LE SECRÉTAIRE
Hélas! la Cité est privée De son Pasteur bénigne & doulx, Mais combien qu'elle soit grevée, Elle a son espérance en vous.
Qui esse qui consolera
Le peuple qui est demouré?
Qui esse qui confortera
Le clergié povre & esplouré?
Soyez ung peu plus modéré,
Veuillez la Cité solagier,
Actendu & considéré
Que Didier vous en voulst chargié.
Valier.
Mon despart ne peult dommaigier, Car cy après retourneray.
Mais se je demeure en tlangier Peut estre que j'y fineray, Et si je meurs je causeray Au peuple désolacion, Si je m'en vois, je reviendray Pour oster son affliction.
Le Secrétaire.
Puisqu'avez telle intencion, J'ay bon vouloir & bon couraige D'avoir participacion De tout le chemin & voyaige.
Valier.
0 mon Dieu, qui est bon &. saige, Je te rends mes pouvres brebis, Eûseigne moi quelque bocaige Ou caverne de rnabre bis.
Adieu, Lengres la désolée, Adieu, mon pays aimable, Adieu, l'église fort Coulée, Adieu, bourgeoysie honorable, Adieu, Cité incomparable, Adieu, logis délicieux, Adieu, mon lignaige louable, Adieu, mon peuple gracieux.
Lors s'en vont rcirtùrc en quelque lieu.
Groscus.
Grans faicts, grans signes merveilleux, Avons veu en nostre présence, Je croy que nos Dieux glorieulx N'ont point icy de préférence.
N'esse pas forte apparence Ou esbayssement très fort Du Prélat occis par sentence Qui cbemynoit après sa mort.
Le Roy des àlajns.
C'est moult grande odmiracion, C'est chose non accoustumée, Aussi est l'autre vision De la porte qui s'est fermée.
Groscus .
La Ville est. à peu près gastée, Nous avons butin à Teslite, Mais toute joye m'est ostée Pour la mort de mon satalile.
Pourtant, tout bien examiné, Nous povons clairement jugier Que leur Dieu est fort indigné Contre nous <k se veult vengier.
Si seroit bon de deslogier Pour éviter plus grant domaige, Car mieulx vault savoyr abrégier Que de demourer au passaige.
Faictes cesser l'occision, Rechargez bargues & barquettes, Esloignez ceste région Car noz victoires y sont faictes.
Si les besoingnes ne sont prestes, Je commande qu'on y pourvoye, Puis faictes sonner les trompettes Affin qu'on se mecte en la voye.
Satrape, vous entendez bien Tout ce que je pense & veul dire, Chascun charge ce qui est sien, Affin que chemynons de tire.
Le premier Satrappe.
C'est assez dit, il peult suffire, Je vois la besoingne exploiter.
Sus, galans, le Roy nostre sire Yeult que partons de ce quartier.
Tartarin.
Esse à certes ?
Le second Satrappe.
Sans plus songer, Laissez la Ville & le butin.
Tartarin.
Il fault premièrement chargier L'artillerie &. le butin.
Sarragot.
Tire toy près, maistre Ysangrin, Et recharge tes balesteaux.
YSANGRIN.
Soingnez, soignez de Tartârin, Car j'ay tous mes tallebuteaux.
Le premier Chevalier Alain.
Reprenez daigues &. couteaux, Le traict, la pouldre & les bastons.
Le second Chevalier Alain.
N'y laissez engins ne manteaux, Hamois, Jacques, ne hocquetons.
Durandal.
Galans, puisqu'il fault que partons, N'oblions pas nostre bagaige.
Rustarin.
Noz belles picques empourtons, Galans, puisqu'il fault que partons.
Despiteulx.
Fardeaux & pacquets aprestons, Galans, puisqu'il fault que partons.
Malvenu.
Galans, puisqu'il fault que partons, N'oblions pas nostre bagaige.
Le Roy des Alainz. Croscus, roy de noble couraige, Puisque ne voulez séjourner, Je croy que vous ferez que saige De faire voz gens chemyner.
Croscus.
Vers Provence nous fault tourner, Soit en Arles ou soit aultre part, Faictes les trompettes sonner Affin d'avancer le despart.
Lors sonnent les trompettes et les Wandres chargent toutes leurs bagues tant butin comme traict ou vivres et s'en vont en ordonnance.
Le Dot A peu que le cueur ne me part Pour la perte irrécupérable Que forte guerre nous départ Par sa rigueur intollérable.
Lengres, qui estoit honnorable, Est à destruction lotalle, Puisque Didier, seigneur notable, A soffert peinnc capilalle.
Hélas! peuple, où trouveras-tu Ung tel Évesque, ung tel Pasteur ?
Or estoit-il plain de vertu, Et aymoit Dieu, son créateur.
Qui sera mais débellateur D'erreurs ou de faultes mortelles ?
Qui sera mais consolateur Des povres veuves & pucelles ?
Nobles citoyens, De cueur souspirez, Ricbes & moyens, Cryez à plourez, Povres esgarés, Complaindez vous fort, Car jamais n'aurez Si bon reconfort.
Touleffois nous avons ce bien, Qu'après son douloureux trespas, Ce Roy wandalicque payen S'en retourne plus que le pas.
Combien que soyons mis au bas, La vertu du sainct glorieux Nous préserve d'aultre débas Contre ces Wandres furieux.
Mais puisque la dolente perte, Qui fait nos joyes aboutir, Ne sera si tost recouverte, Pensons du corps ensevelir.
Nous povons cognoistre & sentir, Par les miracles qu'il a laictz, Qu'il règne, glorieulx inarlir, Au ciel avecques les parfaictz.
Le Bailly.
Puisque les Wandres sont retraictz, Lesquels, certes, gaires n'amons, Après nos pertes 6c grans laits, Pour Dieu, le Pasteur inhumons.
Le quart Bourgeoys.
Il fault qu'au Chappitre parlons, Affin qu'ils y veullent entendre.
Le tiers Bourgeoys.
Je vous prie que nous y alons.
Le Bailly.
Alons doncques sans plus actendre.
Lors vont au Chappitre et dit le Bailly : Celluy qui voult en la croix pendre, Vous doint de lyesse montjoie!
Le Doyen.
De tout mal vous vueille deffendre Celluy qui voult en la croix pendre!
Par devers vous nous venons rendre
Le Doyen.
Mais pourquoy ?
Le tiers Bourgeoys.
Pour recouvrer joye!
Le Trésorier.
Celluy qui voult en la croix pendre, Vous doint de lyesse montjoye!
Ceste guerre qui tout desnoie, Ces Wandres, plains d'iniquité, Certes nous ont mis en la voye De misère & calamité, Et encoires l'adversité Fut tollérable aucunement, S'ils n'eussent, par crudélité, Nostre Prélat mis à torment.
Le Bailly, Las! nous plaindons piteusement Ceste maleureuse adventure, Mais il fault adviser cornent Le corps sera en sépulture.
Dijonnoiz.
C'est bien dict, mectons nostre cure A faire l'inhumacion, Comme il affert à prélature De grant recommandacion.
Le Chantre.
Je suis de ceste opinion Qu'aux Barons le convient sommer, Car ilz ont grant dévocion Au sainct que vouions inhumer.
Le Doyen.
Mes amys, pour vous informer D'aucungs poincts louchant ceste affaire, Bon est qu'aillez la fosse faire A Saint Pol, sa dévote église,
Car nous avons cler exemplaire Qu'il veult que sa chaire y soit mise, Veu que, par merveilleuse guise, Si est rendu après sa mort.
Le tiers Bourgeoys.
J'y vois besoingner sans faintise.
Le quart Bourgeoys.
Or y alons tout d'ung accord.
Le Bailly.
Certes, nous aurions bien grant tort Si n'en faisions noslre debvoir.
Lors vont faire la fosse.
Le Doyen.
Bon Pas, va t'en bientost sçavoir Devers messeigneurs les Barons S'il leur plait point de venir voir L'enterrement que nous ferons.
Diz leur que nous leur requerrons Qu'ils y viengnent au nom de Dieu, Car la charge leur baillerons De porter le corps jusqu'au lieu.
Bon Pas, messagier.
Je suis très content d'y aler Puisque c'est pour le trespassé, Ils viendront cy à vous parler Avant qu'il soit midi passé.
Le Fol.
Oncques mais je ne fus lassé De bien faire ne de bien dire, Ma femme a tout le cul cassé, Depuis France jusqu'à l'Empire, Dieu scet comment elle soupire Quant il n'y a plus rien es pois.
Je ne demande que repos Par nuict au lict que je sommeille, Mais ma femme est de tel propos Que tousiours elle me réveille.
Bon Pas.
Vers vous, noblesse non pareille, Je suis messaige & relateur De l'Eglise qui s'appareille Pour inhumer le sainct Pasteur, Si vous supplyenl de bon cueur Que venez à l'heure ordonnée Pour faire service & honneur Au patron de grant renommée.
Grancey.
0 la piteuse destinée D'avoir perdu un tel prud'omè.
Choiseul.
Il a saincte vye menée.
Trichastel.
Il n'a son pareil jusqu'à Rome.
Vergier.
Sa dure mort, son pesant somme, Sa passion mal perpétrée, Le soûlas destruyt & consomme De Lengres & de la contrée.
Grancey.
C'est raison que soit honnorée L'inhumacion du martir.
Choiseul.
C'est raison que soit décorée, C'est raison que soit honnorée.
Vergier. Or, y alons sans demeurer.
Choiseul.
Tosl, il est heure de partir.
Triciiastel.
C'est raison que soit honnorée L'inhumacion du martir.
Lors s'en vont parler au Chappitre.
Grancey.
Seigneurs, Dieu vous veulle tenir En honneur & prospérité !
Tous quatre avons voulu venir Pour faire vostre volonté.
Le Doyen.
Vous sçavez la perplexité Qu'avons pour la mort du Pasteur, Et n'est ce lieu reconforté Synon par votre grant doulceur, Car, pour rendre le peuple asceur, Le bon Saint avait ordonné Que Valier en fut deffenseur, Mais il nous a habandonné.
Si ferons ce que nous pourrons Tant que Dieu dispose aultrement, El pourtant nous commancerons A faire son enterrement.
Vueillez tous amyablement Au benoist corps mectre la main, Nous chanterons dévotement Quelque beau chant doulx &. humain.
Choiseul.
Messeigneurs, saichez de certain Que nous servirons nostre maistre, Mais le corps du martir haultain Convient dedans ce sercueil mectre.
Le Chantre.
Tost donc, il se fault entremectre De l'y boiter & envoyer.
Bassigny.
Aflin que plustost il puist cstre, Je m'y veul très bien employer.
Lors le boulent en une bière.
Le Trésorier.
Or çà, seigneurs, il fault charger Ce précieulx reliquaire Pour l'aler en terre loger, Comme il est coutume de faire.
Trichastel.
Pourtons le martir débonnaire Au lieu de l'inhumacion.
Vergier.
Pourtons le choix & l'exemplaire De toute contemplacion.
Lors les Barons pour lent le eorps, eculx de la Ville vont après et ceulx de l'Eglise chantent devant. Barroiz.
Veci son habitacion, Veci sa maison toute preste.
Le Bailly.
Besoingnez par dévocion, Messeigneurs, car la fosse est faicte.
DlJONNOIZ.
Son chief, sa face elère à nette, Avec le corps convient bouter.
Le Chantre.
