DURANDAL
Il nous fault ceste tour gaingnier, Car elle nous voit de trop hault.
A donc tirent contre la tour où est la Guette et y font de gratis pertuifs.
RUSTARIN.
Tirez contre sans espargner, Elle est percée autant vault.
La Guette.
Ha! Sangbieu! Comment on m'assault.
Pleut à Dieu que je fusse juz!
Maulvenu.
Faiz-tu lassuz du papegault?
Je te feray pisser verjuz.
La Guet le s'enfuyl.
Le Cappitaine.
Où vas-tu?
La Guette.
Je n'y seray pluz.
Le Cappitaine.
D'où te vient ceste oppinion ?
La Guette.
Ces faulx payens sont résolulz D'abattre mon tugurion.
Le Bailly.
Tu es couhard comme ung larron.
Le Père Valier.
Ne t'oses-tu tirer avant ?
La Guette.
Je me tiendray à ce quarron Et feray guet comme devant.
Lors se boule en quelque aultre lieu.
Le premier Satrappe.
Or, tirez, tirez maintenant Puisqu'il plaisl à Croscus le roy.
Vo
Le second Satrappe.
Deux ou trois coups loul d'ung tenant Habillement.
Ysangrin.
Vées là de quoy.
Icy soit gccté un cop par les Wàndres par Ysangrin. Sarragot.
Rend-toy, chrestien, laisse ta loy Et renoye ton Jhésu Crist.
Durandal.
Mest teste aux crénaulx.
RUSTARIX.
Parle à moy.
Maulvenu.
Rend-toy, chrestien, laisse ta loy.
Le quart Bourgeoys.
Yeescy ung merveilleux desroy.
Despiteulx.
Rz mourront tous.
DlRANDAL.
R en est fait.
RUSTARIN.
Rend-toy, chrestien.
Maulvenu.
Laisse ta loy.
Despiteux.
Et renoye ton Jhésu Crist.
Didier.
Mon peuple sera desconfit Et aura d'ennuy plénitude, Si Dieu qui tout le monde fit, Ne garit son amaritude.
Oratiu.
0 Créateur, 0 digne Celsitude,
Ilault plasinateur, Glère Béatitude,
Roy souverain, Précelse Trinité,
Tu es facteur De céleste habitude,
Et rédempteur De toute multitude,
Du gendre humain Miroir de purité.
Croscus haultain, Ce Wandre redoublé,
Très inhumain, Plain de crudélité,
Nous veult grever, Nous veult mener grant guerre,
Estends ta main, Rebote sa fierté,
Tost & soudain Eslargi ta bonté,
Pour nous saulver En cardant ceste terre.
Mais quelque oroison que je lace, Je proteste &. ay protesté Que je ne veul courcer ta face N'aler contre ta volonté.
Maria.
0 divigne Bénignité, Bénigne Gracieuseté,
Gracieuse <k clère Haultesse, Hault Soleil, plain de dignité, Très digne Singularité, Singulier Trésor de richesses, Riche Ruhis, puys de Noblesse, Noble Fontaine de largesse, Large Sentier d'humilité, Yeullez donner joye & lyesse A Didier qu'on assault & blesse Par wandalicquc iniquité.
Deus.
Le propre terme est limité Qu'il doit passion endurer, Son lieu en gloire est apresté Auquel je le veul honorer, Paradiz luy veul conférer, Triumphe & perdurable empyre, Et la saincte âme décorer De la coronne de martyre.
Le Tirant décoler fera Didier qui mon nom ayme & prise, Maiz, par miracle, il recepvra Son chef pour porter à l'église, Quant le bourreau cela verra Il perdra sens & bonne guise, Car sang & cerveau répandra En hurlant à la pierre bise.
Léal ministre Michael
Et Gabriel qui bien servez,
Uriel & vous Raphaël
Qui mon pouvoir appercevez,
Allez embas <k confortez Didier quy est en grant socy, Quant temps sera l'âme apportez, Et des aultres martyrs aussy.
Miciiael.
Voslre divin commandement Acomplirons sans plus actendre.
Gabriel.
Faire voulons incessamment Vostre divin commandement.
Raphaël.
Roy régnant perdurablement, Nous sommes tous pretz d'y entendre.
Uriel.
Vostre divin commandement Accomplirons sans plus actendre.
Le Roy des Alainz.
Sire Croscus, se voulez tendre A ceste ville conquester, Maintenant povez faire prendre Vos eschielles pour y monter.
On peult maintenant regarder La muraille fort abatue, Et pourtant n'avons que tarder D'assaillir tout d'une venue.
Croscus.
Or çà, que chascun s'évertue D'entrer dedans à grant puissance, Mais je veul que tous ceulx on tue Qui ne prandront nostre créance. Pour vieillesse ne pour enfance N'y ait homme nul supporté, S'ils ne nous font obéissance En délaissant la chrétienté.
Tost-Venu, tu as escouté Mon veul & mon intention, Et pourtant soyes apresté D'en l'aire proclamacion.
Tost-Venu, Haultaine domination Qui à triumphe contendez, Sans prétendre excusacion Voys faire ce que commandez.
Lors fait le crtj à son de trompe.
Oyez, Seigneurs, oc entendez!
Croscus vous fait commandement Qu'à la muraille vous rendez Pour la gaingner totalement.
