Andreu nommé, c’est verité, Que maladie tant quassa

Des que le moyne trespassa

Et qu’il [l’Jout maudit en apert, Combien que devant fust apert, 2124 Que touz distrent, grant et menu,

Qu'il estoit a la fin venu;

Mès, combien que fort fust malade

Et qu’il fust sec et fieble et fade,

Il ne pouet venir a fin;

Ce virent bien tuyt si afin.

Quant il vit qu'il ne pout fenir,

Les moynes fist tantost venir

Du monstier saint Gregore à li

Combien qu'il fust megre et pali, 2134

Et dist : « Seignors, je suy en chartre

De mon cors, mes j'ay mainte chartre

De vostre hostel prise et ravie

En desheritant l’abbeie,

Et tant fis et me traveilley 2139

Qu’en estranges mains les bailley,

Dont grant avoir ay recheü,

Dont or me tieng a decheü,

Mes bien vous fez certeins en tant

Que le moyne en fut consentant,

Qui est mort derrenierement. » 214$

Quant ceu out dit, horriblement

Fut mort, ce dirent plus de vint ;

Nul ne sceit que l’ame en devint,

Fors cil, sans plus, qui est vray juge,

Qui chascun selon reson juge. 21$ç0

Mal fet autri desheriter,

Quer nul ne s’en peut acquiter

S’il ne rent ; mes comment peut rendre

Qui{l) n’a que donner ne que prendre?

Puis la mort chescun peut savoir

Que len n’a ne or ne avoir; 2156

Donques fet il bon rendre anchiez,

Quer, quant l’en est mis et lanchiez

En enfer, c’est sans retourner.

Illecques convient sejourner 2160

Ou sans fin a touz jors mes arde ;

Chescun y doit bien prendre garde

Et rendre l’autrui ains sa mort.

Fouls est qui a ravir s’amort ;

Onques saint Gregore en sa vie 216$

Ne vesqui de chose ravie,

Mes donnoit a Dieu comme sage

Tout son meuble et son heritage,

Si con j'ey par devant conté :

Bien pert qu’il fut de grant bonté.

J'ay de saint Gregore parlé 2171

Ci dessus par lonc et par lé,

Non pas quanque l’en en peut dire,

Quer mon sens n’y porroit soffire ;

Mes qu’aus parechouz trop n’ennuyt, Je m’en delivrer[ai] ennuyt. 217$ J'ay de ses vertus raconté,

De son sens et de sa bonté

Et de sa maniere de vivre.

J'ai ceu que j’ay mis en mon livre

De Jehan le dyacre pris, 2181 Si n’en doy pas estre repris,

Quer il escrist toute sa vie,

De quoy j'ay pris une partie;

Et encore en direy .I. conte 218$

Que cel Jehan de soy raconte,

Qui li avint quant il vivoit.

En ce que la vie escrivoit

Saint Gregore, qui mout est bele, Tout soul de nuyz a le chandele, 2190

.J. homme vestu comme prestre

S’esta delez luy en son estre ;

Jehan ne dist pas: « Qui es tu? »

Cil avoit, ce sembloit, vestu

Par dessus .I. blanc vestement 2195

Si deugié merveillousement

Que l’en voiet, c’est chose voire,

Parmy la cote dessouz noire.

De Jehan plus prez s’apreucha,

Mes onques a li ne toucha 2200

Et, quant bien prez fut, a voir dire

A pleine goule prist a rire;

Onques ne s’en pout detenir.

Jehan, qui si le vit venir,

Quant vit que prez de li s’estoit, 220$

Li demanda pour quoy c’estoit

Q'uns hons de si tres grant office

Estoit si coquart et si nice

Qu’il osoit si baudement rire ;

Celuy li prent tantost à dire :

« Je ri pour ce qu’en tes escris

Mez les fez des mors et escris,

Qu’en lour vie ne veis onques. »

Jehan li respondi adonques, .

Et dist : « Tu as mauvez estry; 221$

Et, se Jay de celuy escry

Que ne vi onques li vivant,

Pour quoy en vas tu estrivant?

J’escri ceu que j'en ay leü

Et par l’escripture sceü. 2220

— Et tu as, dont me doy douier,

Si con[me] voy, fet ton vouler,

Et je ce que pourré ferey ;

A. DE MONTAIGLON

Ja pour toy ne m'en cesserey. »

Quant parlé out en tel maniere, 222$ Celuy li desteint sa lumiere

Et l’effrea si malement

Que Jehan cuida vraiement

Que l’einemy, quant a voir dire,

Le deüst de gleyves ochire. 2230 Si cria de grant crainte en l’oure, Mez saint Gregore sans demoure Vint pour estre de sa partie,

Et avoit en sa compaignie Pierre son dyacre a senestre

Et saint Nicolas a sa destre, Et, quant li vit fere tel chiere, Il h dist en ceste maniere :

« Homme de foy petite et nue, Pourquoy as tu tel doute eüe? 2240 L’enemy ne peut fere engaigne

A cely qui fet bonne ouvraigne. »

En cela saint Gregoire, voir,

Fesoit Jehan apercevoir

Qui de grant crainte fremissoit ; 224$ Le deable s’atapissoit

Lez le lit, aprez la courtine,

En autressi petit couvine

Com garson que l’en bat et torche.