Et pour Dieu, soingnez qu'on l'y mecte, Je vois commancer à chanter.
Ici) le boutent en terre bien dévotement en chantant.
Et quant la fosse est recouverte, dit : Grâce à Dieu, nous avons pariait L'ollice en toute honnesteté, Pourtant requérons luy de l'ait Qu'il soit garde de la Cité.
Lors se mect à genoulx devant la fosse et >lii : Pasteur de bonté, Miroir de beauté, Martir d'eiïicasse, Vers la Déité, Vers la Majesté, lmpètre nous grâce !
Le Trésorier, à genoulx.
La Cité foulée, Si très désolée Que c'est grant horreur, Soit par toi saulvée, Nette et conservée De tout deshonneur!
Dijonnoiz, à genoulx.
Digne Pasteur, en gloire florissant, Requiert à Dieu tout bon &. tout puissant, Que nous oclroyt un gracieulx Prélat!
Barroiz, à genoulx.
Vuelle garder, ù martir tiïuinphant, Le beau clergé comme ton propre enfant, Les bons bourgeoys & tout le pays plat!
BASSIGNY, à genoulx.
Nous te supplyons Et de cueur pryons Que tousiours t'ayons Pour patron & garde.
Le Chantre, à genoulx.
L'Esglise rendons, La Ville fondons Et recommandons En ta saulve garde.
Grancey, à genoulx.
Génie luysant, Rose clère & florie, Vueillez tonsiours garder chevalerie Et maintenir l'estat de gentillesse.
Le Bailly, à genoulx.
Les bons marchans aussi n'obliez mye, Ne laboureurs qui tiennent prud'ommye, Mais priez Dieu que nul mal ne les blesse.
Ciioiseul, à genoulx.
Dames, damoiselles, Avec leurs séquelles, Mignonnes & belles, Veuillez maintenir.
Le tiers Bourgeoys, à genoulx.
Veuves <Sc pucelles, Serves & ancelles, En douleurs mortelles Ne souffrez venir.
Le Doyen.
Or, est en terre le martir Qui si bien Lengres conforta, Et qui son chief, au despartir, Tout mort, à l'église apourta.
Pour le présent en grey prendra Nostre povre & humble service, Cy après on maçonnera Sur son tombeau quelque édiffice .
Trichastel.
Pour l'amour du Pasteur propice Sommes venus vous secourir, Touteflbis Croscus, plain de vice, A fait trop de noz gens morir, Plus rien ne vous povons servir, L'ost des Payens est deslogé, Pourtant, si c'est vostre plaisir, Donnez nous gracieux congé.
Le Trésorier. Las ! vous n'avez guères gaingné En ceste guerre intolérable.
'Dieu, pour qui avez besoigné, Vous en doint loyer perdurable!
Vergier.
Adieu, clergié très amyable, Adieu, peuple foulé de guerre !
Je vous pry, renvoyez-nous querre Se rien vous vient qui soit grévable.
Le Doyen.
Barons de couraige honnorable, Vostre départ le cueur nous serre.
Choiseul.
Adieu, clergé très amyable, Adieu, peuple foulé de guerre!
Dijonnoys.
Le Créateur insupérable Ne vous a pas souffert conquerre Contre payens honneur & terre Ou aultre chose proulïitable.
Grancey.
Adieu, clergé très amyable, Adieu, peuple foulé de guerre !
Trichastel.
Je vous prie, renvoyez-nous querre Si rien vous vient qui soit grévable.
Lors s'en vont.
Le Fol.
.le ne voy nul mectre la table Pour (ligner ou pour banqueter, Touteffois fust-il convenable De déjeuner ou de goûter, A grant peine puis-je parler De soil' que j'av dedans la gorge.
Je croy qu'il y a belle forge En enfer & de bons marteaulx.
Y forge-on point de fins couleaulx?
Je ne sçay s'il y a du fer.
Or, y est maistre Godifer, Le mary de soufe testée, Pensez que les dyables d'enfer Luy font chanter la triquotée.
Maria.
0 Claritude enluminée De divinité splendifère, Par qui au haut ciel est donnée Motion qui point ne diffère, Tu sçez l'affliction haustère Que Wandres font à tes amys, Permect que par haultain raistère, Soyent reboutez k remis.
Pour foy catholique Destruyre & myner, Le peuple pudique Font exterminer.
Fay les rencontrer Par anltre puissance, Pour leur démonstrer Signe de vangence.
Deus.
Ma souveraine Providence A désià porvu sur ce cas.
Croscus aura brief apparence D'intolérables altercas, Il sera rendu mact & bas Et sousprins par cruelle embûche, Car qui tend les royes ou les las C'est bien raison qu'il y Iresbuche.
Par inspiracion secrète.
Procédant de grâce diffuse, Marrien, personne discrette, En qui est charité infuse, Rendra totalement confuse Celte caterve maleurée, Car qui ma saincte loy refuse Ne peult avoir longue durée.
Pau sa.
Marrien, Président d'Arles.
Honorius, l'Empereur, m'a comis En ce quartier pour en eslre la garde, Les gouverneurs sont ostés & démis Car les honneurs à moy seul sont permis Pour triumpher & mener avant-garde, Si est raison qu'autour moy je regarde, Car il vault mieux, en fait gros ou menu, De prévenir que d'estre prévenu.
Je suis adverty Que Wandres maulvais, Tenant le party Des Dieux imparfaits, Font de cruels faicts Pour la foy deffaire, Mais leurs faits infaits Ne laray parfaire.
Hz ont jà les fleuves passez
Comme le Danube 6c le Kin, Hz ont maint homme détroussez, Gaingné maint noble & maint florin, .Mais affin que leur grief butin Vers Ylalie ne s'adresse, Je leur copperay le chemin, A leur très amère détresse.
Diligent, messagier ou escarcelle.
Par mon âme! c'est grant sîmplesse Que je ne bois déà je m'oblie.
// boit.
Ce vin cy me tient en jeunesse, Car c'est du meilleur d'Ytalie.
J'ay cheminé par Lombardye, Tant que je suis entré en Provence, Car je voy la chière hardie Du Président, plain de prudence.
Lors le salue.
Dieu gart la haultaine noblesse, La féconde & la gentillesse De Marien le Président!
Màrrien.
Diligent, Dieu vous doint lyesse,
Santé, prospérité, richesse, Et vous gart de tout accident!
Diligent.
Amoureusement voué salue L'Impérateur de grant value, Honorius, César Auguste.
Marrien.
.le prie à Dieu qui fil la nue, Que tousiours soit bien maintenue Sa puissance ferme & robuste.
Que dit le Monarque très juste?
Beau Sire, veuillez en compter.
Diligent.
Il lui desplait qu'ung peuple injuste Veult toute la terre gaster.
Marrien.
Gommant?
Diligent.
11 a ouyr parler Que Wandres, infâmes <k salles, Veulent destruyre & affoler Toutes les régions des Galles, Car aux Citez espéciales, Comme Lengres qui a grant nom, Hz font des choses anormales Contre les Prélatz de renom.
Si vous baille commission Le hault Prince de Roménie, De meclre à exécution La wandalieque progénie.
L'Empereur qui en vous se fye, Par iectre le vous fait sçavoir,
Et par moy le vous notifl'ye Pour plustost à ce cas pourvoir.
Lors baille la lettre.
Marrio.
Il convient premièrement voir La rescription qu'apourtez, Et puis je fera y mon debvoir D'assembler gens de tous costez.
Diligent.
Yesci de quoy.
Marrien, à ses gens.
Or, recepvez Ce mandement sans plus actemlre, El comme bien faire sçavez, Lisez que chascun puist entendre.
Lors ancung de ses gens prend ladiele lettre prùseiïque el la lit, dont la teneur s'ensuyt :
« Honorais, par la grâce de Dieu, Impereur des Romains » et tousiours Auguste, à notre amé & féal conseiller et sé- » naleur, Marianus, Président d'Arles, Gouverneur général » des légions galiques, salut & dileclion. Comme par le trespas » de notre très boimoré frère, Archadius, naguères Empe- » reur, nous soit demourée la totale monarchie et adminis- » (ration impératoire du gouvernement, de quoy est expédient » adhiber extrême diligence, attendu que nostre très cher et » amé nepveu Théodose xije de ce nom, aussi participant de » la coronne impériale, n'est encoires en aage de adolescence » ou virilité pour sçavoir donner provision telle que de rai- » son à l'entretenement de la chose publique, et nous soyons » advertis que les Wandres tenans loy payenne, jadis expulsés » par les Goths de leur pays de Sithie et partie de septen- » trion et coidrains culx retraire sur le fleuve nommé Da- » nuhius, aultrement dit Ilister, duquel lieu de rechief » déboutez par Gibérich, Roy de Phocvc, oc souhzmiz à la
puissance impériale obtindrent de nostre prédécesseur, feu de bonne mémoire, Constantin le grant, la région de Paionine pour illec habiter, résider & vivre paisiblement, se sont de nouveau esmeus & mis sur les champs avec les Alains, à la persuasion du Conte Sliliquo, désobéissant oc rebelle pour vouloir destruyre & mectre à ruvne les régions de Galle, mesmement la noble cité de Lengres qui de tout temps (comme il appert par les Commentaires de César) a eu bonne confédération au sénat & peuple romain. Pourquoy nous, volans obvyer ausdits entreprinses à l'honneur du Créateur et augmentacion de la saincte foy catholicque, vous mande que, incontinent & sans délay, faictes assembler grosses armées de gent d'armes & de traict, en tel nombre qu'il soflise,.et quelque part que sçaurez lesdits Wandres, infidèles ennemis de la foy, les allez rencontrer, combattre et mectre à finale exécution, & faictes tellement que la gloire demeure à Dieu et avons la victoire comme espérons comme elle sera à l'ayde de nostre Sauveur Jhésu Christ qui vous doint honneur, exaltacion à accomplissement des choses dessus dites. Donné à Rome, en sénat, l'an de l'incarnation nostre Seigneur quatre cent et unze et de nostre empire le premier après le trespas de nostre frère Archadius. »
Laquelle lettre lue, dit :
Marrien.
Vous entendez ce mandement
Duquel est faite la lecture,
Pieste qu'on soit lesgièrement
Garny d'armes &. de monsture
Pour livrer à desconfiture
Payens qui sont à rebouter,
Car la loy de saincte escripture
Cuydent permuter & gaster.
Le Légionnaire.
Chier Seigneur que debvons aymer, Puisque ce vient amener guerre, Je suis content de moy armer Pour vous servir en toute terre, Long temps a qui j'ai fait enquerre Qui estoit des Wandres le Pioy, Mais c'est Croscus qui veult conquerra Le pays & mectre à desroy.
Le Centurion.
Haull Sénateur, quant est de moy Mon veul totalement s'aplicque De combattre pour nostre foy Qui est très saincte & calholicque.
J'entends que ce Roy wandalicque A fait endurer passion A Didier, pasteur lingonicque, Si en ay grant compassion.
Marrien.
Or, faictes préparacion De tout ce qu'il est nécessaire, Assamblez maintes légions Pour ceste rencontre parfaire.
Toy, Diligent, qui sçez bien faire Ung rapport qui est de raison, Va faire armer le populaire, Ensemble ceulx de ma maison.
Diligent.
Vous aurez gens d'armes foison, Puisque vous m'en faictes mesler.
Marrien.
Va, losl, va, car il est de saison.
Diligent.
Moy je suis tout prest d'y aler.
Lors parle aux bourgeoys el souldarls.