Entrez dedans lesgièrement, Tuez tout sans rien excepter, Sinon ceulx qui dévotement Youldront nostre loy accepter.
Le premier Satrappe.
Sus, galans, il fault apporter Eschielles, picques à marteaulx.
Le second Satrappe.
Or, tost, tost, il se fault haster De gripper à mont ces crénaulx.
Le premier Chevalier Alain.
Veescy des cordes par monceaulx Qui ont des bons crochets de fer.
Le second Chevalier Alain.
Entre voz gendarmes nouveaulx Il vous fault icy eschauffer.
Godifer.
Convient-il à force monter, ISe nous fait-on autre ouverture?
Tartarin.
Il n'y a point de cul frotté, Il se fault mectre à l'avanture.
Sarragot.
Ces Lengrois nous font grant injure Quant ilz ne nous veullent ouvrir.
YsANGRIN.
Par le dieu Jupin, je vous jure Que j'en fera y cinq cens morir.
Lors clwrgcnl eschielles, cordes, barreaulx, etc. La Guette cryc :
Pour Dieu, ne veullez pas faillir A bien deffendre ceste Ville, Car tout l'osl nous vient assaillir Et sont plus de quatre vingt mille.
Le Cappitalne.
lion Pas, il te fault estre habille D'aller quérir les Chevaliers.
Bon Pas.
J'y vois, car il me semble utile De faire armer genz par milliers.
La Bourgeoyse.
Les Wandres qui sont coutumiers De faire toute tyrannye, Nous veullent prendre prisonniers Ou tuer par grant félonnye.
La très doulce vierge Marie "Veulle obvyer à l'entreprinse!
Car il est fin de nostre vye S'il fault que la Ville soit prisse.
La Femme grosse.
Hélas! hélas! je meurs de crainte Qu'on ne me face desplaisir,
Car je me sens grosse & ensaincte, Tantost sur le point de gésir.
Vray Dieu! où pourrai-je courir?
Que feray-je moy, pouvre femme?
Me fault-il finer & morir Sans que mon fruyt ait baptesme ?
La Norrice tenant un g enfant.
Et moy qui norriz mon beau filz Qui est petit & de jeune aage, Je doys bien rendre pleurs confitz En plainte & en dur langaige.
0 mon tendre enfant, te verray-je Mutiler en douleur amère?
Wandres, plains de maulvais couraige, Laissez l'enfant, prenez la mère.
La Bourgeoyse.
Certes la chose est toute elère Qu'ils nous viennent l'assault donner.
La Grosse.
Conseillez nous, belle commère, Comment nous devons gouverner.
La Bourgeoyse.
Portons des pierres pour gecter, S servirons de quelque chose.
La Norrice.
Affin de noz gens conforter, Portonz des pierres pour gecler.
La Bourgeoyse.
J'en veul plein ce beuchin porter.
La Grosse.
J'ay bien ce vouloir, mais je n'ose.
La Norrice.
Portons des pierres pour gecter, Si servirons de quelque chose.
Bon Pas, messagier.
Seigneurs, je vous dis & propose Que bientost venir vous en fault, Car l'ost des Wandres se dispose De nous livrer cruel assault.
Grancey.
Par celluy qui tout sçeit <k vault, Nous y ferons nostre debvoir.
Se j'ay des coups, il ne m'en chault.
J'en feray aussi recepvoir Choiseul.
Puisqu'on nous le fait assavoir, C'est raison que nous y allons, Ces payens, plains de non sçavoir, A nostre povoir affolons.
Trichastel .
Bon Pas, sachez que nous irons Voir si la Ville on assauldra, Et si très bien nous conduyrons, Que tout le fait mieulx en vauldra.
Vergier.
Chascun de nous s'y trouvera Pour la loy de Dieu maintenir.
Or çà, galans, on cognoistra Cornent vous sçavez contenir.
Le premier Escuyer.
Afin de la gloire acquérir, En soubslenant foy catholicque, Je veult rebouter & férir Geste puissance wandalicque.
Le second Escuyer.
Puizqu'ils ont pouvoir tant inicque, Tant infidelle à tant pervers,
Il fault que leur bras tyrannicque Faisons tresbucher à revers.
Le tiers Escuyer.
Je jetteray caillouz amers De ma foudre forte &. diverse, Frappans à tort à à travers Leur teste &. leur face perverse.
Le quart Escuyer.
Pour dommager parlye adverse, Telle boisson leur veul verser, Que les plus grans à la renverse Feray tresbucher & verser.
Le Coustillier.
Ha! si je peusse traverser Où leur ost estre conversant, J'en feroys à terre verser Plus de cinq cens en traversant.
L'Archier.
Il faut tout estre reversant Ou les tirer perversement, Et se nostre cas va versant, Relevons nous diversement.
Le Crenequinier.
Deffendons Lengres vaillamment, D'arbalestes & crenequins, Tuons Wandres abondamment, Car ils vaillent pis que Turquins.
Le Colovrinier.
Harquebuches, ribaudequins, Bonnes couleuvrines à main, Veul desployer sur ces coquins, Qui respandent le sang humain.
Choiseul parle à Didier.
Très cher Seigneur, il est certain Qu'on nous vient assaillir de fait. Se Dieu triumphant & haultain Ne nous secourt, tout est défiait.
Trichastel parle à Didier.
