C.'csi le docteur qui nous informe
Premièrement, élection Se fait via compromise.
Secundo, per scrnïnùum,
Ac via Spirilus Sancti.
Qui l'une de ces voyes cy
Veult tenir & qui point n'excède,
Ne doit avoir aucun socy
Qui sainctement il ne procède.
Pour scrutiner, se dit le droi', Sera talons eliganlur; Par les scrutateurs, or en droit, Vota caute requiranlur, Collalio habealur, Ac publicelur apperle.
Tune clcclio formatur Semper a majori parle.
Par la voye de compromis, On eslict canoniquement, Quant les compromissaires mis Ont de tous le consentement.
Et qui ne veult pareillement User de compromission Il peult prendre facilement Voye de posfulacion.
L'aultre voye d'élection
Pour avoir prélat et pasteur
Se fait par révélacion,
Venant du benoist créateur,
Ou quant, sans aucune faveur,
Sans crainte ou sans mauvais couraee.
Iimis les Chanoisnes, de bon cueur, S'accordent en uni; personnage.
Si ne scay par laquelle voye Nous pourrions mieulx estre sorti, Mais la plus saincte que j'y voye, C'est vin Spiritus Sancti.
Qu'en dictes vous?
Le Trésorier.
Il est âinsy, Monseigneur, vous touchez le poinct, Mais quant à ceste voye cy On n'en use, mais convient point.
Pourtant, Messeigneurs, il me semble Que si bien pourvoir y voulons, Il sera bon que tous ensemble Quelque preud'homme postulons.
Dijonnoiz.
Non ferons, mais nous eslirons Ainsy que le droit a escript.
TONNOiRROIZ.
Non ferons, mais nous poursuyvrons La voye du Sainct Esperit.
Le Fol.
Ho! ce fut du temps prétérit Que le Sainct Esperit voloit, C'estoit du temps que ne régnoit Ne Symonnye, ne Cauthelles.
Mais maintenant quoy qu'il en soit On lui a bien roigné les esles.
Estes vous là, noz damoiselles, Et vous, Gorgyas de Paris?
Vous avez porpoins & cotelles De taulpe & de peau de soris.
Barroïs.
Mes bons seigneurs & mes amys, Alfin d'esfre tost despesché, J'oppine que par compromis Nous porvoyons à l'Évesché.
L'Auxois.
Vous avez assez bien touché.
Barroys.
C'est le meilleur appoinctement Sans que nul en soit empesché Fors deux ou trois tant seulement.
Bassigny.
Il me semble tout aultrement.
L'Auxoys .
Et comment?
Bassigny.
Que debvons eslire.
Le Chantre.
Vous en parlez notablement.
Bassigny.
Je vous en dis ce qu'on doit dire.
Le Chantre.
Quant est de moy je ne désire,
Puis qu'avons ung bon secrétaire,
Synon faire ma voix escripre
Quant sera jour cappitulaire.
Le premier Chanoisne.
Je suis d'oppinion contraire.
Le second Chanoisne.
Aille comme il pourra aler.
Nous debvons élection faire.
Barroiz.
Je suis d'oppinion contraire.
Le second Chanoisne.
D'eslire ne peult-on meffaire ?
Le premier Chanoisne.
ïl vauldroit mieulx de postuler.
Bassigny.
Je suis d'oppinion contraire.
Barroiz.
Aille comme il pourra aler.
Le Doyen.
Si me voulez ouyr parler, Je vous diray que nous ferons.
Dijonnoiz.
Pour Dieu, ne veullez rien celer.
Tonnoirroiz.
Dictes, nous vous escouterons.
Le Doyen.
Qui m'en croira, nous manderons De Lyon le noble Arcevesque Et de bon cueur luy requérons Qu'il nous ayde à faire ung Evesque; Il est léal, seur & certain, Gamy de toute humilité Et vostre métropolitain.
De Lengres la bonne cité Quant ourra la nécessité Pourquoy on l'envoyé quérir, Je croy que sans difficulté Tantost nous viendra secourir.
Barroiz.
Si vous le faictes cy venir, Comme subjectz vous voulez rendre.
Le Doyen.
iN'en fais déa, je veulz maintenir Noz privilèges & estandre.