Messeigneurs, je vous viens sommer Et dire de par Marrien, Que tantost vous aillez armer Si 1res bien qu'il n'y faille rien.
Bourgeoys qui estes gens de bien, Et vous tous, gendarmes rotiers, Armez-vous tantosl bel & bien, Si vous mectez sur les sentiers.
Le premier Bourgeoys d'Arles.
Nous le ferons très volontiers, Puisqu'on ce point la commande.
Le premier Souldart.
Et fust pour aler à Poitiers, Si seray-je prest comme ung dé.
Le second Bourgeoys d'Arles.
J'ay jà mon aubert endoxé Qui est de maille forte & dure.
Le second Souldart.
J'ay jà mon crenequin troussé Et les tarcatz à la saincture.
Le premier Bourgeoys.
Qui esse qui nous fait injure?
Veult-on cette Ville assaillir?
Diligent.
Nenny certes, mais je vous jure Qu'il convient en place saillir.
Le second Bourgeoys.
Pourquoy ?
Diligent.
Pour combattre à férir Les Wandres, payens deshonnestes.
— -2ZH -
Le second Bourgeoys.
Les veult-on tous faire mourir?
Diligent.
Il les faut tuer comme bestes.
Le premier Bourgeoys.
Nous en ferons voler les testes, Qui mon conseil croire vouldra.
Le second Bourgeoys.
Nous leur monstrerons tels tempestes Que j;ï pied n'en escliappera.
hy tous s'armeront et se meelenl en point et les deux sonl- (liais parlent ensemble.
Le premier Souedart.
0 my fudel, non te curare, Y voille Wandelle raactare Car y sont venouto certe.
Le second Souldart.
En deame loti jugulaire Qu'este génie maledicto.
Le premier Souldart.
Il besoingne faire presto Pille la tour grande espade.
Le second Souldart.
Wandelle jura biaio Vo te mettre en l'estrapade.
Le premier Bourgeoys d'Arles. Dieu, quel langaige vous parlez!
Parlez à droit si vous voulez, Je n'entends point calebretois.
Le premier Souldart.
Quand nous deux sommes assemblés, Nous parlons ainsy maintenais.
Le second Bourgeoys d'Arles.
Je n'y entendz ne deux ne trois, Je croy que ce n'est pas chrétien.
Le second Souldart.
Si est, par Dieu, gentil galois.
Le premier Bourgeoys.
El qu'esse donc?
Le second Souldart.
Ylalien.
Lors ils se arment.
Le Légionnaire Tirons nous devers Marrien Si vous estes prestz.
Le second Bourgeoys.
Ouy voir.
Le Centurion.
Regardez bien s'il nous fauit rien.
Le premier Bourgeoys.
Chascun a ce qu'il doit avoir.
Le Fol.
Ha ! déà je veul aussi sçavoir Si j'iray point en la bataille.
Je suis homme pour recepvoir Ung horion s'on le me baille.
Te n'ay habillement qui vaille, Preste moi ton iacques, compère ?
Vesci, par l'âme de mon père, Qui est en point comme ung saint Georges.
Le premier Souldart.
Ce suis-je.
Le Fol.
Dieu! qu'il est haustère, C'est raige comme il se rengorge.
Le premier Souldart.
Se je te prens.
Le Fol.
Forge luy, forge.
Est-il fyer comme une lymasse!
Le premier Souldart.
Vien çà.
Le Fol.
Vas là.
Le premier Souldart.
Passe avant, passe.
Te mocques-tu, dy, layde beste!
Il le bat.
Le Fol.
Av! ay! il m'a rompu la teste.
Que sainct Fremin le puist ardoir !
Je m'en vois ailleurs à la feste.
Adieu, vous dyjusques au revoir!
Le Légionnaire.
Nous avons fait notre debvoir, Marrien, prince redoubté, Vous povez cy clèrement voir Ung ost qui est bien apresté.
Le Centurion.
Chascun, selon sa qualité, C'est mis en poinct honnestement.
Vous n'avez pas gens à planté, Mais ils combattent hardiment.
Marrien.
Par grant nombre, communément Est souvent bataille perdue, Dieu est lassus en firmament Qui les victoires distribue.
Sa force est tant haulte & ardue Que rien ne luy est difficile, Sa puissance bien entendue C'est tout ung de cent ou de mille.
Machabeus en petit nombre Vainquit les gens Antiochus, Aussi ferons-nous grant encombre Aux Wandres & au roy Croscus.
Ce sont payens très dissolutz, Vous estes gens de bonne part, Et pourtant soyez résolutz D'y déployer vostre estendart.
Le Légionnaire.
Il me tarde qu'on ne s'en part, Il me tarde jà que j'y soye Pour frapper de haiche ou de dart Wandres qui seront en ma voye.
Le Centurion.
Quant à moy, c'est toute ma joye Que de combatre ou bataillier Et pourtant mais que les voye .le les feray désarpillier.
Marrien.
Puisqu'ils veulent tout épillier C'est raison que les combatons.
Le Légionnaire.
Nous sommes prests.
Marrien.
Or, nous partons.
Le Légionnaire.
Je croy qu'ils voudront en tous lieux Faire les gens croire en leurs Dieux, Si leur puissance n'abalons.
Lb: PREMIER BOURGEOYS.
Nous sommes prêts.
Le Légionnaire.
Or, nous partons.
Le Centurion.
Du pays nous feront wuytler Ou occiront comme Didier, Si brief remède n'y mectons.
Le second Bourgeoys.
Nous sommes prests.
Le Centurion.
Or, nous parlons.
Marrien.
A Jhésu Christ nous commandons.
Puisque c'est au département, Sonnez trompettes & bedons, Pour aler plus joyeusement.
Puis dit au Messagier.
Vous irez voir pour ce régent, Et espier les combatans.
Diligent.
J'y vois faire un guet bel & gent, Puis viendray quant il sera temps.
Lors se partent de Arles et trompettes sortent et s'en vont mèche aux champs vis à vis des Wandrcs. Diligent va espier les ennemys et Lucifer dit :
Lucifer.
Tisons d'enfer, meclez vous sur les rangs, Et si pourlez hôtes, sacs à paniers, Tantost aurez tous ces Wandres meschants Auxquels ferez deschanter de beaux chants
Quant en enfer seront noz prisonniers.
De tous tonnens les ferez prisonniers Dedans brief temps, à douleur 6c à honte, Car Marrien leur fera rendre compte.
Satiiam.
Lucifer, grant prince 6c grant conte, Nous avons assez conjecture Que les Wandres que orgeul surmonte Seront condempnez à torture.
Lucifer.
Chascun de vous mecte sa cure De courir & de chemyner, Pour ces Wandres, remplis d'ordure, Saisir, acroichier oc trainner.
Vesci le temps de moisonner, Vesci le droit temps de régner, De glenner, De vener, D'amener Maulditz payens pour leur donner En enfer peinne intolérable.
Satiiam.
Marrien veult tout décoper, Pourtant vesci temps d'alraper, De fraper, D'agriper Per non per Nous les amenrons tous souper En la chauldière misérable.
Je croy qu'il sera convenable Que nous alons diligenter Pour Croscus, fort déraisonnable, Par fine force conquester.
Bélial.
Nous luy ferons bien comparer La douleur & adversité Qu'il fit naguères endurer A Didier &. à sa Cité.
Léviatham.
Didier est en gloire monté Avec les sainctes légions, Croscus sera cy apourté Avec cent mille escorpyons.
Belphégor.
Dieu a veu les afflictions Que les \Yandres ont fait au monde, Si permect qu'en noz mansions Finalement on les confonde.
Cerberus.
Il convient que chascun se fonde A gaigner âmes bas & hault, Car en la fournaise profonde Je vois bouter le feu tout chault.
Satham.
Alons sur les champs.
Astaroth.
11 le fault.
Bélial.
Chascun soit sçeur de son quartier.
Léviatham.
Je m'en y vois.
Où?
Léviatham.
A l'assault.
Belphégor.
Alons sur les champs.
Bélial.
II le faull.
Belphégor.
Je charperay quelque briffault.
Léviatham.
Et moy quoy?
Cerbérus.
Tu dis vrai, Gauthier.
Bélyal.
Alons sur les champs.
Astaroth.
Il le fault.
Satham.
Chascun soit sçeur de son quartier.
Lors Diligent revient de [ère le guet et dit :
Diligent.
Monseigneur, j'ay veu approucher Voz ennemis plains d'insolence, Pas ne les trèz loing serchier, Vez les cy en vostre présence.
Marrien.
Au nom de la divine essence Pour qui entreprenons bataille, Chascun face diligence, De frapper d'estoc & de taille. N'espargnez point ceste chiennaille, Assommez nobles & villains, Abatez les plus dru que paille, Pour vengier la mort des bons saincts.
Frappez & tuez hardiement, Besoingnez & rien n'esparniez,
Coppez membres horriblement, Saigniez, tranchiez, couteaux baigniez, Gaingniez <k bagues desployez, Maintenez vous honestement, Roingnez testes, lances ployez, Donnez horions largement.
Lors le second Satrappe vient advertir Croscns cl dit Le second Satrappe.
Croscus, les champs à les plains Sont quasi revestuz à plains De gens d'armes fiers &. adroiclz.
Ckoscus.
Sont-ils Sarrazins ou Piomains?
Le premier Satrappe.
Je ne sçay, mais ils ont des croix.
Croscus.
J'aperçoy bien qu'à ceste fois Chrétiens me donront à souffrir, Reculer ne puis toutelfois, Mais me convient à eux offrir.
0 mes Dieux, veullez moy servir!
Il est heure de besoignier, Bien je vous sçauray desservir Si me voulez faire gaigner.
Si je conqueste la journée, Je vous promeetz de bon couraige Qu'à mainte créature née Feray souffrir cruel dommaige, Aux Chrétiens menray tel oultraige, Pour leur loy toute exterminer, Que, par tonnent <k mal raige, Cinq cens mille en feray finer.
Les deux batailles s'entrevoyent.
Marrien.
En fans, pensez de cheminer Tout sarré sans vous desmarchier.
Et quant viendra au corps donner, Faictes raige de bien touschier.
Le Légionnaire.
Nous sçaurons bien les cops baillier, Mais qu'il soit heure de férir.
Le Centurion.
Tenez moy pour houssepaillier, Si je n'en faiz mille morir.
Le Roy des Ala'ins lire ses gens à pari cl leur dicl Le Roy lies Alainz.
Mes gens, je vous veul advertir D'ung cas qui touche moy <x vous, J'ay délibéré de partir Si je voy qu'ayons contre nous.
Si les Wandres sont au dessoubz, Tournez bride & vous en alez.
Le premier Chevalier Alain.
Sire, nous y entendrons tous, Puisqu'en ce point vous le voulez.
Croscus.
Tost en bataille vous mectez, Car noz ennemis sont en place
Le premier Satrappe.
Roy des Wandres, ne vous doubtez Rencontrez seront face à face.
Le Légionnaire parle à Martien et dit : Le Légionnaire.
Seigneur, vous plait-il que je face Sur eulx la première envahye ?
Le Centurion.
Que j'y aille par vostre grâce Pour faire l'armée esbaye.
Marrien.
Je veul monstrer chevalerie, Je veul encomancer la dance.
Au nom de la vierge Marie, Donray le premier cop de lance.
Vel sic : Feray la première vaillance.
Lors parle à Croscus.