Requérez luy, de cueur parfait, Qu'il nous veulle donner puissance De rebouter ce Wandre infait, Piain d'orgueil & d'oultrecuydance.
Didier.
Nobles Seigneurs de grant vaillance, Je vous rends cent mil niarciz, Quant exposez corps & chevance Pour mon peuple qui est assiz, Si veul prier au crucifix L'argileur d'éternelle gloire Que Wandres soyent desconfitz Et vous en ayez la victoire.
C'est pour la foy noble &: grande Qu'entreprenez ceste action, Et pourtant je vous recommande Ma querelle <k deffension.
Deux motz de bénédiction Vous donray à la bien allée.
Et si feray oracion Pour toute la noble assemblée.
Lors fait la bénédiction solennelle aux Barons et aullres, puis vont à l'assault.
Granceï.
Tost, tost, alons à la meslée Pour rebouter nos ennemvs.
Vergier.
Il leur faull desnyer rentrée, Tost, tost, alons à la meslée.
Choiseul.
Adieu, Pasteur de renommée.
Or, alez, adieu mes amys.
Trichastel.
Tost, tost, alons à la meslée Pour rebouter nos ennemys.
Adonc s'en partent cl Didier se mecl à genoulx et 07'ando dicit :
Didier.
0 Créateur plain de biens infiniz, Qui tout produitz en temps & en saison, Qui guerre & paix permects et deffiniz, Dont les humains ignorent la raison, Sennacherib, plain de grant mesprison, Tu reboutas miraculeusement, Veullez aussy préserver ma maison Et tous mes gens d'avoir encombrement.
Les anges parlent à Didier.
MlCHAEL.
0 Pasteur ! qui vis sainctement En vertuz à dévocion, Nous venons cy présentement Toy donner consolacion.
Gabriel.
La divine provision Veult glorifier ta personne, Car par endurer passion Tu auras des cielz la coronne.
Les anges s'inclinent.
Didier.
Au Rédempteur qui tous biens donne, Je doy louange pronuncer, Quant ceste nouvelle très bonne Me fait à ceste heure noncer.
Mon Dieu qui tant es bon & chier, Que nul ne le sceit savorer, Pour la saincte loy renonchier Je veul bien tonnent endurer.
Tu as pour moy ton corps offert Aficher en croix & estandre, Tu as pour mon bien tant souffert, Que jamais ne te le puis rendre.
Plaise toy recepvoir 6c prandre Le sacrifice de mon corps, Soyez aussi, sans plus attendre, A mon cueur miséricors.
Valier, mon fils, tu dois sçavoir Qu'il plait à Dieu moy recepvoir Par martire & peinne cruelle.
Valier.
Hélas! veesci dure nouvelle.
Didier.
Puizque je suis à mon optât, Je te recommande Testât De Lengres, la cité très belle.
Valier.
Hélas! veesci dure nouvelle.
Didier.
Valier, mon amy bon à beau, Pour Dieu veille sur ce tropeau Et le garde d'euvre infidelle.
Valier.
Hélas! veesci dure novelle.
Toute ma douleur renouvelle Pour ce piteulx trespassement.
Didier.
Je mectz en ta garde & tutelle Mon diocèse entièrement.
Hélas! mon povre entendement N'est pas de telle chose capable.
Didier.
Si tu sers Dieu dévotement Rien ne te peult estre grevable.
Croscus.
Despeschez-vous, de par le dyable !
Commencez tost à assaillir, Brisez ce mur inexpugnable Et vous gardez bien de faillyr.
Le Roy des Alain z.
Il fault ruer, tuer, férir, Eschielles monter & griper, Faire les ennemys morir, Si vous le povez agriper.
Le premier Satrappe.
Vous verrez de beaulx cops douer.
Le second Satrappe.
Vous y verrez faire maint sault.
Groscus.
Faicles ces instruments sonner.
Le Satrappe.
Trompette, sonnez à l'assault.
Lors on sonne et on commancc Vassaull.
Le Cappitaine.
A ceste heure montrer se fault, On nous assault de tous cousiez.
Le Bailly.
Gardons les bien de monter hault.
Grancey.
A cesie heure monstrer se fault.
Ciioiseul.
Ung chascun soit hardi ôc hault.
Trichastel.
Ces Wandr.es soyent rehoutez.
Vergier.
A ceste heure monstrer se fault.
Le Père Yalier.
On nous assault de tjus coustez.
Le premier Satrappe, Montez, ribaudaiile, montez.
Le second Satrappe.
Gripez, tuez, rompez, froissez.
Font semblant de monter.
RUSTARIN.
Nos ennemys seront mactez.
Le premier Chevalier Alain, Montez, ribaudaiile, montez.
Durandal.
J'y seray tanlost, n'en doubtez.
Despiteulx.
J'ay jà les membres tous blessez.
Le second Chevalier Alain.
Montez, ribaudaiile, montez.
Le premier Chevalier Alain.
Gripez, tuez.
Le second Chevalier Alain.
Rompez, froissez.
S'aultrement ne vous avancez, Par ma loy, je vous l'eray pendre.
Le Roy des Alainz.
Il fault que levez à dressez Vos eschielles.
Ceulx de la Ville les reboutent.
Malvenu.
J'y veul entendre.
GODIFER.
Ha! chrestiens, je vous feray rendre.
Estes vous là où je vous voy.
LE PREMIER BoURGEOYS.