Mais je ne le diz que pour prandre De luy aucune oppinion Et pour tousiours vouloir contendre D'honorer nostre élection.
Le Trésorier.
C'est bonne ymaginacion.
TONNOIRROIZ.
Puiz qu'ainsin est je m'y consens.
Barroiz.
Qui envoyez-vous à Lyon?
DlJONNOIZ.
Il y fault deux hommes de sens.
Le Doyen.
Je vous nomme, quant aux présens, L'archidiacre de l'Auxoiz.
Bassigny.
Pareillement, je condescens A Monseigneur du Dijonnoiz.
Le Chantre.
Il convient aussi deux bourgeoys Pour notre ambassade fournir.
Ils sont illecques plus de trois. Notaire, faictes-les venir.
Le Secrétaire.
Incontinant les vais quérir.
Le premier Chanoisne.
Or alez, on vous attendra.
Lors va quérir les bourgeoys et leur dit :
Le Secrétaire.
Ça, Messeigneurs, venez ouyr Ce que Ghappitre vous dira.
Le premier Bourgeoys.
>i ni de nous n'y contredira, Volontiers nous y trouverons.
Le second Bourgeoys , Ghascun fera ce qu'il pourra Sitost qu'entendu les aurons.
hy le Doyen parle aux Bourgeoys.
Le Doyen.
Seigneurs bourgeoys, nous envoyons A Lyon, cité d'excelence, Àffin que l'Arcevesque ayons Pour conseil & pour assistence; Et pour ce qu'avons confidence En vous qui estes diligens, Par amour & Iténëvolance, Nous demandons deux de voz gens.
Le premier Bourgeoys.
Nosseigneurs, nous sommes contans De vous compaigner en cecy.
Le second Bourgeoys.
Quant est de moy, je ne prétends Que d'y aler.
Le premier Bourgeoys.
Et moy aussi. Puisque la chose vient ainsin, Vous deux irez qui m'en croira.
Le premier Bourgeoys.
11 n'en fault plus avoir souccy, Ce qui est conclud se tiendra.
Si y parle au varlel.
Or ça, Pierre, il te conviendra Sceller des chevaulx deux ou trois.
Pierre, varie! des Bourgeoys.
Pour quoy?
Le premier Bourgeoys.
Pour ce qu'il nous fouldra Chevaucher les champs <k les bois.
Pierre, varlet.
Paisqu'ainsin est, je m'en y vois.
Je ne sçais où il veult Irotler.
Déa, il iauldra boire une foys, Avant que nous alons monter.
Pierre va amener trois chcvaulx celiez el brida, Dijonnuis parle au clerc.
DlJONNOIZ.
Symonet, il fault aprester
Trois chevaulx bien bonnestemenl.
Or, tost.
Symonet, clerc des Chanoisues.
Se fault— il tant haster?
Tire avant, tire vistement.
Symonet.
Si j'eusse beu premièrement
Ung bon talus de ces vins vieulx !
L'Auxoiz.
Que dis-tu?
Symonet.
Par mon sacrement,
Ils en l'eussent bridez trop mieulx,
Symonnet va quérir trois chevaulx.
Le Fol.
Quant la goûte me tient aux yeulz,
Au soir, bien lard, devant la messe-,
Je vois boire en plus de vingt lieux
Atliu que la douleur me cesse.
Car pour certain une cingesse
M'a faict de merveilleux eshatz.
Ce lut quant je feiz une vesse
Entre les dents de Barrabas,
Puis vint TarrabaSj Tarrabas,
Maistre estourdi de Coqueluche,
Qui vouloit tuer une puce,
Plus grosse que la truye quy lille.
Elle demeure en ceste ville
Cheu Jehan de Lengres; en paincture
N'avez vous pas veu sa seincture
Et ses souliers au lignolet?
Je veis hier devant sa figure
Son enfant qui est pourcelet.
Symonet, clerc.
Venez monter quant il vous plet, Tout est si bien qu'il n'y fault rien.
Pierre, varlet.
Messeigneurs, sçavez-vous qu'il est, Venez monter quant il vous plet.
Le second Bourgeoys.
Tu es ung gracieux varlet.
Pierre.
Il souffit, vous m'en baillez bien.
Symonet.
