HONORIUS
Nommez moi quelque homme autencticque Pour y aller.
Le Tribun.
Marianus.
Pour gendarmes gros à menuz Régir comme triumphateur, N'avez outre voz chiers tenuz Que Marien le cénaleur.
Le Consul.
Il est très hardi combateur,
Abateur,
Débateur,
Rebouteur De toute inimitié romainne.
Le Tribun.
11 est vaillant exécuteur,
Conducteur,
Déducteur,
Vray tuteur De vostre impérial domaine.
Honorius.
Je commande qu'on le m'ammaine, Puisqu'il est tel.
Le Consul.
N'en doublez rien.
Le Tribun.
Suz, messagier, cours d'une alainne Quérir le puissant Marien.
Diligent, messagier romain.
Puisqu'il plait au haull terrien, Je m'en voys l'aire le message.
Le Consul.
Dis luy . . .
Diligent, messagier romain.
Ho! je vous entends bien.
Pensez que je suiz homme sage.
C'est ung eénateur de bon aage, Homme pardieu de grant value.
Je voy désià son personnage, Si convient cpie je le salue.
Dieu tout puissant qui fit la nue Vous doint ce que le cueur désire!
Marianus, eénateur.
Couvrez, couvrez la teste nue, Puis direz ce que vouldrez dire.
Diligent, messagier romain.
Honorais qui tient l'empire, Vous mande espécialement, Tout de bouche sans riens escripre, Que venez à luy prestement.
Marianus.
Louange au Roy du firmament, Louange au haultain Plasmateur, Quand l'Empereur présentement Me daigne faire ceste honneur!
Où sont mes soudars?
Le premiek Soudart.
Monseigneur.
Marianus.
Escoutez que je vous diray.
Le second Soudart.
Se vous avez riens sur le cueur, Dictes, je vous escouteray.
Le premier Souldart.
Et moy je vous obéyray Comme a son seigneur on doit faire.
Marianus Très bien; or, je vous conteray Ung bien petit de mon affaire.
L'Empereur, doulx <k débonnaire, Me mande, je ne sçay pourquoy ; Si est licite <k nécessaire Que vous venez avecque moy.
Y viendrez vous?
Le premier Souldart. Faire le doy.
Commandez, je seray tout prest.
Marianus.
Et vous ?
Le Second Souldart.
Je vous jure ma foy Que j'iray aussy s'il vous plaist.
Marianus.
Je ne veul sergent ne varlet.
Le premier Souldart.
Il souffit.
Marianus.
Grant compaignie me desplait.
Le second Souldart.
Aussy en vient-il peu proffit.
Lors s'en vont vers l'Empereur.
Le Fol.
Sçavez-vous que Jehan d'Humés fit En revenant de Montlandon, Il trouva du sucre confit Qu'on appelle dyamerdon.
Hélas! Dieu pardoint à Bordon!
Il buvoit bien devant mangier.
Je dis Bordon, le messagier, Déa affin que vous l'entendez.
Actendez, ma mye, actendez, Ne courez plus, il est estainct.
Galant, vous avez tout atainct, Car je vous ay vu au plus bas Bouler la main jusques au cabas, Par le pertuys du coutillon.
Je m'en vois jouster sur ung bas Contre Godefroy de Billon.
Marianus salue l'Empereur.
Honneur & exaltacion Vous acroisse Dieu tout parfait!
Honorius.
Mais vous ouctroyt pour porcion, Honneur & exaltacion!
Marianus.
A vostre dominacion Me viens présenter.
Honorius.
C'est bien fait.
Le premier Souldart.
Honneur . . .
Le second Souldart.
Et exaltacion Vous acroisse Dieu tout parfait !
Honorius.
Vous estes homme de grand fait, 0 Marien, nostre espérance, Ce noble empire est tout refait Par vostre bon sens & vaillance,
Mais pource qu'en toute asscuranco Voulons Galles tousiours garder, Nous vous baillerons grant puissance Pour illec aller présider.
En Arles pourrez résider Tour disposer de voz affaires, Puis niectre gens pour regarder S'il survient aucuns adversaires.
Nous vous baillons légionnaires, Enffans de pied, centurions, Tireurs de canons de Yeuglaires Qui vaillent hardis champions.
Je sçay bien que long temps y a Que les barbares nacions Partirent hors de Sitbia Pour venir en noz régions.
Goths, Hunes & Wandres félons Tirent désià vers Occident, Pourtant décernons & voulons Que soiez illec Président.
Marianus.
Je vous remnrrye humblement De l'honneur que me présentez.
Honorius.
L'acceptez-vous ?
Marianus.
Certainement.
Je vous remareye humblement.
Honorius.
Si vous faictes honnestement Vous aurez de grant dignitez.
— lc23 —
Marianus.
Je vous remarcye humblement De l'honneur que me présentez.