Payen, avance toy, avance, Si tu oses moy rencontrer.
Croscus.
0 Chrétien, plain d'oultrecuidance, Je te veul ma force monstrer.
Lors fièrent l'ung sur l'autre.
Marrien.
Je te feray chier comparer Ton grant orgeuil & ton oultraige.
Ils f râpent de rcchief puis se retraitent . Le Roy des Alainz.
Qui esse qui son vasselaige Ose contre moy esprouver?
Le Légionnaire.
Faulx payens, j'ay bien le couraige Et la force pour toy grever.
Frapeni tous deux.
Le PiOY des Alai>z.
Je te feray sentir le fer, Si tu viens encoir une foys.
Le Légionnaire.
Et je te feray eschauffer Et ta coiffe à ton harnois.
Frapeni de rechiefVun sur l'aullre puis se retraitent tous deux.
Et Croscus dit :
Croscus.
Geste bataille est de grant pois, Je ne sçay que nous y ferons, Nous n'y gaignerons pas deux pois.
Si tous ensemble n'y ferons.
Vel sic : A pied, à pied nous les aurons.
Marrien.
Sonnez trompettes & clarons, Ung chascun deffende sa vive !
Si Dieu plaist nous les gaignerons.
Or, sus, criez : Vive! qui vive!
Hic descendunt.
Lors se combattent tous ensemble, puis les Alains s'enfuient et les Wandres sont morts excepté Croscus qui est pris tout vif.
Le Centurion.
Wandres sont tous mors à desroy, Dont debvons estre résiouys, Il n'y a mais que le grant Roy, Tous les aultres s'en sont fouys.
Le Légionnaire.
linv Croscus, rends toy.
Croscus.
Bien en vis.
Le Centurion.
Touteffois te convient-il rendre ?
Marrien.
C'est grant dommaige que tu vis, Roy Croscus, rends toy.
Bien en vis.
Marrien.
Si tu ne fais à mon devis, Sur ma foy, je te feray pendre.
Le Centurion.
Roy Croscus, rends toy.
Croscus.
Bien en vis.
Le Légionnaire.
Touteffois te convient-il rendre?
Marrien.
Lyez le moy sans plus actendre, Et tout bâtant le conduysez, Car il n'a voulu pitié prandre Des povres chrétiens baptisez.
Le premier Souldart.
Çà, maistre, vous serez liez Si court que jà n'eschapperez.
Le second Souldart.
Contre la foy trop foliez, Mais vous vous en repentirez.
Us le lyeni en bâtant.
Le premier Bourgeoys d'Arles.
En Arle fault que l'amenez Pour estre payé de ses gaiges.
Le second Bourgeoys.
Povres Lengrois infortunés Seront vengiez de leurs dommaiges.
Croscus.
Là, villains, vous n'estes pas saiges D'ainsin traicter un grant seigneur.
Le premier Souldart.
Payen, vos orgueilleux langaiges Vous feront souffrir grant douleur.
Le second Souldart Croyez en nostre Créateur Et on vous fera quelque bien.
Croscus.
Qui me debvroit percer le cueur, Si ne seray-je pas chrétien.
Le premier Souldart.
Amy serez de Marrien Si vous voulez prandre baptesme.
Croscus.
Paix, villain, je n'en feray rien Pour homme vivant ne pour femme.
Marrien.
Amenez ce payen infâme Tout droit en Arle où nous alons.
Le second Souldart.
Il y viendra, par Nostre Dam* !
Et deust aler à reculons.
Ao/rt de Pansa.
Satham.
Recueillons, dyables, recueillons Ces mauldictz Wandres desconfitz, Et cruels lormens leur baillons De plomb & de soffre confitz.
Astarotii.
Charger les fault à cinq ou six, De teste estourdir &. hastive, Puis après ils seront assis En la flame pénétrative.
Bélial.
Puisque par leur guerre armative Ont cuyder la foy empeschier, Une poison bien corrosive Je leur ferav boire à maschier.
Léviatham.
Et fussent-ilz plus durs qu'acier.
Si auront-ilz le cul quassé.
BELPHÉGOn.
Us ont frappé au temps passé, Mais sur leur dos on frappera.
Léviatham.
Hz ne viendront pas in pace, Car toute guerre on leur fera.
Lors présentent ù Lucifer les Wandres.
Satiiam.
Lucifer, regardez de çà, Nostre enfer est tout honoré.
Lucifer.
Çà, de par tous les dyables, çà !
Ces Wandres ont trop demeuré.
Où est Croscus?
Satham.
On l'a mené En Arle prendre finement.
Lucifer.
Quoy l'avez vous habandonnier, Il y fault aller vistement.
Belphégor.
Il fault loger premièrement Ces galans tout à leur devis.
Cerbérus.
Je les prens en gouvernement, Ne vous chaille, ils seront servis.
Lors boulent tout en enfer cryant et huilant. Bélyal.
Il convient que soyons hastiz Pour Croscus amener à bort.
ASTAROTH
Âlons y tous, grans et petiz.
Léviatham.
Il convient que soyons hastiz.
Cerbérus.
Troupt! vous n'estes pas apprentiz, Aultre foys avez fait plus fort.
Satham.
Il convient que soyons hastiz.
Pour Croscus amener à bort.
Lors dyables vont sur les champs et Marrien est en Arle où les Souldarts tiennent Croscus devant luy.
Marrien.
Or, sommes nous en nostre fort, Or, avons nous bruyt & victoire, Dieu, qui est des bons le confort, En ait la louange à la gloire!
Croscus, ta vye transitoire Prendra cy sa conclusion, Si nostre loy méritoire Ne reçois par dévocion.
Croscus.
Oste l'ymaginacion De moy preschier ou affiner, Croy qu'en mon obstinacion Je veu mourir & définer.
Fay moy transchyer ou décoper, Fay moy traire à quatre chevaulx, Car si jamais puis eschapper, Je feray cinq cens mille maulx.
Marrien.
Tu as le cueur mauvais à faulx, Croscus, ad ce que j'aperçoy.
Item, lu sçes bien que tu l'aulx De persécuter nostre loy, Pourtant m'en vengeray sur toy Par celluy Dieu qui me forma.
Le premier Souldart.
Je vous requier, baillez le moy Pour le despeschier in forma.
Le Légionnaire.
Qui brief ne le dépeschera, Monseigneur, à correction, Je sçay bien qu'encoires fera Aux Chrestiens tribulacion.
Le Centurion.
Il a mis à confusion Mainte personne catbolicque, Pourtant c'est mon opinion Qu'il meurt de mort très inicque.
Le Légionnaire.
Président, noble <x autenticque, Puisque ce mauldit wandalicque A nostre saincte loy discorde, Qu'il soit mis à mort!
Marrien.
Je l'accorde.
Le Centurion.
Puisqu'il veult, comme vray folastre, Demeurer tousiours ydolastre Et n'aime ne paix ne concorde, Qu'il soit mis à mort!
Marrien.
Je l'accorde.
Le premier Bourgeoys.
Il me tarde que je le voye Pendu aux champs enmy la voye,
Bien hault, assommé d'une corde.
Qu'il soit mis à morl.
Marrien.
Je l'accorde.
Le second Bourgeoys.
Par vous doit bien estre accordé Qu'il soit d'une corde encordé Ou cordelé de forts cordons Parmy le col,
Marrien.
Nous l'accordons.
Le premier Souldart.
Pour Dieu! que j'en soye bourreau, Je l'abilleray bien & beau Comme on doit faire gens de bien, Le voulez-vous?
Marrien.
Je le veul bien.
Le second Souldart.
Mon compaignon est bien propice Pour acomplir ung tel office, 11 sçet bien servir de tels mects, Comectez ly.
Marrien.
Je ly comectz.
Suz, souldàrs, qu'il soit tant foulé De batre, qu'en sang mutilé Sa chair soit toute envelopée, Et puis d'ung trenchant affilié Veul qu'il ait la teste coppée.
Le premier Souldart.
Puisque la sentence est donnée, Je le vous iray despeschier.
&jj
Le second Souldart.
Tu auras la maie journée, Puisque ta sentence est donnée.
Le premier Souldart.
Sa chair nous est hahandonnée.
Le second Souldart.
Il fault frapper.
Le premier Souldart.
Il fault tourchier.
Le second Souldart.
Puisque la sentence est donnée.
Le premier Souldart.
Je le vous iray despeschier.
Le second Souldart.
Fay le ung petit avant marcher, Affin qu'on le puist regarder.
Le premier Souldart.
Çà, je vous veul le col trancher, Agenoillez-vous sans tarder.
Croscus.
0 Dieux qui me soûliez flater Et promectre si longue vye, On doit bien pour fol réputer Qui a de vous servir envye, Car pour comparer la folye Que j'ay commise vers les Sainclz, J'ay cruelle mélancolye Sans avoir aucungs membres saincts.
Mirez vous ci, tirans pervers, Fortune me sert à revers,
Les plus vers Sont les plustost à terre mis.
J'ay contre Dieu esté divers, Par quoy guerre ses cops cou vers
De travers M'assigne par mes ennemys.
Je suis à vergoingne submis, Je suis de tout honneur desmis
Et remis, Mirez vous ci, tirans pervers, J'ay tant de haulsaiges commis Que j'aperçoy tous mes amis
Endormis, Fortune me sert à revers.
0 Dyables, fault-il que je meure Infamemenl pardevant tous!
Le premier Souldart.
Vous faictes trop longue demeure, Tost, tost, mectez vous à genoulx,
Croscus.
Haro! désespoir & couroux M'estrainnent moult horriblement, Faulx ydoles me lairez vous Morir icy honteusement ?
Les deux Souldarls le font agenoiller par force et là $3 fuit le secret.
Le premier Souldart.
Tendez le col légièrement, Il fault que nous nous avançons.
Lors flert.
Zoup! N'ai-je pas fait gentement?
Yez là le corps en deux tronssons.
Le second Souldart.
Puisqu'il est mort, or le laissons Aux loups, aux chiens & aux oyseaulx.
Le premier Souldart.
Quelque chose que nous façons, Je le recommande aux corheaulx.
Satham.
Ça, çà, faulx dyables desleaux, Yesci le maulvais des maulvais, Nous luy emplirons les boyaux De poison & soffre punaiz.
ASTAROTII.
Il est nostre pour tout jamais, Chargeons le dessus ce trayneau.
Bélyal.
I) cuydoit tout tempester, mais Nous luy tempesterons la peau.
Lors le présentent à Lucifer.
Satham.
0 Lucifer, vostre cerveau N'a cause d'être forcené.
Lucifer.
Pour quel raison?
Astarotii.
Le jeu est beau.
Lucifer.
Comment?
Bélial. Le maistre est amené.
Croscus, le tirant condampné, Qui cuydoit sur chrétiens régner, Tout d'ung train avons atraiuné Sur trainneau, pour le mieulx trainner.
Léviatham.
A ce coup venons de glaner, Nous en rapourtons le gros grain, Il le convient battre & glaner, Mais que Cerbérus soit en train.
Cerbérus.
Faulx ennemy de gendre humain, A maie heure es-tu cy venu.
Satham.
Or, es-tu cheu en nostre main, Faulx ennemy de gendre humain.
Cerbérus .
11 sera festyer demain.
ASTAROTH
On y est grandement tenu.
Lucifer.
Faulx ennemy de gendre humain, A maie heure es-tu cy venu.
S'il y a point de plomb fondu, D'arsenic ou de réagal, Par la gorge luy soit rendu Jusqu'au fondement tout aval.