Waudre, je te feray descendre Si tu t'aprouche près de moy.
Tartarin.
Rendez- vous.
Cij sont à demi montez.
Sarragot.
Laissez vostre loy.
YSANGRIN.
Chrestiens, si vous ne vous rendez, Vous serez tous appréhendez Et escoirchiez par grant desroy, Rendez-vous.
Rustarin.
Laissez vostre 4oy.
Le premier Chevalier Alain.
Par Jupiter qui me nourit, Vous rengnyerez Jhésu Crist, Ou je vous donray un effroy.
Rendez-vous.
Le second Chevalier Alain.
Laissez vostre lov.
Durand al.
Maulgré vos, dans nous monterons.
Despiteulx.
Traite Lengrois, nous vous aurons.
Rustarin.
Amont.
Malvenu.
Je m'en vois après toy.
Rustarin.
Rendez vous.
Malvenu.
Laissez vostre loy.
Le second Bourgeoys.
Çà, des pierres.
Lors femmes appointent pierres.
La Norrice.
Vecy de quoy Gecter sur ces mauldicz payens.
La Grosse.
Chascun face corne pour soy.
Le tiers Bourgeoys.
Çà, des pierres.
La Grosse.
Vecy de quoy.
La Bourgeoyse.
Pour Dieu ! combatez pour la foy, Et gardez qu'ils n'entrent céans.
Tartarin.
Lengrois, Lengrois, se je vous tiens, Je vous feray peine & grevance.
Le second Bourgeoys.
Je ne crains guères voz maintiens.
Nous avons en Dieu espérance.
Le premier Satrappe.
Alons monstrer nostre puissance A la porte de la Cité.
Le second Satrappe.
Et nous manrons tousiours la dance Contre les murs de ce cousté.
Lors le premier Satrappe amainne la moitié des gens pour (jainijnier la porte et Vaullre moitié combat à la muraille.
Le Fol.
Qu'esse là? Benedicite!
C'est ung marché aux horions.
Je ne sçay si c'est pour l'esté, Mais'il vole des papilons.
Ho! je veul jouer des talons, On m'y pourroit crever les yeulx.
Pardieu ce sont dangereux lieux Que d'estre à ce point enfermé, Et si vous dist qu'il vauldroyt mieux Estre musé que bien armé.
Lors assaillent des deux cousiez.
Tartarin.
Lengrois, plains de desleaulté, Si vous ne changez volonté, Nous vous ferons souffrir martire.
Le Cappitaine de Lengres.
Deffendez vous, laissez les dire.
Sarragot.
Apourtez les clefs de la porte, Que le grant dyable vous emporte !
Nous nous tiendront tantost de rire.
Deffendez vous, laissez les dire.
Le second Chevalier Alain.
Vous nous faicles beaucop de peinne, Dieu vous mette en fièvre quarteine !
Je cuyde qu'il vous deust souffrire.
Grancey.
Deffendez vous, laissez les dire.
Ysangrin.
Je vous feray changer créance.
Le second Bourgeoys.
0 mon Dieu! voy cest arrogance.
Tartarin.
Jupiter sera vostre sire.
Choiseul.
Deffendez vous.
Vergier.
Laissez les dire.
Lors combatent main à main des deux couslés, puis les premiers gaignent la muraille en disant :
Le premier Chevalier Alain.
Montez, ribaull, montez de tire
Le second Chevalier Alain.
Soyez courageux & hardis.
Godifer.
Plus rien ne vault le contredire, Nous sommes dedans plus de dix.
Le Cappitaine.
0 mes amys, nous sommes pris.
Chascun se saulve où il pourra.
Rlstarin. Créez qu'il vous coustera bon pris.
Le Bailly.
0 mes amys, nous sommes pris.
Despiteulx.
Folement avez entrepris.
Le premier Satrappe.
Par Mercure! tout y mourra.
Trichastel.
0 mes amys, nous sommes pris.
Le Cappitaine.
Chascun se saulve qui pourra.
Le second Chevalier Alain.
Avant, galans, entrez par là Vous & toute la compaignie.
Croscus.
Tout est mien deçà & delà.
Durandal.
Vive Croscus!
Ysangrin, Tartarin et Sarragot ensemble.
Ville gaignye!
Lors entrent en la Ville et font semblant de tuer et piller; ceulx de la Ville se doivent monstrer fort piteulx et espars.
Croscus et le Roy des Alains se tiennent devant la porte en hault lieu pour voir ce qui ce fait en la Ville. Le Cappitaine va dire les nouvelles à Didier, puis retourne vers les ennemys. Le Cappitaine.
Pasteur remply d'humilité, Les Wandres sont en la Cité, Mectant tout à destruction.
Didier.
Ayons en ceste qualité, Pasience en adversité, Sans quelque murmuracion.
Le Bailly.
Plus n'avons de protection, Les Wandres, plains d'infection, S'efforcent tous d'ici venir.
Didier.
Mectons nous en dévotion, Et actendons l'occision, Pour la loy de Dieu maintenir.
Lors Didier et les gens d'église se meclenl à genoulx. Croscus.
Faictes moy toutes gens périr, N'espargnez ne grant ne petit, Et si alez Didier quérir Pour en faire à mon appétit.
Le Roy des Alainz.
Puisque le peuple est desconfit, Entrez partout, querez, serchez, Pilez, chargez à bon prouffit, Tuez, frappez 6c détranchez.