Venez monter quant il vous plet.
Pierre.
Tout est si bien qu'il n'y fault rien.
Dijonnoiz.
Symonet est ung clerc de bien.
11 vous serl île bon appétit.
Symonet.
C'esl pour inieulx valoir.
L'Auxoiz.
Vion çà, vieil , Tien moy ces! estryer uni; petit.
Icy sont tous à cheval, tant de l'église que de la ville, il pourra de chascun couslé avoir encoir ang varlel sans parler. Le premier Bourgeoys.
Or sus, chevaulehons.
Dijonnoiz.
C'est bien dit.
L'Auxoiz.
Alcz (levant, gentils bourgeoys..
Le second Bourgeoys.
Je n'y metz point de contredit.
Pierre, varlet.
Nota de la boieille.
J'ai la boteille toutefois.
Siloicc et pansa. — Lors chevaulcheront uni) petit pas a pas et se tireront à part tandis que les dyables parleront. Lucifer.
Dyables dampnés, saillez de vos destroiz, Ou deux ou trois, ou toute la caterve. Depuis que Dieu fut posé en la croix.
Vous estes froiz, vous perdez nos surcrois Et nos beaux droiz. 0 nation sorlerve, Il n'est qui serve, il n'est plus qui observe Ou qui conçoive infernale franchise, Tout esl perdu par paillarde faintise.
0 l'aulce chiennaille, Dyables plains de honte,
•l'appelle, je raille,
Sy n'en tenez compte
Je veul que tout monte Hors de la fournaise, Aflin que je compte
Mon cruel mésaise.
Serez-vous tousiours endormis, Ordes, figures dyabolicquës?
Venez avant, faulx ennemis, Ouyr mes cris mélancolicques.
Fièvres (k passions, colicques, Me serrent trop terriblement, Quant je voy ces bons catbolicques Qui vont à point de saulvement.
Lors saillent tous les dyables hors d'enfer el se nieclenl en ordonnance devant Lucifer.
Satham.
Je croy que de forcènement, Avez le front tout estonné, Quant si très diaboliquement Vostre gorge a brayt & tonné.
Véez me cy tout abandonné De faire ce qu'il appartient.
Prince d'enfer désordonné, Dyctes nous quel dyable vous tient?
Cerbérus.
Je ne sçay si tout est perdu, Mais vous faictes très laide chière.
Pourquoy estes vous esperdu?
Que j'en saiche ung peu la mainîère.
Ne craindez qu'âme de sorcière, Si le granl dyable ne l'emporte, Pnist issir de notre chauldière, Car je sarre trop bien la porte.
AsTAUOTH.
Et je viens de tourner en rost
Charmeurs, anchanteurs & gevaiebes, Moy qui suis nommé Astaroth, Les étrangles à grosses estaiches.
Leurs âmes doutantes & laiches Sont de moy si très bien tourchiées Qu'onques brebis, chièvres ou vaiches Ne furent ainsin escorchiés.
Léviatham .
Ne suis-je pas Léviatham, Vostre disciple sollennel ?
Si croy qu'après maistre Sàtham N'en y a point de plus cruel.
Je viens de remply un tonnel De souffre &. de plomb merveilleux Pour mectre en tonnent éternel Les gouffres avaricieux.
Belphégor.
Je suis le plus félon inique
Qui soit en toute la couvée,
Il n'est trahison tyrannique
Qu'en ma teste ne soit trouvée,
Ma forte force est esprouvée
Dès long temps en mainte besoingne,
Si ne doit estre réprouvée
Par devant vostre fière troingne.
Bélial.
Que dictes-vous de Bélial? Doit-il point estre mis en place?
Je croy qu'il n'est plus deslé;il Entre le ciel & terre basse,
Je fais tousiours tenir la date Des mauldicts péchés anormaux, Je voys, je viens, je cours, je trace. Je fais plus de cent mille maulx.
Lucifer.
Or, payx, dyables traites et laulx, C'est trop longuement quaqueter.
Nos martirs & tormens ehaulx Fauldront par vostre lâcheté, Car je voys la chrétiennelé Croistre & augmenter pas à pas, Et mesmement en la cité De Lengres que je n'ayme pas.
// parle à Satham.
