IST

Et pour la pitié de la fame, 1540 Et, quant sur cela out pensé,

Il fist, comme bien appensé,

Savoir du fet la qualité,

Et trouva que c’iert verité.

Lors dist a celle : « Bele amie, 1545 Or te tez ; ne t’esmaie mie, Quer droit a ton proufit ferey ; Ja pour mon filz ne lesserey.

Povre es, si l’ey bien entendu; Se mon filz estoit ja pendu, Povre con devant demourroies Et a ton dit de faim mourroies ; Miex vient il que tu soies vive.

Par sentence diffinitive

Je te doins par tel couvenant Mon filz pour le tien maintenant Qu’en tous besoings te servira Con le tien et t’obeira,

Et sera, pour luy plus grever, À ton couchier, a ton lever,

A ton boire et a ton mengier ; Je ne t'en puis pas miex vengier.

S’einssi est que mon dit te plese Et a la fin que plus a ese Puisses desorenavant vivre,

Je di et vuil que l’en te livre Pour toy et pour luy tant d’avoir Que vous en puissiez bien avoir

Bon hostel et bonne chevance

Touz jours mes en grant habondance, Sans povretey et sans souffrete; 1571 Et, se cecy bien nete hete,

Je t’en vengerey maintenant :

Ja n’en faudrey de couvenant. »

Quant celle, qui n’avoit en coffre 1575 Denier ne maaille, oy l'offre, EI dist : « Sire, je t’en mercy.

Tout aie je le cuer nercy

De mon filz que le tien a mort, Fiebiesce et povreté m’amort A ce que tu devises prendre ; Je nen t’en vuil de rien reprendre. »

Einsi fut il, ne plus ne meins; A son filz la mist entre meins, Qui onques de ce n’estriva, Mes premierement le priva

De toute sa succession,

Et bien tint la condicion

LSSS

Sans mentir, onques ne flechi,

Quer de touz poinz les enrechi 1590

Si c’onques puis n’ourent defaute.

Cy a bele justice et haute

Et pour le filz assez cruele.

Nul roy ne fet mes nulle tele;

L’en souloit justice tenir,

Pour ce souloit bien avenir

A ceulz qui justice tenoient

En tous les lieuz ou il venoient.

Jay veü en unes croniques,

Qui sont vraiez et autentiques, 1600

Que le niez au grant Chalemaine,

Charle le Chauf, c’est chose plaine,

Qui fut emperiere de Romme

Et roy de France et puissant homme,

Out .I. filz fel et diffamé, 160$

Dont meins fut de son pere amé,

Et souvent pour sa mesprison

Le feisoit jeter en prison

Et forment estreindre et lier,

Et, quant ne le pout chastier,

Il li fist les .II. yex crever,

Si que nul ne peüst grever.

Ainsi deüst on encor fere

A ceulz qui sont de mal afere,

Combien qu’il soient de parage.

Justice vaux miex que lignage ;

Diex gart qui justice tendra,

Quer a la fin bien l’en vendra,

Aussi con Trajan la tenoit,

Quer nule foiz n’i mesprenoit, 1620

Dont bien s’aperchoit au jour d’ore

Par les merites saint Gregore,

Si com je direy, se je puis.

Tel chose n’avint ains ne puis

C'onques veisse en escripture.

Gregore .I. jour par aventure

Par le marchié Trajan passa,

Grant piece puis qu'il trespassa.

Lors li souvint de sa bonté

Dont l’en li out assez conté,

Comme il fut loial en justice

Sans fere a nuly prejudice

Et comme il fut misericors.

Mès, quant li souvint que le cors

N’avoit eù crestienté,

Il fut trop en cuer tourmenté

Et de grant angoisse fremy,

A. DE MONTAIGLON

Et dist : « Ha! las, ce poise my Qu’estre doie a dampnation

Prince de tel condicion 1640 Qu'il feiseit droit, con l’en recorde, Atrempé de misericorde. »

Saint Gregore fut trop carchié D’angouisse en passant le marchié, Et pensa mout en quel maniere 1645 Y1 ayderoit a l’emperiere,

Qui fut de si tres bon afere

Et si juste et si debonnere

Qu'il tint droit si comme il couvint.

Quant a saint Gregore en souvint,

Il s’en ala, sans demourer, 1651 A l’eglise saint Pierre ourer.