Vous, dyables, qui chantez si mal Et de si terrible façon, Festiez ung peu ce vassal En cryant ung horrible son.
Lors crijenl tous ensemble moult horriblement, puis dit
Holà! holà! vous m'estonnez, Laissez moy ce cry non pareil, Mais Croscus prenez ex menez En tonnent, en peinne, en traveil.
Cerbérus.
^ Puisque c'est de vostre conseil, Tantosl l'iray affîstoler, S'il voyt plus lune ne soleil On me puisl les bras affoler.
Lors le trainne en la gueulle.
Satham.
Prince ténébreux, Lucifer, Vous me deussiez bailler guierdon Quant j 'ay fay venir en enfer Wandres à si grant habandon.
Lucifer.
Satham, tu auras ung beau don Que pieçà je t'ay ordonné.
Lors dit aux aullres dyables.
Qu'il soit d'ung trépied coroné.
Ho ! dyables, meclcz y la patte.
Satham.
J'ay bien le procès gouverné.
Lucifer.
Qu'il soit d'ung trépied coroné!
Astaroth.
Que le sceptre luy soit donné !
Bélyal.
Une tenaille ou une latte?
Lucifer.
Qu'il soit d'ung trépied coroné !
Ho! dyables, mectez y la patte.
Lors lui) incitent ung trépied sur la leste. Léviatham.
Je le fay roy de la savatte.
Satham k Mais du pont tron quart d'Avignon.
ASTAROTH
Vive Salham!
Bélial.
Vive qui flate !
Belphégor.
Tu es ung gracieux mignon.
Marrien.
Or, es mis à destruction Wandalicque crudélité.
Or, est par décolacion
Le roy Croscus descapité,
Pourtant si Lengres a esté
Destruite, prinse ou assiégée,
Louange à la Divinité!
La mort des Saincts est bien vangée.
Le Légionnaire.
Croscus, remply d'inflacion, Avait désir & volonté D'attenter par invasion Catholique fidélité.
11 a désià deshérité Mainte personne &. deslogée, Mais, à sa grant calamité, La mort des Saincts est bien vangée.
Le Centurion.
Horreur <x détestacion, Insolence & captivité, A commis, par dérision, A Lengres, la bonne cité, Si l'avons tant débilité En belle bataille arrangée, Que selon nostre qualité La mort des Saincts est bien vangée.
Marrien.
Prince seul, Dieu en trinité, Lengres, ville d'antiquité, A esté bien fort dommaigée, Mais à dire la vérité, La mort des Saincts est bien vangée.
Le Fol.
Or, çà, çà, la pye est loigie, Il la fault aler descouchier.
Si je n'ay de la fromaigie, Mais huy ne m'en iray couchier.
Je veul devenir ung bouchier Pour manger moelle de boyaulx.
Il n'est plus nuls amys beaulx, Ils furent gelés l'aultre année.
Demain, s'il fait belle journée, Vous verrez icy faire raige, N'y faillez pas mal assignée Et s'amenez vostre mesnaige.
On dit que je suis homme saige, Mais je croy qu'on faull à parler.
Je vois boter dans une caige Ung coquin qui me veult voler.
L'Épilogue.
Pour les couraiges exciter A joye & récréacion, Nous avons voulu réciter De Sainct Didier la passion, La piteuse destruction Du dévot peuple Lingonique, Et puis après l'occision De la puissance Wandalique.
Demain, pour conclusivement Achever l'euvre fructueuse, Verrez jouer visiblement La translacion glorieuse.
La matière est tant gracieuse Que la personne qui Fourra, Si d'escouter est curieuse, Tousiours mieulx valoir en pourra.
Je vous requiers, n'y Caillez pas, Pour ouyr ce noble exemplaire, Et si mal jouons par compas, Pour Dieu ne vous vueille desplaire, Mais pryez au Sainct débonnaire Qui règne au céleste reaulme, Que nostre jeu puissions parfaire Au salut du corps &. de l'âme.
Exjilicit secunda pars.
°°>*Zc
S'ensuyt la tierce partie du Jeu Nostre Seigneur Sainct Didier, martir, et est la translacion ou relevacion dudil Sainct.
Le Prologue comance.
lsidorus, es éthimologies, Approuve moult les historiographes, Car il monstre les généalogies Des personnes en dignitez logies Dont sont escripts volumes <x paraphes, Et Tulius qui eut xij épitaphes, Disait ce mot aux grans & aux petis : Hystoria est lux verilatis.
Hystoire nous l'ait Voir la vérité Des gens & du fait De l'antiquité, Soit mal ou bonté, Paix ou guerre dure, Tout y est noté En belle escripture.
J'alègue ceci voulentiers, Car tout ce que jouer debvons, Par molz élégans &. entiers, Es hystoires nous le trouvons.
Premièrement, monstre avons De Sainct Didier la passion, Maintenant nous parachevons En jouant la translacion.
L'an mil xiiij avec trois cens Comptoit-on pour le miliaire, Quant le Sainct, par moyens décens, Fut posé en reliquaire.
Philippe, le roi débonnaire, Gouvernoit ce noble royaulme, Et au Lingonicque repaire Présidoit l'Evesque Guillaume.
Estienne de Noyers pour lors Estoit prieur du prioré Ouquel reposoit le sainct corps Qui de chasse fut décoré.
Or, nous avons délibéré De vous en monstrer l'apparence. Mais que chascun soit modéré Et content de l'aire silence.
Finis Vrologi.
Le Prieur de Sainct-Didiei;.
Louange à toy, divin linpérateur, Réparateur du premier maléfice !
Louange à toy, ô digne Rédempteur, Mon Directeur, mon vrai Consolateur, Et Collateur de riche bénéfice!
J'ay lieu propice, honorable édiiïice, Pour sacrifice à toy rendre souvent, Car Prieur suis de ce noble couvent.
Si veul tenir
Et maintenir L'ordre de ma religion,
Et Dieu servir
Pour desservir De mes péchiés rémission,
Division,
Déception, De mon cloistre feray partir,
Dévocion,
Sans fiction, Anray au glorieulv martir.
Monseigneur Sainct Didier se nomme Le bon patron que je propos:', Jadis vertueulx & sainct homme Duquel le corps icy repose.
C'est raison que je me dispose Totalement de l'exalter, Et que ma puissance j'expose A faire son corps translater.
Jà pieçà, le prieur Guyon,
A qui Dieu soit miséricors,
Avoit très bonne affection
De voir relever le sainct corps,
Et employa de grans trésors
A taire ceste fiertre icy,
.Mais la mort qui prent les plus forts,
L'a prins; Dieu luv face mercy!
Or, puisqu'il ne peult achever Son vouloir ou intencion De faire le Sainct relever En noble congrégacion, Par ma sollicitacion La besoingne sera parfaicte, Puisque j'ay de provision La chasse très richement faicte.
Çà, mes frères, qu'en dictes vous?
Déclairez moy vostre sentence.
Bien doit prendre conseil à tous Celluy qui grant euvre encommance.
Le Soudprieur.
Monseigneur, par ma conscience, Ce seroit chose moult louable De faire honneur & révérence Au Saincl bénigne <k pitéable.
Ceste chasse belle & notable Que le bon Prieur lit forger, Est très honneste & convenable Pour le précieulx corps logier.
Frère Nicole.
On ne peult trop sollemniser De benoist martir glorieux, On ne peult trop auctorizer Les os dignes & précieux, Et pourtant soyez curieux De faire ce reliefvement, Car Dieu qui est tout gracieux Vous donra bon commancement.
Frère Micuiel.
Quant on mect son entendement A quelque hault bien entreprendre, Dieu conduyt l'euvre tellement Que nul n'y treuve que reprandre, Pourtant commancez sans actendre, Par bon conseil à par compas, Car à rien ne voulons contendre, Fors à vous servir sur ce pas.
Le Prieur.
Pour éviter tout altrecas Et besoingner par équité,
Bon seroit de compter le cas
A l'Évesque de la Cité.
Il est seigneur d'auctorité,
Il vit honestement sans vice,
Et est sa bonne volenté
De nous faire honneur & service.
Item, il a à Sainct Didier Très fervente clévocion, Pourtant bien nous pourra ayder Touchant ceste translation.
Le SoUBPRIEUR. Vous avez bonne oppinion, Le prélat convient advertir.
Le Piueur.
Il fault en tout discrétion.
Frère Nicole.
Vous avez bonne oppinion.
Frère Michiel.
L'Évesque a grant affection A nostre hostel.
Le Prieur.
Mais au martir.
Frère Michiel.
Vous avez bonne oppinion.
Frère Nicole.
Le Prélat convient avertir.
Le Prieur.
Quant est de moy j'ay grant désir De luy en touchier &. parler.
Le Soubprieur.
Quant il vous viendra à plaisir Nous sommes tous prest d'y aler.
Le Prieur.
, Alons doncques interpeller Sa face qui n'est pas haustère, Affin qu'il se vueille mesler De célébrer le hault mistère.
Ils vont vers VEvesque.
Le Fol.
Que j'aille avecques vous, beau frère!
Car je suis ung home d'honneur, Foy qui doy l'âme de mon père, Les gens m'appellent Monseigneur. Je cognois bien ung fourbisseur Fourbissant verres au disner, Qui est devenu fort pisseur Par force de fort choppiner.
Je croy que j'ay ouyr sonner Les matines en Paradis, Car je veul tous les mercredis Autant de rez que de tondus, Mydieux! ils seront confonduz, Avant hier, quant je dormoye.
C'est ung bel habit que de soye, Mais j'ay plus chier pintes que potz.
J'ay veu le temps que je dansoye, N'est-ce pas parler à propoz ?
0 que veslà de mes suppotz!
A Dieu, messeigneurs, je vous laisse, Car je voy entre deux trippotz Faire jouer une singesse.
Le Prieur, en saluant VEvesque.
Monseigneur, Dieu vous doint lyesse!
L'ÉVESQUE DE LENGRES.
Bonjour, monseigneur le Prieur.
Frère Nicole.
Pour esloingner deul &. tristesse, Monseigneur, Dieu vous doint h esse!
Le Soubprieur.
Nous venons vers vostre noblesse.
L'ÉVESQUE
Bien soyez venu, Soubprieur!
Le Prieur.
Monseigneur, Dieu vous doint lyesse!
Dieu vous gard', monseigneur le Prieur ! Quel chose avez vous sur le cueur Qui vous maine pardevers moy?
Le Prieur.
Très noble & révérend Pasteur, Vous ouvrez la cause pourquoy, En vous tant de bonté perçoy, Que mon cas n'en peult pis valoir.
L'ÉVESQUE
Prieur, je vous jure ma foy Que je feray vostre vouloir.
Le Prieur.
llault Prélat, remply de sçavoir, En qui toute vertu habite, Vous avez assez peu sçavoir De Sainct Didier le grant mérite, Qui reçeut mort par l'exercite Des Wandres desnuez de sens, Lorsque Lengres fut desconfite, L'an de grâce xj &. quatre cens.
Le grant Prince Macomirus Esloit en France duc & sire,
ji
Et le dévot Ilonoiïus Tenoit le seplre de l'empire, Quant Sainct Didier reçeut marlire Pour nous monstrer bon exemplaire, Et voulst piteuse mort eslire Pour délivrer son populaire.