Le premier Satrappe.
Hz seront tantost despechez Puisque j'ay mon grant bragniart.
Le Cappitaine.
Mon Dieu, excusez noz péchez!
Le premier Satrappe.
Or çà, que le dyable y ait part, Vous y mourrez, coquin, paillard, Je vous copperay le siflet.
Le Cappitaine.
Quant à moy, je deviens viellard, Le mourir point ne me desplait, J'ay esté vaillant capitainne, Mais pour la foy je suis tout prest De laisser ceste vye humaine.
Le premier Satrappe. Tenez, vez là pour vostre peine.
H le lue.
Le second Satrappe.
Tuez les comme beaùlx oisons.
Le premier Satrappe.
Pour jouyr île victoire plainne, Boutez le feu en ces maisons.
Ysangrin.
J'y vois.
Tartarin.
Il fault que nous donnons A ce bourgeoys ci ung sofflet.
Maistre, puisque nous vous tenons, Tué serez comme ung poulet.
Agripez le par le colet.
Sarragot.
Je le veul puisque tu l'as dit.
Ils le tuent.
Godifer.
Prens ceste femme s'il te plaist.
Tartarin.
Je n'y meclz point de contredit.
Lors est le feu boulé en ladite Ville et brûle une espace et cependant les picqucvaires tuait beaucoup de yens comme les gens des Barons, la Guette, aucuns de l'Eglise, c'est assavoir : Tonnoirroiz cl l'Auxoiz.
El tandis que ces choses se font, les quatre salelliltes tiennent les trois femmes et le second Bourgeoys.
Sarragot.
En qui crois-tu?
La Bourgeoyse.
En Jhésu Crist.
Sarragot.
Il est donques fin de ta vye.
1 1 la lue.
YSANGRIN.
Et toi qui as le cueur contrit, En qui crois-tu?
Le second Bourgeoys.
En Jhésu Crist.
YSANGRIN.
Tu en mourras. Il en est frit.
Le second Bourgeoys.
Je suis prest.
// le tue.
GODIFER.
Et toy, belle amye, En qui crois-tu?
La Grosse.
En Jhésu Crist.
GODIFER.
Il en est doncques fin de ta vie.
La Grosse.
S'en vous a quelque courtoysie, Vous deussiez ung peu déporter Une povre femme engrossie Qui est sur le point d'enfanter.
Godifer.
Il n'y a point de cul froter, Vous y mourrez, il plait au Loy.
La Grosse.
Dieu me veul reconforter Et saulver mon enfant & moy !
// la tue.
Tartarin.
A mort, à mort, j'en veulx à toy !
La Norrice et son enfant.
Hélas! mon amy, je me rends.
Tartarin.
Ce petit enfant que je voy, De quoy me sert-il sur les rends ?
La Norrice.
Il est jeusne d'aage & de sens, C'est mon enfant, je suis la mère.
Tartarin.
Femmes, enfans, absens, présens, Tout sentira la mort amère.
La Norrice.
Pour l'amour de Dieu, mon beau frère, Ne lui faictes quelque insolance, Car ce seroit grant vitupère De soy prendre à povre ignoscence.
Las! a voy- je la pacience De regarder mon filz morir.
Tartarin.
Çà, çà.
Lors prend l'enfant d'ung cousté et la Nourrice de ïaidtre. La Norrice.
0 faulce violence, Veulx-tu mon chier enfant meurtrir, Pour Dieu fay moy la mort soffrir Et que mon fils soit desporté!
Tartarin. Vez le là, or le va quérir.
Le tue.
La Norrice.
0 perfide crudélité!
As-tu l'enfant exécuté!
Hélas ! mon fils que je te baise.
Le baise tout sanglant.
Tartarin.
Paix, paix, veci trop quaqueter,
Vous en mourrez, plaise ou non plaise.
// la tue.
Durandal.
Tuons, frapons tout à nostre ayse,
Puis alons sercher vilement
Le Docteur de la foy maulvaise
Pour luy donner peine &. torment.
Lors vont au moustier.
GODIFER.
Ha ! veci le faulx garnement, Didier qui contrefait l'ermite.
Rustarin.
Sortez avant légièrement, Faictes vous cy de l'ipocrite.
Godifer.
Pren par delà, pren, satellite.
Ysangrin.
Maistre Evesque, vous en viendrez.
Çà, mon livre? & sans conlredicte J'iray partout où vous vouldrez.
Lors Valier lui baille uncj livre et puis on le mainne rudement. Despiteux.
Or, sus, vous viendrez à piez, Car vous ne servez cy de rien.
Didier.
Soyez ung petit modérez Vers mes gens & vous ferez bien.
Nota que les quatre satellites enmainnent Didier, les quatre jnequenaires enmuinnent les deux Chanoines. Le Doyen et aulcungs aultres demeurent illec esbays et Valier s'en va d'ung aultre quartier.
DlJONNOYS.
Hélas! monseigneur le Doyen, On enmainne noslre Pasteur.
Le Doyen.
Dieu qui est le souverain bien, Luy soit garant & protecteur !
Le Trésorier.
Adieu nostre consolateur!
Barroiz.
Jamais pareil on ne verra.
Bassigny.
Je vous requiers de très bon cueur, Alons voir qu'il en adviendra.