Satham, tu entends bien le cas, Y sauroyes-tu riens empescher?
Satham.
Je me congnois en tous estaz, Vous perdez temps de moy prescher
Lucifer.
Les Lengrois ne font que sercher Pour mectre Évesque en leur église,
Satham.
Il les fault faire tresbucher Au plus loing de leur entreprinse.
Lucifer.
Pensez-y, je vous en advise, Et pour gaingner le fait total, Alez tempter par mainte guise Galle, pays occidental.
Cerbérus. Nous irons à mont oc à val Tout tempester oc tout gaster.
AlSTAROTH.
Pour faire perpétrer maint mal.
Nous irons à mont & à val.
Léviatham.
Je feray pis que réalgal.
Belphégor.
Je seray maistre de tempter.
Bélial.
Nous alons à mont & à val Tout tempester & tout gaster.
Satham.
Lucifer, il vous faut chanter Deux mots de malédiction.
Lucifer.
Que la sanglante passion, Vent de bise, fouldre ex tempeste, Eslude à coruscacion, Vous puissent assommer la teste !
Satham.
Or, alons que dyable n'aist leste Chascun preigne pays dyvers.
Bélial.
Il n'y aura sainct ne prophète Que ne sente mes cops couverts.
Léviatham.
Je veuljecter tout à revers.
Belphégor.
Je veul tempter de fiction.
Cerrérus. Et moy à tort à à travers.
Astaroth.
El iimiv de fornicacion.
Lms s'en vont les dyables espars çà ci là chascun en divers lieux.
El les ambassadeurs approuchenl Lyon ci dient
DlJONNOIZ.
Je voy la cité de Lyon,
La rivière & tout le pourpris.
L'Auxoiz.
Je voy la situaeion, Où beaucoup de biens sont comprins.
Le premier Borgeoys.
Vées là l'Arcevesque de pris Assis en trône épiscopal.
Le second Borgeoys.
Où sont nos varlets mal aprins?
Le premier Borgeoys.
Voicy Pierre, le principal.
Le second Borgeoys.
Vien avant, vien,fpran mon cheval.
DlJONNOIZ.
Symonet, pense de nos bestes.
Ils descendent.
Symonet.
Pensez qu'ils n'auront point de mal.
Pierre.
Non, non.
Quels fins varlets vous estes !
Lors s'en vont vers l'Arcevesque.
Pierre.
Ils auront establesJionnestes Avant que meshuy je sommeille.
Symonet.
Or, laisse aler ces grosses têtes Et buvons, je te le conseille.
PlERRE.
Je le veul bien.
Symonet.
Ça, la boteille?
Pierre.
Tien la.
Symonet.
Or, va de par Dieu, va.
// pran la boteille et boit.
Pierre.
Comment tu luy tire l'oreille !
Symonet.
Tien, boy.
// lui/ reliai lie.
Pierre.
Cy, bois.
Symonet.
Holà! holà! // parle de bien loingl.
Ha! sambieu! que ne suis-je là!
Le gibet me tient à ce boult,
Ces folastres là buvront tout.
Que sanglant preu leur peust-il l'aire
Que j'eusse au moins pour mon salaire
liig petit glouppyon de vin?
Déa, je combatray le devin,
Mais il fault que vous le tenez.
Ho! bonet rouge, là le nez,
Ce dit autan le basteleur*,
Et comment vous vous gouvernez.
Ho! bonet rouge, là le nez,
Ghappeau vert, venez près, venez.
Et si amenez blainche flcn i «.
Ho! bonet rouge, là le nez, Ce dit autan le basteleur, Affiii de reprandre couleur.
Je m'en vois à ce hault pignon, Quoy faire? boire du meilleur, Mais que je trouve ung compaignon!
Lors s'inclinent les ambassadeurs devant l'Arcevesque et le saluent.
Dijonnoiz.
Celluy qui souffrit passion Pour humaine fragilité, Vous doint à perpétuité Jouyr de consolacion.
L'Arcevesque de Lyon.
En céleste habitation Vous mecte par sa déité Celluy qui souffrit passion Pour humaine fragilité.
L'Auxoiz.
Après toute occupacion De caduque mondanité, Dieu vous doint de félicité Large parti cipacion.
Le premier Borgeoys.