Et aflin qu'on ne double pas Qui règne au ciel sainct glorieux, Devant & après son trépas, Fit plusieurs signes merveilleux, Desquels le plus miraculeux Et que tout borne loue &. prise, C'est que son chief très précieulx Pourh tout mort en nostre église.
Après ceste desconfiture, Après ce criminel excide, Le Sainct fut mis en sépulture Dedans l'église où il préside.
Le corps avecques nous réside, L'âme reçoit biens perdurables Qui sa grant puissance élucide, Par miracles inunmérables.
Boiteux, bossus & contrefaictz, Muets, sourdeaux, paralitiques, Febricitants, malz &. deiïaiclz, Lépreux, aveugles, lunatiques, Enfans mors, gens épileutiques, Qu'on appourte en nostre maison, Tant soyent jeunes ou antiques, Cbascun y reçoit garison.
0 lieu décoré, 0 lieu bien envié, Tu es moult paré D'ung tel habitant!
Ung cueur désolé, Perplex ou foulé, Est tout consolé En le visitant.
Et brief, il nous fait de biens tant
Que nul ne les sçauroit nombrer,
Pourtant me veul estre acquittant
De le servir <k honorer,
Si me suys prins à méditer
A part moy, n'a pas longue espasse,
Comment je peusse translater
Son digne corps & mectre en chasse.
Ung bon prieur nommé Guyon, Qui de mort a payé la rente, Fist faire par dévocion Une chasse moult excellente, Or laissa-il vye présente Sans perfournir à ceste affaire, Pourtant je m'yngère &. présente D'achever ce qu'il ne peust faire.
Doncques, ô Seigneur révérend, Je vous requier sur toute chose Que ne mectez nul différent En ce cas que je vous propose, Mais votre doulceur se dispose De célébrer tout le service, S'il convient, comme je suppose, Que nous faisons ce bel office.
L'EVESQUE
Prieur, vous eu parlez très bien, Nul ue vous eu sçauroit blasmer, Et faictes comme home de bien D'ainfin vostre patron aymer.
Mais pour ceste euvre consomer Et démener par bonne guise, Je veul advertir & somer Le Chappitre de mon église.
// parle au Chappitre.
Vous tous, Messeigneurs du Chappitre,
Qui de sens avez grant planté,
Bien sçavez que je pourte mylre
Corne Évesque de la Cité.
Je suis maintenant invité
A drécier ung noble appareil,
Mais je n'en ay rien accepté
Sans ouyr vostre bon conseil.
Vesci Monseigneur le Prieur, Lequel vous avez veu souvanl, Pareillement le Soubprieur Et les frères de son couvent, Qui me pryent très instamant Que je leur veuille tous ayder A relever notablement Le corps Monseigneur Sainct Didier.
C'est un euvre excellente &. grande Que de faire translation, Pourtant sur ce cas je demande Vostre advis & opinion.
Le Doyen de Lengres.
Monseigneur, à correction Puisque mon conseil demandez, Soubz briefve collocacion Feray ce que vous commandez.
Le bon Sainct voulez relever Qui gist soubz petit édifice, En quoi vous n'entendez grever Aucung, ne faire préjudice, Et pourtant il seroit propice D'envoyer quérir les bourgeoix Pour demander de cet office Leur oppinion & leur voix.
Le Trésorier.
Seigneur révérend & notable, C'est une euvre moult délectable Que vous désirez entreprandre, Si me semble assez convenable Que la bourgeoisye bonnorable Soit appelée au conseil prandre, 11 l'ait bon de plusieurs aprandre, L'homme seul ne peult tout comprandre.
Ceste parole est véritable, Mandons les bourgeois sans actendre, Car ils nous pourront faire entendre Quelque mot bon & prouffitable.
Le Grant Archidiacre.
Pour translater ung tel martir, Fault premièrement advertir Ceulx qui sont en grant dignité, Oultre plus envoyer quérir Et bénignement requérir
Les lions bourgeoys de la Cilé, Et pour faire solennité D'honneur & de sublimité Ainsin connue vous apetez, Fault mander qu'à iour limité Les Barons, plains de grant bonté, Viengnent icy de tous costés.
DlJONNOIZ.
Sainct Didier, nostre bienfaiteur, Fut à Lengres digne pasteur, Par la divine Provéance.
Or est ainsin, noble Seigneur, Que vous estes son successeur, Évesque, Duc & Par de Langres.
Donc à cause de l'accointance Je conseille qu'à toute instance Les douze Pers envoyez querre, Ils sont tant plains de bienveullance Qu'ils viendront en noble ordonnance, Mais que vous les veullez requerre .
Sainct Didier eut la seignoiïe De Lengres, notable et florye, Cilé de grant perfection, Or esse maintenant parrie De quoy n'est de rien amaindrie, Mais à grant augmentacion A cause de ceste union Et de confédéracion Avec les Pers de noble allaire.
Mandez leur par légacion Qu'ils veullent la translacion, Ayder à conduyre et à fayre.
Bassigny.
Vous en parlez selon raison, Mandons les Pers de la maison De France qui est grant royalme, Puis après trovons achoison D'avoir Evesques à foison Ou synon nous y aurons blasme, Car le Sainct que chascun réclame, Odorant plus souef que basme, Fut jadis Evesque en ceste estre, Pourtant vous jure sur mon âme, Qu'à le lever desoubz la lame Plusieurs prélats y doibvent estre.
Le Chantre.
Plusieurs prélats y doit avoir, Monseigneur, vous avez dit voir, La chose en sera trop plus digne, Au surplus faull faire dobvoir Quant aux prélats de soy pourvoir D'abbez, clercs &. plains de doctrine; Ayons l'abbé de sainct Bénigne Qui est personne très bénigne, Si ne fauldront pas à nos esmes ; Pareillement, je détermine Qu'ung messaigier aille &. chemine A Sainct Estienne & à Molesme.
Vos paroles très familières Me donnent résiouyssement, Vos oppinions singulières Consolent mon entendement.
Mander nous fault premièrement Les bons bourgeovs bien modérés,
Puis pourvuoyerons secondement Ad ce que vous délibérés.
Le Prieur.
Or ça, messagier, vous irez Vers les bourgeoys sans plus actendre.
Tost-Prest, messagier.
Très voulen tiers.
Le Prieur.
El leur direz Qu'à ce conseil se veulent rendre.
Tost-Prest.
Comment me voulez apprendre Ce que je sçay bien?
Le Prieur.
Ho! j'ay tort.
Tost-Prest.
Je leur l'eray le cas entendre.
Le Prieur.
Despeschez-vous.
Tost-Prest.
Je suis d'accord.
Lors s'en va le Messagier.
J'ay bien entendu le record D'ung chacung & bien escoulé, Dieu veuille mener à bon port Nostre désir à volenté!
Combien que vous avez nolté De plusieurs Evesques mander, Il m'est advis en vérité Qu'autrement y t'ault procéder.
Vous sçavez bien qu'es Pers de France Y a six Prélats amassés,
S'ils viennent tous d'une aliahce, Vous samble-il pas que c'est assez?
Ung bien peu sur ce fait pensez.
Le Doyen.
Ha! monseigneur, vous avez droit.
L'ÉVESQUE
11 souflit, vous le confessez.
Le Prieur.
Fol seroit qui ne l'entendroit !
Bailly parle an Messagier ci du :
Le Bailly.
Dieu gard', messagier!
Tost-Prest.
Dieu y soit!
Le premier Bourgeoys.
Quelz novelles ?
Tost-Prest.
Rien que tout bien.
Le second Bourgeoys.
Mon cueur grant lyesse reçoit De vous veoir.
Tost-Prest.
Je le pense bien.
Le tiers Bourgeoys.
Dictes nous tost s'il y a rien ?
Tost-Prest.
Vous en sçaurez tantost le voir.
Le quart Bourgeoys.
Et dont venez vous?
Tost-Prest.
Dont je viens, Déà vous ne povez tout sçavoir.
Monseigneur l'Evesquc a vouloir De vous déclairer ce qu'il pense, Si ne pourrez que mieulx valoir De venir devant sa présence.
Le Bailly.
Pour quel cas ?
Tost-Prest.
Par ma conscience!
Je ne sçay, mais on vous actent.
Le premier Bourgeoys.
Ajtj ronchons nous de l'audience.
Le second Bourgeoys.
Je le veul.
Le tiers Bourgeoys.
Et j'en suis content.
Lors s'en vont.
Je suis devenu Président Des requestes de mon hostel, Je veis hier trembler, dent à dent, Le cuysenier Charles Martel, Mais il tenoit ung grant coustel, Par saincl Héloy! en une gaine, Dont il combattit Trainne-gaine Qui demeure au molin au vent, C'est celluy qui veult si souvanl Dancer une fois en dix ans.
Mais maulgré tous les médisans Qui parlent tousiours sans mot dire, Je vous feray plourer <k rire, Chanter à perdre pacience, J'en suis ouvrier comme de cire, Tantost voyrez l'expérience.
Le B.villy.
Dieu vous doint gloire &. préférence, Très noble & révérend Pasteur !
Le premier Bourgeoys.
Pour jouyr de toute excellence, Dieu vous doint gloire & préférence!
Le second Bourgeoys.
Faire vous venons révéra nce, Comme à nostre gubernateur.
Le tiers Bourgeoys.
Dieu vous doint gloire & préférence, Très noble &. révérend Pasteur !
Le quart Bourgeoys.
Nous venons pour vous faire honneur El pour ouyr vostre désir.
L'Évesque.
Quant ainsin venez de bon cueur, Vous me faictes ung grant plaisir.
Or ça, je vous ay fait venir Pour une matière urgente Que brief désirons perfournir, S'il plaist à Dieu qui tout régente.
Vous sçavez la grâce émynante Que de Saincl Didier recepvons, Si nous semble chose décente Que son digne corps relevons.
Les religieux à cest tiltre
Nous ont esté sollicitans,
Et tous messeigneurs du Chappitre
Y sont aydans & consentais.
Pourtant, avant qu'il soit longtemps,
Ferons ceste euvre méritoire
S'entre vous aultres habitons Y vouliez bailler adjutoire.
Le Bailly.
JNoble Seigneur, il est notoire Que le martir de renommée Conserve enluminure &. décore Lengres, la cité bien famée.
Par sa sauvegarde est gardée La lingonicque région, Si doit estre recommandée Sa dévote habitacion.
Le premier Bourgeoys.
Comancez la translacion Du corps qui en bas lieu repose, Car ung chascun de nous dispose D'y estre en grant dévocion.
Le second Bourgeoys.
Puisqu'on a la possession D'une chasse richement close, Comancez la translacion Du corps qui en bas lieu repose.
Chascun a affection Au mains, comme je présuppose.
Mauldit soit celluy qui s'oppose A si digne opéracion!
Le quart Bourgeoys.
Commancez la translacion Du corps qui en bas lieu repose, Car ung chascun de nous dispose D'y estre en grant dévocion.
Le Prieur.
Vous ouyez leur in tencion, Monseigneur, 6c leur bon couraige,
Si povez sans clilacion Commancer ce notable ouvraige, El pour ce qu'il fault main voyaige, Nommez un chascun personnaige Qui sera propre d'y entendre.
L'Évesque.
Premier si vous voulez contendre Des Pers de France tout avoir, Dedans Paris se convient rendre Pour les trouver à pour les voir, Car on m'a fait icy sçavoir Que je m'y trovasse avec eulx Affin d'appoincter & pourvoir - Sur certain cas qui est doubteux.