Maulvenu.
Ha ! faulx chrestiens, on vous donra Des cops d'espée plus de dix.
Le premier Chanoisne.
Mon amy, Dieu vous le rendra A cent doubles en paradis.
Rustarin.
Tuons, tuons ces ennemys, Et leur donnons torment cruel.
Le second Chanoisne.
Quand le corps sera à mort mis, L'àme aura repos éternel.
Lors présentent Didier et les aultres à Croscus.
Godifer.
Roy triumphant & solennel, Nostre grant ennemin mortel Présentons devant vostre face.
Croscus.
Tost un bourreau prest & isnel Le prainne comme ung criminel, Et pièce à pièce le defface.
Didier.
Croscus, je te requicr de grâce Pour le peuple de ma Cilé.
Que pitié ton couraige embrasse, Fay cesser la crudélité.
Puisque suis à ta volonté, Laisse mes gens désormais.
Le Pasteur soit persécuté Et les brebis soyent en paix!
A l'exemple de Jhésu Crist, Pour mon peuple je veul souffrir, Car l'évangile nous descript Qu'ainsi devons le corps offrir.
Croscus.
0 mille Dieux ! venez ouyr Le blasphesme & le grant oultraige.
Le traicte fait mon cueur jouyr De faveur et de maie raige.
Godifer pren ce personnaige Si le nie va décapiter, Je ne puis ouyr son langaige, Je ne puis sa voix escouter.
Godifer.
Puisque je l'ay à gouverner, Jamais n'eschappera de mort.
Galans, aydez à le mener, Et qu'il soit lyé bien & fort.
Tàrtarw.
Pren par delà.
YSÀNGRIN.
J'en suis d'accord, Il aura la teste coppée.
Lors prainnent Didier et font semblant de le lyer et dure celajusques les dyables auront parle.
Rustarin.
Et ceulx cy auront-ils support ?
Croscus.
Traictes, mectez tout à l'espée.
Demande des deux Chanoisnes.
Le premier Chanoisne.
Glorieuse Vierge honorée, Qui estes au ciel décorée Par dessus nature angélicque, Vostre grâce nous soit donnée, Car nous voulons ceste journée Morir pour la foy catholicque.
Le second Chanoisne.
Haulte Puissance déificque, Qui avez trône magnificque Par dessus tout aultre degré, Pour la saincte foy vivificque, Endurons painne tirannicque, Mais nous prenons la mort en grey.
Despiteulx. Ha ! hay ! veci trop sermonner, Il fault que vous expédions.
Maulvenu.
Puisque le Roy l'a ordonné, Tous aurez ces deux horions.
Lors mectent à mort les deux Chanoines et les Anges sont illec pour prendre leurs âmes.
MlCHAEL.
Ces belles âmes recepvons, Ainsin que faire le debvons, Car c'est l'ordonnance divine.
Gabriel.
Joyeusement les empourtons, Affin que nous nous acquilons Vers celluy qui tout détermine.
Puis vont quérir les anus (hs aullres dans la Cité et disent : Raphaël.
Les aultres aussi assamblons, Et puis présenter les alons A Dieu qui le monde enlumine.
Uriel.
En gloire tantost les rendrons, Et puis quérir nous reviendrons L'âme de Didier noble à digne.
Icy se fait pause cl silete des instruments.
Satham.
Lucifer, prince de vermine, Nos besongnes vont de guingois.
Lucifer.
Comment?
Satham.
Lengres est à ruyne, Si n'y gaingnons pas quatre noix.
Pourquoy ?
Astaroth.
Deux anges deux ou trois Ont tout ravy nostre butin.
Bélyal.
Pardonnez nous pour ceste fois, Nous gainnerons quelque matin.
Lucifer.
0 Satham, pire que mâtin, N'as-tu besogné âultrement?
Que maie bon ou averlin
Te puist ronger l'entendement !
Didier est- il mis à tourment?
Satham.
Je vous dis, maistre Lucifer, Qu'il finira présentement Par les mains du fier Godifer.
Lucifer.
Didier ne povez amener,
Il est trop sainct, il est trop fort,
Mais trouvez façon d alrayer
Ce bourreau qui le mect à mort.
Belphégoh.
Or, y alons tous d'ung accord, Si deffigurons sa figure.
Pour user de charme & de sort, Or y alons tous d'ung accord.
Cerbères.
Se vous n'en faictes bon rapport, Lucifer vous fera injure.
Satham.
Or, y alons tous d'ung accord, Si deffigurons sa figure, Lors s'en vont.
MlCHAEL.
Rédempteur d'humainne nature, Par qui enfer est au bas mis, Recepvez, comme il est droicture, Les âmes de vos bons amys.
Deus.
Je leur assigne paradis Pour, joyeusement à tousiours, Triumpher par faictz & par dicts En incomparables séjours.
Mais il vous fault aller secours Vers Didier qui vit sans nul blasme, Donner au corps quelque secours Et recepvoir sa benoite âme.
Je permectray que le bourreau Qui l'occist par grant vitupère, Corrompe son propre cerveau Comme ung fol qui se désespère.
Et pour venger cest impropère Fait à ma saincte créature, Je veul que la porte n'apère Jamais passaige n'ouverture.
Gabriel.
0 Divinité nette <k pure, Qui louyer au juste rendez, Nous mectrons diligence &. cure D'acomplir ce que commandez.
Lors s'en vont tous quatre vers Didier. Godifer.