Lors se mist par devocion

De bon cuer en prostation,

Et pria Dieu bien longuement, 165$ En plourant angoissousement,

Qu'il vousist par sa grant pitié

Que cil fust absouz et quitié

Qui tant avoit amé justice,

Combien qu’il fust coupable en vice Par l’errour de sa fausse loy. 1661 Saint Gregore oy sans deloy

Une vouiz qui li dist : « Gregore, Tu es essaucié quant a ore.

Trajan sera par ta merite Delivré, mes tu n’es pas quite.

Tu as Dieu prié longuement Pour un hons qui a dampnement Estoit pour sa defaute mis ;

Dieu le tenoit pour einemis Puisqu’il n’avoit crestienté ;

Mes tu t'en es tant dementé

Et prié à si grant instance Qu’empetrie as sa delivrance.

Mes, pour ce que tu as plouré 1675 Pour .I. paien et Dieu ouré, Dieu me dist, quant de li parti, Que je te face .I. gieu parti :

Je te le ferey maintenant ;

Or en soiez bien souvenant.

Quant de cest siecle partiras, U feu de purgatore iras,

En quoy seras .Il. jors touz pleins Et y orras de hidouz pleins, Ou, de cest jour cy en avant, Soiez en seür et savant,

N’avras jamès, en nule place, Houre de santé ne espace, Mes avras touz jours maladie, Et, se tu veuz que je la die, Tu auras mal en tes costez, Qui ne te pourra estre ostez, En piez, en mains, en chief, en bras, Pour ce que tu te remembras De requerre le roy celestre 169$ Pour cil qui dampné devoit estre.

Or pren lequel que tu voudras, Quer du moins grevouz te doudras, Et pour telz gens ne fey requeste Jamès, quer elle est deshonneste. »

Le tres sage pape Gregore 1701 Lessa le feu de purgatore, Et vout miex avoir maladie Touz les jours qu’il seroit en vie Que .II. jours puis sa mort remaindre En ce feu qui art sans destaindre, Et lors out touz jors par le cors 1707 Maladie, j’en suy recors, Et puis dist souvent quant a voir

u’il amast miex la mort avoir 1710 Que sitres granz malz soustenir Dont a fin ne pouet venir.

En cecy monstra bien par fet Comme en charité fut parfet, 1714 Quant pour cil qu'onques n’out veü Fut si espris et esmeü De prier Dieu a grant instance Qu'il en out si grant penitance Qu’adez puis en out, tant en scey,

Plusors malladies en sey ; 1720 Et par ce pert com Dieu l’ama, Quer, des ce qu’il le reclama,

Trajan fut tout hors delivré,

Qui a dampnement iert livré, 1724

Dont peut [l’en] bien voier acertes Com ses vertus furent apertes.

Il fut, si com j'ai recité,

De tres parfecte humilité,

Quer, si com l’istore desqueuvre, Petit prisoit soy et sen euvre.

Il fut, si comme l’en recorde

De parfecte misericorde ;

Les povres le nous font savoir, A cuy donnoit tout son avoir.

Si comme l'istore retrete,

$ 37 Il fut de charité parfete ;

Le fet de Trajan bien le note, Dont il soufri tant de riote.

Il ne fut onques negligent, .

Mès curiouz et diligent ;

Ses livres en font bien la preuve, Quer mout en fist, si con l’en treuve, En quoyÿ son cors forment pena, Et l’antiphenier ordena,

Et si establi le servise

Qui est chanté en sainte eglise.

Il y avoit si mis sa cole

Qu'il fist pour ce fere une escole, Ne scey ou de fust ou de pierre, Dejouste l’eglise saint Pierre, Quer la estoit son droit repere, Et si en fist une autre fere

Au Latran, ou souvent venoit Et les effans y aprenoit,

Quer mout y avoit grant delit. 1755

Encor y monstre l’en le lit

Ou aucune foiz se couchoit Quant tres grant travail le touchoit ; Encor y sont les escourgiées, Trenchans et aspres et deugiées, 1760 Dont les enfans pour miex aprendre Fesoit menacier et reprendre ; Encor y est l’antephenier, Dont l’en ne prendroit nul denier, Quer il est bons et autentiques 176$ Et est gardé comme reliques.

