ECCL. IE

res

Les SavanTs, d'après une gravure de Callot.

CR UC NP TC Pat A

ARCHIVES DÉPARTEMENTALES DE MEURTHE-ET-MOSELLE Lettres patentes (B. 69).

Registre signé M. Bouvet, pro C. Bouvet, des années 1597 et 1598.

Lettres de création, nomination et establissement de docteur Régent en la faculté de médecine en l’Université du Pont-à-Mousson pour Charles le pois.

Charles par la grâce de Dieu duc de Calabre, Lorraine, Bar, Gueldres, Marchis, Marquis du Pont à Mousson, comte de Provence, Vaudémont, Blamont, Zutphen, etc... A tous qui ces présentes verront, salut. Comme nous ayons trouvé expédient pour le bien de notre service, utilité du publicque, advancement de nostre Ville, cité, et accomplissement de l’Université du Pont à Mousson, d'y establir des docteurs Regents, pour y enseigner et lire publiquement en l’art et faculté de médecine, et a cest effect y commectre gens ydoines et capables pour en faire les charges et functions, Scavoir faisons que nous a plain cersiores des sens, suffisance, capacité, vertu, condition, science, litérature, et doctrinc estant en la personne de nostre très cher et féal conseiller, et médecin ordinaire des nostres, Charles le Pois. Pour ces causes et autres bons respects nous mouvans, avons iceluy Charles le pois nommé, créé et estably, créons, nommons et establissons par cestes, pour en estat et qualité de docteur régent en ladite faculté de médecine, dorenavant et dès à présent enseigner et lire publiquement en ladicte Université du Pont l’estat et art de médecine, en faire les leçons ès lieux d'’icelle ville, qui seront establyes, erigés, et ordonnés à cest effect Aux grades, honneurs, faveurs, franchises, libertés, preeminences, prerogatives profictz et emoluments y appartenans et deppendans, tels et semblables dont autres docteurs Regents ès Universitéz ou y a erection et exercice de semblable faculté, ou accoustumés jouir, et aux gages d’huict cens frans par chacun an, que voulons commencer de courir des la présente année monante huict. Sy donnons en mandement à tous nos mareschaulx, senechaulx, Baïllis, Procureurs generaulx, conservateurs de la dicte Université, Prevost, mr Eschevin, gens de conseil de justice audict lieu du Pont, et autres noz officiers, justiciers, hommes et subiectz qu'il appartiendra, que du contenu en cestes nos présentes lettres de creation, nomination, d’establissement ensemble desdits grades, honneurs, faveurs, franchises, libertés, preeminences, prérogatives, proffictz, emolumens et gages, Ils facent, laissent et souffrent le dit Charles le Pois, jouir et ‘user plainement et paisiblement, sans luy faire mettre ou donner, ny souffrir estre faict mis ou donné aucun trouble destourbier ny empeschement au contraire, Mandons et ordonnons en oultre à nostre très cher et feal Conseiller d'Estat, Trésorier général de noz finances, et Auditeur des comptes de Lorraine, Claude de Malvoisin, et à ses successeurs audict estat, Que des deniers de ses charges Il en paie et delivre par chacun an aux termes accoustumez et

dès la presente année audict Charles le Pois la dicte somme d’huict cent francs, pour ses gages annuels dudict estat de docteur regent en la faculté de Médecine et en rapportant par ledict Tresorier moderne, coppie de cestes deuement collationnée a son original, pour une seulle et première fois, avec quictance dudit de Pois, de chacun paiement ainsy à luy faict, ce qu’a cest effect, luy et sesdictz successeurs auront parés et delivrés, leur sera passé et alloué en despence de chacun leurs comptes qu'il appartiendra, et qu'ils rendront pardevant nos tres chers et feaulx conseillers les Presidens, et gens des comptes de lorraine, ausquels et a chacun d’eulx mandons aïinsy le faire sans difficulté ny contredict, car telle est nostre expresse intention et volonté, en tesmoing de quoy nous avons à ces dictes presentes signées de nostre main, faict mettre et appendre notre grand seel, données en nostre ville de Nancy, le deuxiesme jour du mois d’Apvril, mil cinq cens quatre vingts et dix-huict, signé CHARLES.

Sur le Reply est escrit par monseigneur le duc, les ST Comte de Salm, mareschal de lorraine et gouverneur de Nancy, de Bourbonne gran chambellan et chef des finances, de Gournay baïlly dudit Nancy, de Maïlhanne, Bailly de l’evesché de Metz, de Marcossey, Bailly des Vosges, de Lenoncourt prieur de Lay de Neuflotte, Bailly d’Aspremont, Bardin maistre aux Requestes ordinaires et Remy procureur géneral de Lorraine presents contresigné de la Ruelle, Registrata M. Bouvet p. C. Bouvet.

Er ee Vu: * ‘ Nue 1 :

é Nancy, le 11 juillet 1914. 5 Nancy, le 11 juillet 1914. À Le Président de la Thèse, Le Doyen, HR IP ROHMER. TE MEven. | “À Vu et permis d'imprimer 5 : 3. Nancy, le 15 juillet 1914.

SA Le Recteur de l'Académie :

15 Ch. ADAM, : Membr> de l’Institut.