Suz, papelart, & vous tenez Devant ceste porte à genoulx.
Didier.
Ung peu d'espace me donnez Pour prier Dieu.
Godifer.
Despechez-vous.
Didier.
Oratio.
Mon Dieu qui a mouru pour nous, Et este exposé soubz la lame, Ne veuillez monstrer son courroux Contre ceulx qui me fait ce blasme.
Losge moy en ton sainct royaulme Comme tu l'as déterminé, Car je recommande mon âme In manus tuas, Domine !
Par la doulce bénignité Qui règne en toi habundament, Le demeurant de ma Cité Veuille préserver de torment !
'Hic fac mutatio.
Godifer.
Tendez le col lesgièrement Et recepvez mon cop honneste.
Lors luu coppe la leste et il la reçoit entre ses mains. Le sang va par terre, le livre est acteint de l'espée et cheoit à bas. La porte se ferme et se joindent les deux murs ensemble. Tout le monde se monstre esbay.
Godifer.
0 subit esbayssement, Luy mesmes a reçu sa teste !
Je suis bien cruel & bien beste D'avoir commis ce maulvais faict.
Je crains que de l'ouldre ou tempeste Mon mauldit corps ne soit défiait.
// se montre convicteur de ses peirs.
Miciiael.
Didier, qui n'as quelque forfait Ne conscience vicieuse,
Dieu qui est le bien très parfait, Atant ton âme précieuse.
Gabriel.
Elle est tant saincte <k gracieuse, Tant belle, tant nette & tant gente, Que la Déitey glorieuse Luy veulle donner gloire excellente.
Raphaël.
0 âme dévote <x prudente, De martire bien décorée, Yien gouster doulceur permanente Laquelle Dieu t'a préparée.
Uriel.
Tu seras en ciel honorée D'honneur qui point ne finira, Et la chair qui est demourée Ton propre chief empourtera.
Lors emportent l'âme en paradis tout chantant et puis se meclent à genoulx devant Dieu et dient :
Michael.
Immarcessible Déitey, Devant vostre sublimité L'âme de Didier appourtons.
Gabriel.
Par martire elle a mérité Perdurable jocundité, Et pourtant la vous présentons.
Deus.
Archangélicques légions, Martirs par cens & millions, Apostres de grant renommée, Prenuncez jubilacions, Car il fault que nous festions Ceste âme saincte & bien aimée.
Je veul qu'elle ait céleste gloire, Que jamais ne cesse ou empire, Laurier et palme de victoire, Pour triumplieren mon empire, Puis auréole de martire Qui clèrement resplandira, Et brief tout ce que cueur désire Sans cesse le résiouyra.
Godifer.
Voit snincl Didier chemijncr et dit :
Haro ! Quel miracle esse là ?
Vesci grant fait, vesci merveille !
Pourquoy ai-je commis cela Vers la personne non pareille ?
Forcennement mon cueur éveille, Je cuyde que j'enraigeray, Si le dyable ne me conseille Je ne sçay mais que je feray.
0 faulx Dieux qui estes sans vye, Pour vous j'ay fay ce grant oultraige D'avoir mis à mort par envye Le bon Pasteur dévot & saige.
Royde ruine, rude raige, Rend mon cerveau plein de rumeurs. Je languis, je crève, j'enraige, Je n'en puis plus se je ne meurs.
Impétueuse détresse, Douleur qui ma joye oppresse,
Presse Ma dolente créature.
Arrogance félonnesse, Qui augmente ma feblesse,
Blesse Mon cueur par griefve poincture.
Terrible desconfiture, Très injurieuse injure,
Jure De moy monstrer sa rigueur.
Je sens, je souffre, j'endure Longue langueur à laidure
Dure Qui me tréperce le cueur.
Dois-je endurer ceste douleur ?
Nennil je la veul éviter.
Il vault trop niieulx qu'en ma fureur,
J'aille mon corps précipiter.
Le grant dvable me vient tempter
De temptacion si très forte
Que je m'occiray par hurter
Contre les murs de ceste porte. Lors, très horriblement crtjanl, hulant, va hurter ij ou iij fois contre la porte et se rompt le cerveau puis chieit à terre mort, faisant de terribles signes dont tous les Wandres s'esbayssent, puis dit :
Tartarin.
0 Godifer, ta chair est morte
Par grant fureur désordonnée.
Sarragot.
Oncques ne vis pareille sorte, Ne chose plus infortunée.
Ysangrin.
Vesci œuvre dénaturée, Vesci merveilleuse grimace,
Ceste porte s'est remurée Tellement que plus on n'y passe.
Les dyables chargent Godifer.
Satham.
Cà, dyables, çà, venez en place, Nous avons gaignyé ce tirant, C'est celluy qui la saincte face De Didier aloit martirant.
Bélial.
Avant, dyables, avant, avant, C'est pour festyer Lucifer.
Léviatham.
Prenez derrière & moy devant, Avant, dyables, avant, avant.
Belphégor.
Je luy donray maint passavant.
Léviatham.
De quoy ?
De mon grappin de fer.
Astaroth.
Avant, dyables, avant, avant, C'est pour festier Lucifer.
Le Fol.
Mais où le veullent-ils pourter, Esse lassus en Paradis?
On l'aprendra damser, hurter.