L’en doit mout amer saint Gregore Et avoir ses fez en memore, Quer en bonnes euvres usa Tout son tens, onques ne musa, 1770 Et Dieu, qui sus touz a puissance Regarda sa perseverance ; Si vout comme de son affin Metre sa mortel vie a fin.

Le siege gouverna de Romme 1775 XII. ans, .VI. moys, .X. jours, en

[somme, Puis trespassa, devot et humble, De bonnes euvres plein et comble, U moiz de mars, en la quarte ide.

Diex nous doint grace par s’aide, 1780 Si qu’aprez nostre mort u regne Nous mete en quoy il vit et regne.

Amen.

Aprez sa mort en brief termine

Out u païs si grant famine 1784

Que les povres de fain mouroient.

Au pape qui lors iert couroient

En criant a trop grant instance

Qu'il lour donast lour soustenance

Con le bon Gregore fesoit.

Au pape trop fort desplesoit

Le murmure et la grant criée

Que il en oit mainte fiée.

Si disoit en ceste maniere :

« Fuiez de cy, tournez arriere;

Riens ne vous donrrey quant a ore;

Alez querre vostre Gregore, 1796 Qui departoit tout son avoir

Pour la glore du monde avoir ;

Il ne li chaloit qu’il feist

Fors que le monde le veist, » 1800

Ainsi par Gregore despire

Cuidoit et par tel chose dire

Sa grant avarice excuser ;

Il fesoit les povres muser

Souvent a sa porte et attendre, 180$ Ne sa main ne lour vouloit tendre, Mes les renvoiet vuilz et nus.

Si comme il estoient venus.

Quant saint Gregore out enduré Du fol pape desmesuré

Plusors foiz la detraction,

II. foiz la nuit (ms. a luy) par vision S’aparut a luy et s’esta

Delez luy et l’amonnesta

Qu'il delessast son avarice 181$ Qu'il maintenoit trop comme nice,

Et se gardast bien que de hi,

Dont le cors iert enseveli,

Ne deïst jamès nul diffame,

Ou de pis l’en seroit a l’ame, 1820 Et fut cel amonnestement

Fet assez amiablement ;

Mès le pape, bien dire l’ose,

Ne s’amenda de nule chose :

S’anchiez out dit poignans paroles,

Il en dist aprez plus de foles, 1826 De mal et [de] detraction.

A la quarte apparicion,

Saint Gregoire le corrija

Pour ce qu’il ne li oblija 1830

Et mout cruelment le reprist,

Et aprez par le chief le prist Et si mortelment le feri Qu’assez tost fut mort et peri Pour la doulour et pour l’ardure Qu'il eut de celle bateüre. 1836 L’en ne doit pas de celz mesdire Qui regnent avec notre sire.

En ce que la fain devant dite, Qui grande estoit, non pas petite, 1840 Estoit en cel pais encore, Aucuns einemis saint Gregore, Qui avoient eü envie Sur li, tant comme il fut en vie, Et ne le pouoient amer, Le pristrent lors a diffamer, Et disoient en ceste guise Que tout le tresor de l’eglise Avoit en prodigalité Degasté par iniquité, Et pour ceu a droit regarder Devoit l’en ses livres arder, Quer l’en ne pourroit autrement Avoir de li bon vengement.

À ceu esmurent par outrage De plusors autres le courage ; Quant il ourent par leur envie De sefs] livres ars grant partie, De quoy mout de gens se douloient, Et les autres arder vouloient 1860 Si com desloiaus et trichierres, Son bon amy dyacre Pierres, Por qui il fist son Dyalogue, Quant il vit qu'il furent si rogue Que touz les voulloient bruller, 186$ Il prist a brere et a uller, Puis se mist entr’elz vistement Et lour dist tout apertement En criant haut a longue alaine : 1869 «a Certes vous perdez vostre paine, Qui cuidez par ce le memore Destaindre tout du bon Gregore.

Ses livres sont partout semez ; Il n’en i a nul soul remez De quoy l'en n’ait, n’en doutez mie,

Par tout le monde la copie; 1876 Pour nient a ce fere tendez.

Or vous tesiez, si m’entendez,

Et je vous direy une chose ;

C’est merveille que dire l’ose, 1880

Vous en devrez faire grant conte, Quer bien scey, se je la vous conte Et je vous la recorde et di,

Tantost serey de mort redi

Ains que de la place me meuve, 188$ Et ce sera tres bonne preuve

Que ses livres par verité

Sont de très grant auctorité.