Celluy qui souffrit passion Pour humaine fragilité, Vous doint à perpétuité Jouyr de consolacion.
L'Arcevesque.
Laissons ceste inclinacion, Laissons ceste humble révérence, Car, certes, ma vocacion N'est pas de telle préférence.
DlJONNOIZ.
Vostre saige magnificence
Est bien digne de mienlx avoir.
L'Auxoiz.
L'honneur delm à vostre excellence Passe mon petit sçavoir.
L'Arcevesque.
Faictes moy entendre le voir Du cas de vostre intention, Et pourquoy vous me venez voir En si lointaine région.
DlJONNOIZ.
Monseigneur, soubz correction, Par moy vous sera récité.
Nous venons en légation Pour Lengres, la bonne cité.
L'Arcevesque.
Après?
DlJONNOIZ.
La mort lui a osté Son prélat & consolateur, Et est le lieu desconforté, Comme sont brebis sans pasteur.
Mais pour porveoir, par bonne guise,
A ceste désolacion,
Ont tous messeigneurs de l'église
Assigné jour d'élection.
Si vous font supplication
Que par vostre bénévolence,
Yeullez la congrégation
Honorer de vostre présence.
L'Auxoiz.
Il y a jour déterminé Pour eslire Evesque notable,
Dieu doint que tout le démené Soit à noz âmes proffitable! Mais l'élection honnorable Seroit trop plus plaisante à Dieu Si voslre personne amyable Daignoit venir jusqu'au dit lieu.
Vous conseillerez L'ecclésiasticque, Vous adresserez La chose publicque, L'homme maniticque Vient à chef de tout, En chose auctenticque Ron conseil vault moult.
Dijonnoiz .
Honnoré seigneur, Digne ùl vertueulx, Vous ferez honneur Au lieu plantureux.
Ung sens gracieulx Nous est bien décent, Car en cas doubteux Ung homme en vault cent .
L'Arcevesque.
Quant à ceste affaire, Moy, je n'y puis rien.
L'Auxoiz.
Sans vous peult-on faire, Mais nompas si bien.
L'Argevësque.
Tout ce qui est myen Ne veul escondire.
DlJONNOIZ.
(Test vostre grant bien Qui le vous fait dire.
L'Arcevesque.
J'iray, quant vous vouldrez eslire, Voyr l'élection célébrer, Et si ne veul pas escondire De vostre Évesque consacrer.
Je suis content d'y labourer Avant quatre jours & demy, Et s'en rien vous puis honnorer, Vous me trouverez bon amy.
Quand Lengres est de ma province L'une des plus nobles citez, Il seroit bon que je survinsse A toutes ses nécessitez.
Item, je scay les volontez Des gens d'église & des bourgeoys, Pourtant, Messeigneurs, ne doublez Je vous serviray ceste foys.
Lengres est lustre lumineux, Louange, lyesse louable, Lieu limitté, laborieux, Longue latitude légale, Roche resplandissant, réale, Reigle, repoz, riche ressort, Redondant richesse régale, Ray rendant rayant reconfort.
Je scay bien que c'est ung lieu fort, Triumphant entre les humains, Ayant jadiz paix & accord Au noltle sénat des Romains.
Quant César fit les failz haultnins Parmy les régions gallicques, ïousiours furent bons <k certiiins Les chevalereux Lingonicques.
Puis doncq qu'ung lieu si sumptucnh Me semont, requiert & incite D'ung vouloir franc &. curieulx, C'est raison que je le visite ; Car qui personne desconfite Peult remectre en convalescence.
Je croy qu'il acquiert grant mérite Vers la divine Providence.
Mes amys, ayez confidence En Dieu qui toute chose ordonne, Et quant à moy je m'abandonne D'aller partout où vous irez.
Dijonnoiz.
l'ai et es le bref.
L'Arcevf.sque.
Quant vous vouldrez.
Le premier Borgeoys.
Très révérend père & seigneur, Puisque vous faictes cest honneur De promectre que vous viendrez, Faictes le bref.
L'Arcevesque.
Quand vous vouldrez.
Le second Borgeoys.
Le terme <(ui est assigné Dedans huit jours sera fine, Pourtanl ce que vous en ferez, Faictes le bref.