Déà ces Wandres sont trop hardis, Nous qui sommes bien estourdis N'avons garde de telle endosse, On s'en feroit bien une bosse Plus grosse en la teste qu'ung poir.
Mais où l'emporte ces galois?
A l'ymaige du chauldron.
Godifer, ce vaillant patron, Le veult-on feslier ainssy?
Créez qu'il aura chault au poitron Avant qu'il soit deux jours d'ici.
Satham.
Prince, regardez que vesci.
Lucifer.
Qu'esse là?
Satham.
C'est un faulx cordier Qui s'est rendu mort & transy Aprèz qu'il a tué Didier.
Lucifer.
Tost, tost, il le convient plonger Dans la chauldière au réagal, Puis après vous Tirez logier En plomb bouillant & en métal.
Cerberus.
Je suis ung cuisinier réal Pour bien broyer la cameline, Feray-je ung brouet cordial Qui luy reschauffera l'eschine.
Lucifer.
De bon souffre & de tormentine Luy brassez ung mortel breuvaige.
Satham.
Empoignez le par la poictrine, Si le logez en nostre caige.
Lors remportent en la gueule d'enfer.
Et Valier bien piteux se vient monslrcr et dit
Valier.
Hélas! hélas! quel grief domaige Nous recepvons présentement Quand Didier, le très doulx imaige, Est mis à mort cruellement.
0 Valier! ploure tendrement Pour ton maistre, pour ton docteur, Et toi, Lengres, incessamment Ploure la mort de ton Pasteur.
Plorez, clergé, plorez, plorez Ceste douloureuse adventure, Plourez & vous descoulourez Par piteuse desconfiture.
0 peuple de bonne nature Qui perdez vostre reconfort, Plourez la saincte créature Que les Wandres ont mis à mort.
Hélas! Prélat de grant valour, Dessus tous les aultres le meilleur
Et le plus sceur,
Plain de doulceur Et de science possesseur, Faull-il qu'en ce point vous perdons !
Noz riz sont tournez en douleur, Noz biens sont changés en douleur,
Et nostre fleur
Muée en pleur, Nous perdons couraige & couleur Pour le dommaige qu'attendons.
Pasteur dévot, bien entendons Qu'au ciel vous avez de beaulx dons,
Car nous avons
Et percevons Les signes que croire debvons, Et les beaux faits miraculeux.
Mais nous povres qui demourons A vous regreter, labourons,
Tant soupirons,
Et tant pleurons, Qu'autre chose n'assavourons, Fors gémissemens douloureux.
Considères, peuple amoureux, Ceste piteuse & doulce chose, Comment Dieu qui est glorieulx, De son digne martire dispose.
Il le monstre.
Le chief entre ses deux mains pose, Le corps <k les pieds vont tout droicts, Vous le voyez là qu'il repose En champeau auprès de la croix.
Le tiers Bourgeoys.
Que ferons-nous, povres bourgeoys, Quand nostre maistre avons perdu?
Le quart Bourgeoys.
Hélas! Didier, à ceste foys Laissez vostre peuple esperdu.
Le tiers Bourgeoys.
0 corps, de tout bien revestu, Tu tiens ton chief par bonne guise.
Le quart Bourgeoys.
Par miraculeuse vertu, Il est venu en son esglise.
Le tiers Bourgeoys.
Vesci aultré fait que j'avise Plain de grande admiracion, Du livre de la loy exquise Qu'il avait à sa passion, L'espée a fait incision, Le sang a rougi la matière, Touteffois la description Se démonstre sainne & entière.
Le quart Bourgeoys.
0 Pasteur, plain de grant lumière, Qui as au ciel ta demeurance, Dieu veuille que par ta prière, Nous ayons paix & asseurance.
Valier.
Maintenant suis-je en grant dobtance, Maintenant ne sçay-je que faire, J'ai perdu ma resioussance.
Nostre Seigneur, très débonnaire, Son éveschié, son populaire, Me recommanda brief <x court, Ce m'est ung dangereux affaire, Considéré le temps qui court.
Si je suis prins ou affolé Par Croscus qui nous poursuyt fort, Le peuple qui est désolé, N'aura plus quelque reconfort.
Les Wandres, par cruel effort, Ont décapité le Pasteur, Si j'estoye aussi mis à mort, Plus n'y auroit de conducteur.
Mon Dieu, tu sçez bien que j'appète Pour toy mille mors endurer, Mais le peuple qui me compèle, Sans conduyle ne peult durer.
Je suis prest de le gouverner, Je suis prest de le secourir, Je suis prest aussi de finer, Je suis prest de vivre à morir.
Il est escript en l'évangille
Que si l'homme est persécuté,
Il doit laisser sa propre ville
Et aler en aultre cité.
Pareillement j'ay volonté
De moy retraire en aultre terre,
Pour éviter l'iniquité
De ces Wandres qui nous font guerre.
0 Bonté divine, Piteuse & bénigne, Courtoise & affable, Mon cueur enlumine, Mon fait détermine, Par grâce ineffable.
Si je suis muable, Vague ou variable, Voulant chemyner, Ta pitié louable, Me soit favorable, Pour brief retourner.
Lors parle au Secrétaire.
Mon amy, je vous veul parler D'ung cas qni est en ma pensée, Sachiez que je m'en veul aler Tant que la guerre soit passée.