Je la vous direy maintenant,

S’il vous plest, par tel convenant 1890 Que, se je muyr de mort soubite Quand la chose vous avrey dite, Ses livres lesserez ester,

Et, se plus me veez ester

Que mort ne soie soudement,

Si les ardez hardiement. »

Quant il out cela recordé,

Il fut de chescun acordé.

Lors vesti, si fist son devoir, Vestement a dyacre, voir, 1900 Puis prist, si com l’en me conta, Les evangiles et monta

Haut u letron apertement, Certein de son trespassement.

Lors fist partout fere silence

Et dist ainsi en audience :

« Or entendez bien, entendez, Qui aus livres ardoir tendez.

Je scey bien que ma mort s’apreuche, Mes je n’en aurey ja repreuche. 1910 Quant mon tres bon seigneur servaie, Dont s’acointance desservoie

Ja soit ce qu’assez fuisse rude, Une foiz entra en s’estude

Ou longuement estudia ;

Je fuy dehors, si m’ennuya ; Lors me vint en melencolie, Comme jenne homme qui colie, D’aler savoir et espier

Comme il pouet estudier.

Si fis par ma bonne adventure .J. pertuset en la closture

Qui acloet le lieu et l’estre

Ou pour escrire vouloit estre, Mes d’estre oy bien me gardey. 1925 Par le pertus lors regardey ;

Si vi une coulombe blance,

Plus que n’est la neif sur la brance, Dont la chose trop me plesoit ;

Quer, quant mon seignour se tesoit, Son bec en sa bouche tenoit, 1931 Et bien vi qu’el li aprenoit

Tout quanqu’il devoit fere et dire; Quer il commenchoit a escrire Des que son bec avoit retret.

Ce me sembloit trop noble tret, Que je vi tout apertement

Qu'il escrivoit bien longuement, Et, des ce qu’il se reposoit,

La coulombe li reposoit 1940 Son bec dedens sa bouche arriere ; Souvent le fist en tel maniere.

En l’ame de moy je le vi,

Et quant plusours foiz out chevi Ainsi, il lessa s’escripture

Et s’en yessi de sa closture.

Lors ne me poy onques tenir, Quant envers moy le vi venir, Qu'il ne me convenist sousrire, Et maintenant me prist a dire Pourquoy j'aloie sousriant.

Je li aley .I. poy niant,

Quer pas n'osey apertement Recoignoistre le vraiement.

Lors me fist il jurer acertes Que les choses feroie apertes Pour quoy aussi sousris avoie.

Je li dis ce que je savoie

Quant ainssi m'oy conjurer, Quer trop me crain a parjurer, Et, quant cela dire m'oy,

Il n’en fut de rien esjoy

Et bien y parut a sa chiere, Mes me dist en ceste maniere :

« Ha! Pierres, tu m'as deceü, « Tu as mon grant secré veü ;

« Mès, si con tu aimes ta vie,

« Garde que (tu) ne le dies mie; « Quer, puisque le sceiz, quant a voir, « Tu dois bien entendre et savoir 1970 « Qu’en la place ou tu le diras

« Jamès d’illec ne partiras,

« Mès [tu] mourras tout soudement :

« Sachez le bien certeinement :

« Je ne vuil pas encusé estre. » 197$ Ainssi me pramist mon bon mestre Qu'en la place et u lieu mourroie,

Ou a nulluy recorderoie

Le miracle de la coulombe.

Je l’ey dit; or querez ma tombe, 1980

Quer je mourrey en brief espace. »

A tant chay mort en la place,

Mès sache chescun sans mentir

Que ce fut sans doulour sentir,

Puis fut aprez enseveli.

Chescun out grant pitié de li,

Quer trop fut plein de charité;

Miex vout mourir pour verité

Dire et du monde estre delivre

Que voir celer et assez vivre.

Les livres a tant demourerent ;

Toutes gens puis les hennourerent

Ne puis n’en i out nul peris ;

Bien virent que sains esperis

Les avoit au saint home apris

Et que son sens out il la pris.

Environ cel tens out .]. moyne

Si conme l’istore tesmoyne,

En l’abbeïe saint Gregore,