L'Arcevesque.
Quant vous vouldrez.
DlJONNOIZ.
ipprestez vous.
L'Arcevesque.
N'aiez soucy.
L'Auxoiz.
Où sont voz genz?
L'Arcevesque.
Hz sont tous « \ Le second Borgeoys.
Appelez les.
L'Arcevesque.
Tirez vous près.
Le premier Borgeoys Faictes le bref.
L'Arcevesque.
Quant vous voudrez.
Icy appelle ses gens.
Maistre Jehan, venez çà, venez, Faictes appoincter ma monture, Puis une mulle m'amenez, Ou quelque hobin de nature.
Maistre Jehan, chappelain de l'Arcevesque de Lvoic. Monseigneur, j'y voys bonne alleure, Tuntost seront appareillez.
Viens pà, viens, Robin, turelure, Tes chevaulx sont-ilz estrillez?
Robin, serviteur de l'Arcevesque.
Mes chevaulx sont très bien lyez Et ont plus de foin que d'avesne.
Maistre Jehan.
Il fault (jirilz soient desliez, Monseigneur veull qu'on les luv amesne Celiez, bridez.
Robin. Voycy grant peine.
Me fault-il aller en voyage?
Si j'eusse au moins la pance plaine Je feisse mieulx mon personnage.
Maistre Jehan.
As-tu faiz, Robin?
Robin.
Voycy rage.
Ces gens me feront forcener.
Maistre Jehan.
Amainne tost.
Robin.
Suis-je son page!
Je croy qu'il me veult gouverner.
Lors mainne les chevaulx et d'ici Robin : Tenez.
Maistre Jehan.
Te pourras-tu haster?
Robin.
Haster, sambredieu, je me tue.
Maistre Jehan.
Monseigneur, vous plaist-il monter?
Voicy la monture venue.
Le premier Bourgeoys.
Tire ces chevaulx en la rue, Ho! maistre Pierre Perrenet.
DlJONNOlZ.
Où est mon homme?
PlERRE.
Il sue, il sue.
L'Auxorz. Tire avant, tire, Symonet.
Symonet.
N'aurons-nous jamais point d'arrest?
Pierre.
Pourrons-nous point avoir repoz?
Le second Buurgeoys.
Çà, mon cheval!
Pierre.
Il est tout prest.
Symonet dit à Dijonnoiz.
Montez.
Dijonnoiz.
Voicy de bons suppoz.
Le premier Bjodrgeoys.
Voicy de bons vuydeurs de poz.
L'Ai xoiz.
Comme ilz servent, on les pairra.
Pierre.
Toutesfoys à nostre propoz La vache Berthier s'en viendra.
Ilz montent.
L'Arcevesqde.
Qui est-ce qui nous conduyia?
Dijonnoiz.
Nous sçavons le chemyn trustons
Le PREMIEfl Bourgeois I iraj le premier mii vouldra.
L'Arcevesque.
Or allez, je me fie en vous. Lors s'en revont pas à pas el pais le Doyen d'ici : Dieu, qui en croix morut pour nous, Veulle adresser nostre ambassade Et garder dessus & dessoubz D'avoir chose qui ne soit fade.
Le Trésorier.
S'il y a personne malade, Jliésu Crist le veulle saulver, Et que tout sain sans estre fade Puisse ung chascun d'eulx retourner.
Tonxoirroiz.
Affin c[ue puissions démener A bon chief nostre élection, Dieu dohit qu'ilz puissent ramener Le noble seigneur de Lyon.
Barroiz.
Quant à moy mon oppinion Se est que tout présentement Nous mectons en dévoeion.
Priant pour eulx dévotement.
Bassigny.
Nompas pour ce!a seulement Convient grâce à Dieu demander, Mais aussy pour plus sainctement A l'élection procéder.
Le Chantre.
Nous devons prier et orer La glorieuse Trinité, Affin (pie puissions labourer A pourvoir la noble Cité.
Il PREMIER GhANOISNI
Dieu exaulce par sa bonté Les dévoz humbles oc dobtis, Car il nous a dit : Petite l-.i tandem acçipietis.
Le second Chanoisne.
Le Psalmiste, par -es escriptz, Nous a de beaulx consors donnez, Quant il dict que les cueurs contritz No sont point de Dieu contempnez.
