Cf. ibidem

Li sainz rois me conta que plusours gens des Aubigois vindrent au conte de Monfort qui lors gardoit la terre des Aubijois pour le roy, et li distrent que il venist veoir le cors Nostre Signour, qui cstoit devenuz en sanc et en char entre les mains au prestre. Et il lour dist : « Alez le veoir, vous qui ne le creez, car je le croi fermement, aussi comme Sainte Eglise nous raconte le sacrement de l'autel. Et savez vous que je y gaignerai », fist li cucns, « de ce que je le croy ?.. Je en avcrai une couronne es ciex plus que les angres qui le voient face a face ; par quoi il convient que il le croient. »