L'archidiacre du Barrois Et le Soubprieur qui est saige, Ensemble ung notable bourgeois, Seront commis à ce messaige, Ils ont faconde & bon langaige Pour bien sçavoir persuader, Ils ont monture, ils ont bagaige, Pour y bonnement procède] .
Item, frère Nicole ira
A Sainct Bénigne prestement,
Frère Michaèl se trouvera
A Molesmes pareillement,
Puis ung bourgeois conséquemment
Devers Sainct Estienne ira voir,
Car ces trois abbés notamment
A ce dit jour voulons avoir.
Tost-Prest, uostre bon messaigier, Pas reposer nous ne tarons, Car il ira, .sans plus songier, Quérir les quatre grans barons.
Ainsin assez de gens aurons Selon que je puis assentir, Puis après nous comancerons La translacion du martir.
Or cà, Monseigneur le Doyen, Kl vous, Prieur, mon amy chier, Il vous convient, par bon moyen, Toutes les lectres despeschier.
Le Doyen.
Puisque nous en voulez chargier, Incontinant les escripvons.
L'ÉVESQUE
Alez vous doneques abrégier.
Le Prieur.
Tost à ceste heure nous irons.
Quant vous plaira, nous partirons Pour aller vers les Pers de France, Et de par vous nous leur dirons Qu'ils viennent en belle ordonnance.
Combien que je fais grant doubtance De trouver leur propre domainne, I h'i sont ils?
L'Évesque.
A Paris sur Seinne.
Le Soûbprieur.
I.) '.iler de sentier en sentier, Qui leur demeure ne sçauroit,
Peult-estre que d'ung an entier Les Princes on ne trouverait.
Dictes nous le chemyn tout droit Pour nous oster de si grant peinne.
Où sont-ils?
L'ÉVESQUE
A Paris sur Sein ne.
Le premier Bourgeovs.
Où est leur habitation?
Où est leur propre résidence ?
Où est leur domination?
Où est leur digne précellence ?
Où est leur notable présence?
Où est leur face clerc ^ sa inné?
Où sont-ils?
L'Évesque.
A Paris sur Seinne, Pour matière haultainne Tiennent conseil en parlement.
Dieu en sa grâce très certainne, Nous y doint arriver briefment!
L'Évesque.
Disposez vous lesgièrement, Frère Nicole de l'Espine, Serchez l'abbey de Sainct Bénigne Qui à Dijon fait sa demeure.
Estes vous prest?
Frère Nicole.
Tout à ceste heure.
L'Évesque.
Frère Michel, vous partirez Et devers Molesmes irez, Je croy que la voye y est seure.
Ksi es vous prest?
Frère Michel.
Tout à cesle heure.
L'Évesque.
El ce bon bourgeois ce ira Voir se l'aultre abbé trouvera.
Le tiers Bourgeoys.
Voulentiers, je vous en asseure.
L'Évesque.
Estes vous prest?
Le tiers Bourgeoys.
Tout à ces te heure.
Tost-Prest.
Quant est de moy, je veux aler Les quatre Barons apeler, Car je sçay où chascun demeure.
Estes vous prest ?
Tost-Prest.
Tout à ces te heure.
L'Évesque.
Par délibéracion meure, Le Doyen qui sçet bien dicter Avecques le Prieur labeure Pour vos besoingnes actincter.
Le Doyen appourtc les lettres.
Yesci ce qu'il fault empourter, Monseigneur, je vous viens tout rendre, Vous les povez faire mouler, S'il vous plait.
L'Évesque.
Il y fault entendre.
Chascun sa lettre viengne prandre !
Lors prennent chascun une lettre par ordre. Barroiz.
Yt'sei pour moy.
Frère Nicole.
Et cy pour moy.
Le Prieur.
Partir convient sans plus ac tendre, Chascun sa lectre viengne prandre!
Tost-Prest.
Aflin qu'on ne me puisl reprandre, Ça, mon parquet ?
Le Doyen.
Veslà de qiioj .
Lk Prieur.
Chascun sa lectre viengne prandre !
Frère Michiet..
Vesci pour moy.
Le second Bourgeoys.
Et cy pour moy.
Le Soubprieur.
Partons en gracieux arroy.
Et pensons de fort ehemyner.
L'ÉVESQUE
Je requier au souverain Roy Qu'il vous veuille brief ramener!
Le Fol.
Je me veul faire enluminer De fine couleur de Beaulne.
Je vous dis que pour choppiner J'y suis docteur, non pas bec jaulne.
Sçavez vous point pourquoy un asne A si grans oreilles, beau père?
Non déà. C'est pourceque sa mère Ne luy myl point de béguynet Pour sarrer ung petit sa teste.
N'est-ce pas une saige beste Que d'ung asne? Mydieux! ouy.
Il m'a maintes t'ois résiouy Par ses doulx & gracieulx chants.
Nota de Va&ne,
Ho! ho ! Je m'en vois sur les champs, Çà, ma bride à ma muselière, Et par Dieu! je suis bien meschans, Je luy mectoye par derrière.
,Maul feu arde la poictrenière !
11 en vient très maulvaise odeur.
Si mon genest eust sa culière, Je (tisse monté à Thoneur.
Gouffre d'enfer, caligineuse horreur, Fournaise ardent, ténébreuse terreur, Ouvre ton puys, vomis ta nourriture, Fay moy venir Satham criminateur Et Belphégor fort calomniateur, Trop plus punais que pute pourriture.
Mon cueur est goint de si forte poincture Qu'il n'a sur moy artère ne joincture Que tout ne soit pire qu'empoisonné.
Faulx ennemys, furieuse laydure, Saultez à cop pardevant ma figure Quant vous voyez que je suis forcenné.
Satiiam.
Vesla rudement jargonné, 0 Prince de dampnacion!
Oncques mais dyables deschenné .Ne lit telle exclamacion.
S'on vous fait mille extorsion, Dictes nous d'Où vient ces( oultraige, Nous y mectrons provision En despit de l'humain ligna ige.
Déliai..
En despit de ces popeiars, Tristes mangeurs de crucifiz, Nous irons sur ce mois de mars Au monde cueillir nos profil/.
Mais si terribles clarns & crys Avez fait puis heure & demye, Qu'oncques tels ne furent escripts Es complainctes de Jhérémye.
AsTAP.OTH.
Vous n'avez cause de vous plaindre; Lucifer, besle truculente.
Car s'a mon désir puis actaindre.
Je feray maincte àme dolente.
Par ma faulceté pestillente J'aj tant forgé depuis sepl ans, One noire cliauldière pulente Sera plainne dedans brief temps.
Lé via tua m.
Je vous diray cent fois plus fort Si vous m • voulez escouter, .l'ai tant l'ail de charme & de sort Qu'il n'est nuj qui le sçeyt compler.
J'ay fait les grans estaz porter, J'ay fait laisser toutes vertus, J'ay l'ait dancer oc tricquoter Dont mile culz seront bains.
Belphégob Veslà follement proposé, Veslà trop desgorge lengaige.
El moy me suis-je reposé?
Nenni, non, j'ay fait rouge raige.
Il n'y a si fol, ne si saige Qui ne soit pire qu'Antecrist, Car par mon pourchaz & oultraige, Gliascun blasphesme Jhésu Crist.
Cerrérus.
Et pourtant si j'ay gardé l'estre De nos lieux obscurs & infects, Ne doy-je pas aussi bien estre' Recommandé comme tu fais.
J'ay arrousé pécheurs punais De souffre, plomb 6c mâcher on, Tellement que tous les plus nets Sont aussi noirs qu'ung chauderou.
Lucifer.
Cruels serpens, plains de poison, Laissez moy toutes ces paroles, Il n'est pas maintenant saison De compter oppinions folles, Vous deussiez songer monopolles Encontre Langres qui triumphe, Et vous n'entendez qu'à frivoles, C'est la cause pourquoi je groimphe.
Sainct Didier qui vous mist iadis En mortels périls & destrois, Depuis qu'il est en Paradis Nous fait pis cinq cent mille fois, Et encoires depuis ung mois Ont entreprins pour nous grever.
Tant le clergé que les bourgeois, Du corps translater & lever.
Satham.
Kt puis?
LlCIFER.
Il convient troter.
Satham.
Comment troter?
Lucifer.
Lesgièrement.
Satham.
Pourquoi faire ?
Lucifer.
Pour tout gaster.
Satham.
Par quel façon ?
Lucifer.
Comintemcnl.
Satham.
Dictes la manière comment.
Lucifer.
Il fault soubtilz moyens serchier.
Kt au surplus?
Lucifer.
Soubstilenienl La translacion empeschier.
Et pourtant très faulce mesgnie, Rude ribaudaille rusée, Dès maintenant je vous renye Si vous ne troublez la fusée, Car si la chose est achevée Ou qu'on célèbre cest office, Mainte âme en sera relevée Tousiours à nostre préjudice.
Satham.
Miiis que Bélial, mon complice, Soisl presl à mou oppinion, .le veul estre comis au supplice S'mi y fait jà Iranslacion!
Par sainte persuasion, Nous voulons estre curieux De bouler eu division L'Evesque ô. les religieux.
Bélial.
.Nous trouverons tours merveilleux, Souldainnement & en peu d'heure, Pour faire le cas périlleux Aflin que la chose demeure.
A.STAROTH.
Si je n'y bèsbingne 0; labeure Tout ne vault pas ung chou cabuz, Roy Lucifer, je vous asseure Que de tels folz ce n'est qu'abuz.
Léviatham.
Encoir es-tu plus quoquibus D'atribuer l'honneur à loy, Car pour mectre tout rasibus Tu sçez bien qu'il n'y a que moy.
A ce que je voy &. perçoy, Faulce envye vous fait hoingnier.
Ghascun face comme pour soy, Quant à moy, je vois besoingnier.
Cerbérus.
Dyables, alez tout exploiter, Alez l'aire nostre cas bon, Car vous sçavez qu'il est mestier Que j'aille souffler le charbon.
ASTAROTH
Or, alons on provision
Kl besoingnons diligemment.
Bélyal.
Deux mots do bénédiction Lucifer, à ce parlement.
Lucifer .
Que de tonnerre &. do tormentj Do fureur ex de forcénemont, ht» «rosse gresle & de marteaulx, Puissiez avoir prouchainement Escalvasie totalement Lo cul, la teste & les boyaulx !
Tous les Dyables ensemble disent :
Amen! amen!
Satham.
Les mots sont beaulx, Nous \\en povons que pis valoir.
Lucifer.
Alez lost, dyables desléaulx.
Créez que nous avons bon vouloir. Le Prieur.
Parlant à l Evesqtie et aux autres.
Jhésu Crist qui sçet tout pourvoir Veulle condnyre nos messaiges!
L'Évesque.
Je croy qu'ils feront tel debvoir Qu'on les réputera pour saiges.
Le Prieur.
Sainct Didier qui voit nos couraiges, Vueille pourvoir & adresser Leurs meurs, leurs laits & leurs lengaiges, Pour ceste entreprinse avancer.
L'ÉVESQUE
Bon seroit de luy supplyer Qu'il nous fist garde & conducteur Pour son renom multiplyer Tout à l'honneur du Créateur.
Le Prieur.
Je vous requiers, noble Pasteur, Qu'une oroison lui présentez.
L'Évesque.
Je le fera y de très bon cueur Ainsin comme vous l'apetez.
Lors se mecl à genonlx.