Le Secrétaire.
Si vérité vous maintenez El raison conduit voslre affaire, Vous debvez estre acertenez Qu'en rien vous ne povez meffaire
Le Doyen.
Mais qu'il ne vous vucille desplaire, Moy qui liens le lieu cappital, ! ne oroison veul à Dieu faire Au nom du Chappitre total.
Icij se mcct à genoulx et tout le Chappitre pareillement et }oindent leurs mains, puis die) le Doyen :
Le Doyen.
<> rédempteur de tout le genre humain, Qui terre <-v ciel gouverne sonbz ta main, Par providence & régime ineffable, Et qui jadis au prophète haultain Vos inspirer maint proverbe certain Pour nous donner espoir doulz c\ affable. Tourne vers nous la face piléable, Regarde nous de ion cueur amyable, A relie lin que sans difficulté Puissions avoir ung Évesque notable.
Plaisant à toy, ;m monde prouffitable, Plain de vertus, de sens lv de bonté
0 Vierge qui avez pourté Celuy qui tout peult ravoyer, Suppliez à la Trinité Que grâce nous vueille envoyer.
Le Secrétaire. Amen! Dieu le vueille ouctroyer!
La Vierge Marie.
Pitié, la vertu très bénisgne Qui pénètre cueurs amoureulx, Me rends secourable à. encline De pryer pour les langoureulx.
Si viens à toy, Roy glorieulx, Faire ma déprécacion, Afïïn que les cueurs douloureulx Reçoivent consolacion.
0 divine essence, Haulte intelligence, Digne sapience, Des bons la desserte, La large influence De ta providence, Car bénévolance, Soit icy ouverte.
Lengres, la cité désolée, Te requiert, en humilité, Qu'elle puist estre consolée Par ta doulce bénignité.
Pourvoye à la nécessité, A son prouffîct, à toi) honneur, Et luy baille homme d'équité Pour Évesque & pour gouverneur.
Ma doulceur à mansuétude, Mil compassion & concorde, Resveillent ma consuétude Pour leur faire miséricorde Gomme vostre oroison recorde.
Ils sont doulx, craintis 6c paoureulx, Pourtant, Mère, je vous accorde Ce «nie demandez [tour eulx.
J'accepte leur bonne oroison Et la vostre pareillement.
Si me semble que c'est raison Que je leur donne allégement. Je les pourvoi/ présentement D'ung Évesque sans point damer.
Didier aura nom proprement, Natif de Gennes sur la mer.
J'esliz souvent les plus petiz l'our vaincre la force mondaine, Je déprime les plus soubtilz, Les innocens vers moy j'ammainne, La très ponpeuse Magdelainne J'abaissay en plaintes & pleurs, Les pescheurs de pouvre dommainne Feiz apostres & grans seigneurs.
Didier est simple laboureur, Net de cueur à de conscience, Pourtant je veuil qu'il ait l'honneur De Lengres, cité d'excellence, El combien qu'il n'ai! pas science.
Ne littérale instruction.
Je luv donray sens & prudence Par divine inspiracion.
Gabriel, force archangélicque,
Mon vouloir exécuterez.
Quant du clergé scientilicque La congrégation verrez.
Premièrement escouterez Leur demande oc pétition, Et puis Didier leur nommerez l'ai saincte révélation.
Gabriel.
0 haulte domination, Incircumscripte Déité, J'appliqueray l'intention A faire vostre volenté.
Voylà doulcement quaqueté.
Dieu comme il y fait précieulx!
Qui sont ces petiz roupieux Qui ont elles comme coulons'.' Sont-ce point ces blancs papillons Quy chemynent sur des eschasses ?
Ils sont revestus de besasses De tel couleur qu'on fait les brayes Je vous dys paroles plus vrayes Que n'est le livre des quelongnes ; Croyez qu'il y a des besongnes Et des mots mistigorieux, Si très fort mistigorieux, Qu'on n'y entend la belle notte.
l'ourlant si je porte marotte, Je ne suis pas sot assoit é.
Toutesfoys qui a tangue cotte Il ru est plus souvaut crotté,
I, ij les ambassadeurs approchent Lengres ci In voijeni,