Lors prist saint Gregore la torche Que Pierres le dyacre avoit; 2251 A l’einemy, que bien savoit

Qui se muchoit delez la couche, Brulla le visage et la bouche

Si fort qu’au dit Jehan sembla Qu’Ethiopien ressembla,

Tant fut narchi de desmesure ; Dessus sa blanche vesteüre

Qui si deugiée iert et si bele Chay, sans plus, une estencele 2260 Qui Pardi toute et devoura

Si bien que rien n’i demoura;

Et, quant ainssi fut escheü,

Il fut par tout tres noir veü.

Lors dist Pierres a saint Gregore :

« Sire, nous l’avon quant a ore 2266 Assez nerchi et enfumé ;

De mal feu soit il alumé. »

Dist saint Gregore : « Dieu merchi, Nous ne l’avon mie nerchi, 2270 Mes monstré avon d'aventure

Qu'il est tout noir de sa nature. »

Quant le deable oy ce conte,

Il s’en fuy à sa grant honte Conme povre chose esbabie.

Saint Gregore et sa compaignie S’en alerent à Dieu arriere,

Mès eulz lessierent grant lumiere À Jehan pour estudier,

De quoy bien les dut merchier, 2280 Quer de peril le delivrerent

Et la lumiere li livrerent

Dont il pout escrire son livre.

Sage est qui a cest saint se livre Qui sait si ses sers delivrer,

Et pour ce m’y vuil je livrer, Si que par li soie delivre

Et m'empetre grace de vivre Vers cil qui a mort se livra Pour nous, et qui se delivra

De celuy qui tous nous livroit

À mort, s’il ne nous delivroit.

Se de peril nous delivron,

De tous poins a Dieu nous livron

Et aprez a sa douche mere, 229$ Qui n’est ne fele ne amere

N’onques n’out en lié rien amer.

Preste est touz jors de nous amer, Pour tant que loyaument l’amon ;

Se de bon cuer la reclamon, 2300 Elle accourra a la clamour, Quer tant ayme de vraye amour Qu’ele ne faut a nul qui l’ayme S’a besoing de cuer la reclayme.

Or ay besoing ; si la reclaim

Et du deable a lié me claim

Qui me het, n’onques ne m’aima, Quar hayne vers toute ame a.

Si requier le bon saint Gregore, De qui j'ai devant fet memore, Qu’i me vuille tant otroier

Que pour moy vuille deprier

La tres douce vierge Marie

Qui mainte ame a de mort garie, Se l’einemy me veut sus courre, 231$ Qu’elle viegne pour moy rescourre, Et je scey bien, s’elle y acourt,

Que l’einemy s’i tendra court,

Que tout maintenant s’en courra

Et que de ses mains m’escourra. 2320 Saint Gregore, et tu me secour,

Se l’einemy m’acuse; cour Tout aussi comme tu couris A Jehan que tu secouris, Qui de ta vie escrit le cours En beaus livres, non mie cours, Mès grans et lons, bien est sceü; Et j'ey fet ce que j’ey peü, Si te pri que ne me desdeignes, Mès mon petit livre a gré preignes.

C’est ceu a quoy m'oreison tent; 2331 Dieu fut du petit don content Que la povre fame donna, Et ail, qui fors petit don n’a Et le donne de cuer entiers, L’en le doit prendre volentiers.

Je n’ay rien de noef controuvé, Mes le vray latin approuvé Ay je translaté en rommant.

Saint Gregore, a toy me commant, Et te pri que me recommandes 2341 Par tes merites, qui sont grandes, A Dieu et a sa douce mere, Quer, se tu veux, saintisme pere, Vers eulx me peus si affiner 234$ Que sauf serey au definer.

En lan mil. CCC. vint et sis, U vendredi saint que je sis Tout soul a l’oure de complie, Fust ceste euvre toute acomplie. 2350 Et Dieu, qui ne faut ni ne ment, Qui a ycel jour proprement Toute l’escripture acompli, Me vuille metre en si bon pli Que sa volonté aemplisse 235$ Ains que m'ame de son temple ysse, Tant com le temple est encor tel, C’est a dire mon cors mortel, Quer puis la mort n’est nul fet monde S'il ne le dessert en cest monde. 2360 Pour ce pour ma peine requier Saint Gregore, et de li ne quier Fors qu'il face vers nostre sire Tant qu’il me pardoinst toute s’ire Et que j'aie avec li partie, 236$ Quant m’ame iert de mon corps partie.

Et tous ceulz qui orront le livre, Dieu vuille qu’il soient delivre De tout peril de cors et d’ame S'il prient pour moy nostre dame

LA VIE DE S. GREGOIRE LE GRAND I Et mestre Jehan le confez,

Et saint Gregore son affin 23 Qu’avecques eulz soie a la fin 7 -:: Qui en a bien porté son fez

De mal et de peril delivre. ..... Bu est de faire l’escripture,

Yci se define mon livre. * :-:"{1!1. Du Iñenvoit bonne aventure. FA REINE Amen. | L'ÉTÉ VE Le Lx" O N

imprimerie Gouverneur, G. Daupeley à Nogent-le-Rotrou.