0 Martir doulx & amyable, Pasteur dévot <x pitéable,
Régnant en gloire, Qui ceste Cité honnorable, Comme béguin &. favorable
Garde & décore, Requier, intercède <k implore Devant le divin auditoire,
Par beaux recors, Qu'on puist faire en ce territoire Relevacion méritoire
De ton sainct corps.
Le Prieur, à (je.noulx.
0 safir, plain de relucence, Carboucle de magnificence,
Fleur de beaulté, Qui par doulce bénévolence Tient tousiours en convalescence
Ceste Cité,
Par ta bénigne purité, Impètre vers la Trinité,
Dévotement, Que ton corps, plain de dignité, Puist estre de nous translaté
Honestement.
Sainct Didier en paradis, à genou Ix devant Dieu.
Hoy régnant perdurablemenl, Trîumphant éternellement, Incompréhensible Lumière Qui passe tout entendement, Qui est fin <k commencement, Cause des causes la première, Regarde la bonne manière Que Lengres, cité aulmosnière, , Maintient pour mon intencion, Et permects qu'en ceste matière Leur volonté saincte & entière Puis! venir à perfection!
O Virginité
Et Maternité Pucelle & nourrice !
0 formosité, Préciosité
Sans tache oc sans vice, Rendez tout propice Le chief de justice Vers ces bonnes gens Qui de mon service, Louange & office, Sont très diligcns!
Virgo Maria.
Puys de toul bien, Puissance paternelle,
Luysanl Splendeur, Refulgenee éternelle,
Très convenable à povres gens ayder,
Retournez vous vers pitié maternelle
Et entendez l'oroison solennelle
Que je vous fays pour vostre amy Didier.
Les cueurs dévots se veulent employer
A son tombeau ouvrir & desployer
Pour le sainct corps mectre en meilleur estât,
Si le veuillez (elle grâce envoyer
Que l'ennemj ne les point desvoyer
On empescher d'ataindre à leur optât.
Donnez cueur docile,
Moyen tant facile.
Voye si agile, Que ceste euvre utile Preingne lin condigné, (lai- la chair fragile, Caduque & débile, Pusille oc mobile, N'est à rien habile, Sa grâce divine.
De us.
En moy toute pitié domine, Doulceur prant de moy sa naissance, .le réconforte oc enlumine Gelluy qui a bonne espérance.
Salomon, en briefve substance, Mon tillre a dit <x exprimé, Prononçant comme à ma semblante :
IHligo diligentes me,
Qui me pourte honneur Sera bien euré Ri comme seigneur De tous honoré.
J'ay telle bonté Que qui m'aymera De ma Majesté Dieu aymé sera.
Didier qui a totalement Mis en moy son affection, Mérite que pareillement J'aye à luy grant diiection, Si veul que la translacion Soit entreprise & accomplie, El que toute la région De ses miracles soit remplye.
Maistre Arripe de Barbaryo, Docteur en choppinacion,
Veult que tout home se marye
Pour avoir généracion.
J'ay une imapinacion
Qui me t'ait beaucoup varier,
J'ay veu qu'on souloit marier
Hommes & femmes de \\ ans,
Maintenant lesjeusnes enfans
Enraigenl d'estre mariés,
Je veul qu'ils soyent hariés
Et que beaucop de mal ils sentent,
Et puis après, s'ils se repentent,
Pour Dieu! ne m'en demandez rien
Je demande à ces gens de bien
Quel beste c'est que mariaige?
Par Dieu! veslà qui le sçet bien, Car il ne l'a pas d'avantaige.
Barroiz, «i Paris.
Nous avons fait demy voyaige, Car vesci Paris, la cité Où les Pers de noble paraige Ce sont tenus tout cest esté.
Le Sodbprieur.
.le voy leur haulte maiesté, Je voy leur dominacion .
Le premier Bourgeoys.
Alons en toute humilité Leur rendre salutacion .
Lors saluent les Pers.
Barroiz.
Celuy qui lit sa mansion En la digue Vierge Marie, Veuille garder la Seignorie De toute tribulacion !
L'Arcevesque de Rains, Par Par sa sainte protection, Garde vostre à me d'estre pcrie Celluy qui lit sa mansion En la digne Vierge Marie!
Le Soubprieur.
La lingonicque nacion, Homme joyeuse <x non marrie, Vers vostre excellente Parrie Nous envoyé en commission.
Le premier Bourgeovs.
Celluy qui fit sa mansion En la digne Vierge Marie
Vueille garder la seignorie
De toute tribulacion!
Le Duc de Bourgogne, Far.
D'où vient ceste légation?
Barroiz.
De Lengres, la cité romainne.
Le Duc de Bourgogne, Par.
Faieles briefve narracion De la cause qui vous a ma inné.
Nous venons pour chose haultaine Vers vostre douceur bien famée, Dont démonstration certain.' Fera cesire lectre fermée.
Cil montre la lettre.
Nostre Pasteur de renommée, Duc de Langres oc Par de France, A une matière entamée Qui est de moult grande importance, Si en fait faire remonstran.ee Devant vos nobles dignités, Vous supplyant à tout;' instance Qu'à ce besoing le visitez.
Plusieurs fois avez ouy dire
Que Sainct Didier, vray catholique.
Souffrit passion & martire
Par la puissance wandalicque,
Car sans craindre fureur inique
De Croscus ne de son effort,
Selon doctrine évangélicque,
Pour son peuple voult souffrir mort,
Vprès ce douleureùx meschief Kl après sa morl corporelle, Il empourlii son propre çhief Dedans son église & chapelle ; Le bourreau brisa sa cervelle Gomme fol v.v démonniacle, Puis une porte, riche c< belle, Se monslra clouse par miracle.
Le martire ainsi n consomé, Wandres furent moull esbays, Car voyans l'ung d'eulx assommé Ils se partirent du pays.
Ainsin, après ses maulx comis, Le di^ne & glorieulx Marlir Fil rendre paix à ses âmys El les satellite.- partir.
Le corps fut en terre posé Par mistère très sumptueux, Où a ix c ans reposé, Faisant miracles merveilleux.
Maintenant les Religieux Font grant sollicitation Que du eoi-ps digne & glorieux Soit faite révélacion.
Noslre Prélal a bien voulu
Que la chose en conseil fut mise,
Puis a finalement conclu
lie mectre à fin ceste enlreprinse.
La journée est jà toute prinse
Pour ce noble corps relever,
Si vous supplye sans faintise
Qu'à Lengres vous veuillez trouver
L'Arcevesque de Rains, Par.
L'Évesque fait moult à louer De vouloir lel chose parfaire, Car c'est pour l'Église douher D'iiii^ précieux reliquaire.
Le Duc de Bourgogne, Par.
Seigneurs, vesci moult grant affaire, Pourtant fault bien que regardons Quel chose nous avons à faire, Allin que nostre honneur gardons.
L'Évesque de Laon, Par.
C'est raison que nous contendons De nous tirer en son quartier, Puisque sçavons & entendons Qu'il a de nous si grant mestier.
Le Duc de Normandie, Par.
On doit ses bons amys ayder, Si concludz qu'aler y fauldra, Kt le glorieux Sainct Didier A cent doubles nous le rendra.
Le Duc de Guyenne, Par.
Qui selon mon conseil fera, San!' tout honneur «x révérence, Prestement on leur mandera Que nous y serons en présence.
L'Évesque de Ghaalons, Pau.
L'Evesque remply de prudence Et tout le clergé nous en prye, Si debvons bien l'aire assistance A leur notable Seignorie.
Le Conte de Champagne, Par.
Quant est de moy j'ay grant envye D'aler à Lengrès pas à pas,
Qui ne fait du bien en sa vye Quant il veult n'y recoure pas.
L'Évesque de NoyoNj Par.
Aler fault avec ces légats Très voulentiers, non pas envis, Car Dieu dit : Aliis nfins Simt libi fini vis..
Le Conte de Flandres, Par.
C'est ung mot qui est moult bien mys Et <pii pourte grant effîcass Car on doit faire à ses amys Ainsin comme on veult qu'on luy face.
L'Évesque de Beaulvais, Par.
Je me Irouveray face à face A Lengres, la lionne cité, Voire si Dieu me donne grâce D'estre lors en prospérité.
Le Conte de Thoulouze, Par.
Quant ung Par, pîain de grant bonté, Veult les aultres Pers appeler.
Aux Pers est boute & lascheté S'a leur Par ne deignent aler.
Le Sotjbprieur.
Encoir est-il bien à noter.
Messeigneurs, à correction, Que le Sainct qu'on veult translater Fut de vostre vocacion, Il a voit la prélacion Du diocèse lingonicque, Qui est. par augmentation, Parrie <-v duché auctentique.
Ainsin l'Evesque & Par de France
Comme l'ers vous fait requérir Qu'à celle dévote ordonnance Venez le pardon acquérir.
Pour vous y faire consentir, Vesci lettre & rescriplion Par laquelle pourrez sentir Tout au long leur intencion.
L'ARCEVESQDE DE RlAINS.
Voyons la déclaracion De cesle escriplure notable, Puis leur ferons relacion Telle qu'il sera convenable.
Lors lisent les lettres entre eulx.
Puis dit :
Le Duc de Bourgoine.
Nous avons ouy elèrement Tout ce qu'en la lectre est dicley, Requis sommes expressément D'aler à la solennité.
L'Arcevesque dp: Rains.
Si c'étoit pour mondanité,
Pour quelque honneur ou convoitise.
J'en feisse aullre difficulté,
Mais nennil, car c'est pour l'Eglise.
Le Duc de Normandie.
Quant est de moy je loue à prise Le désir bon ix vertueux De ceulx qui font cesle entreprinse Pour l'honneur du Sainct glorieux.
L'Evesque de Laon.
Puisque le Prélat gracieux Nous mande à la translacion,
Nous debvons estre curieux D'y monstrer bonne affection.
Guyenne.
Je suis de ceste oppinion Que nous debvons, sans plus tarder, Laisser toute occupacion Pour en ce cas mieulx procéder.
Chaalons.
L'euvre est moult à recommander Et digne de grant assistence, Pourtant nous ont voulu mander Affin que soyons en présence.
Champagne.
A brief j'en diray ma sentence, Mais pour l'amour du personnaige J'iray en très noble apparence, Puisque c'est en mon voisinaige.
Noyon.
Vous y avez grant avantaige, Vu que c'est en vostre quartier, Non pourtant j'ay bien le couraige D'y estre aussi, s'il est mestier.
Flandres.
Pas ne sommes à recointer, Ou par lascheté endormis, A peu parler bien exploictier Il fault secourir ses amys.
Beaulvais.
Ceux de Lengres ont tousiours mis Diligence d'acquerre bonneur, Et pour cela Dieu a permis Que Didier leur porte bon eur.
Thoulquze.
Puisqu'on nous semond de bon cueur A ce digne fesloyement, S'il plait au benoist Créateur, Nous irons tout présentement.
Rains. Mes amys, vous oyez comment Les Pers prainnent conclusion D'aler très desbonnairement A ceste révélacion.
Le Soubprieur.
De leur dévote intencion Les mercions cent mille fois.
Barroiz.
Nous en ferons relacion Tant au clergé comme aux bourgeois.
Le premier Bourgeoys.
Vray est qu'avant qu'il soit ung mois, Convient la feste encommancer, Si vous pryons, Seigneurs courtois, Qu'ung peu vous veuillez avancer.
Bourgoine.
Tost que chascun ait son destrier, Puisqu'il fault que nous en alons.