Honorius.
Ungr légionnaire prenez Avec centurion notable, Puis des enffans de pied menez Pour soutenir guerre importable.
Le Légionnaire.
Impérateur inestimable, J'iray avec lui volontier, Et s'il y a peuple indomable, Nouz le mectrons en bon sentier.
Le Centurion. S'il y a riens à besongner, Je seray prompt & diligent, Et sy ayme mieulx à gaignier Honneur que mil marcs d'argent.
Marianus.
Sommes nous pretz ?
Le Légionnaire.
Totalement.
Marianus.
Nous fault-il rien?
Le Centurion.
N'escut ne lance.
Marianus.
Partirons-nous?
Le Légionnaire.
Légièrement.
Mariannus.
Avons nous gens?
Le Centurion.
A grant puissance.
Mariannus.
Or ça doncques que chascun s'avance De charger armes & bagaiges.
Le Centurion.
Je seray premier en la dance, Voyre sans guières de languaige.
Le Légionnaire.
Par le corps de my je gaige Que j'y gaigneray du butin.
Le premier Souldart. A déa s'il y a du pillaige Nous y ferons quelque butin.
Le second Souldart.
Se je treuve payen matin, Je suis homme pour le mater.
Le premier Souldart.
S'ilz ne se lièrent bien ma' in Crois qu'on les yra visiter.
Maria nnus.
Mes amys, il nous fault aller En Galle, forte à armative, Nous ne pouvons plus reculer, Car la besongne est fort hastive.
Lors prenl concjc de VEmpereur.
Adieu, puissance impératrice!
Je prans congé de voslre court.
Le Légionnaire.
Puisque c'est la déffinitrice, Adieu, puissance impératrice!
Le Centurion.
Adieu, Homme suppellalricc Dont toute noblesse décourt!
Le premier Solldart.
Adieu, puissance impératrice !
Marianus.
Je prans congé de votre court.
Hûnorius.
Maiien, pour vous dire court, Se besongnez à mon optât Et Dieu me préserve & secourt, Je vous mectray en hault estât.
Or, vous en allez à l'esbat, Mes beaulx enffans & mes amys, Et ne pensez à nul débat, Synon aux mortels ennemys.
Lors s'en vont.
Le Fol.
Je viens de combatre aux formis Auprèz de la roche Sainct Gille, Mais ilz m'ont presque à terre mis.
Pour aussy vray que l'évangille, Ung hom qui n'a ne croix, ne pille, Ne bled, ne vin, ne vestement, Il dort beaucoup plus seurement Que s'il avoit cent mil mars.
Il court maintenant largement De ces grans plumes de coquars, Mais s'on ne les vend que deux quars.
En despit de maistre enfumé, Avant qu'il soit le mois de mars Je veul estre tout remplumé.
Ne sera-ce pas bien frimé D'avoir la teste & les habits Plus veluz qu'ung coq desplumé?
Ce sera bien fait en gros bis.
Marden.
Loué soit Dieu de paradiz!
.Nous voyous Arles la cité.
Le Légionnaire.
Vees cy uiig pays qui jailiz Estoit de grant auctorité.
Mariants.
L'impériale Majesté M'y commect par sa courtoisie, Pourtant l'ault, eu grant gravité, Saluer cesle bourgeoisie.
Lors descend.
Le premier Bourgeoys d'Arles.
Je voy moût belle compaignie, Bien empoint & bien décorée.
Le second Bourgeoys d'Arles.
C'est une bataille garnye Oui descend en ceste contrée.
Le premier Bourgeoys d'Arles.
J'ay paour que nous n'ayons meslée.
Le second Bourgeoys d'Arles.
Us viennent vers nous droitte voye.
Le premier Bourgeoys d'Arles.
Nous actendrons cy l'assemblée.
Le second Bourgeoys d'Arles.
C'est tout le plus seur que j'y voye.
Mariai salue aulx d'Arles.
Marien.
Seigneurs Bourgeoys, Dieu vous doinl joye!
Le second Bourgeoys d'Arles.
Monseigneur, Dieu vous doint santé !
Le Légionnaire.
D'argent puissiez avoir montjoye!
Le Centurion.
Seigneurs Bourgeoys, Dieu vous doint joye!
Le second Bourgeoys d'Arles.
Qui esse qui cy vous envoyé?
Marianus.
L'Empereur.
Le Légionnaire. Il dit vérité.
Marianus.
Seigneurs Bourgeoys, Dieu vous doint joye !
Le second Bourgeoys d'Arles.
Monseigneur, Dieu vous doint santé !
Marianus.
Celluy qui tient la dignité D'Orient jusque en Occidant, Honorius, plain de bonté, M'a commis icy Président, Et veul qu'en Arles nommément Je préside en trosne d'honneur, Pour Galles tenir seurement Encontre mortelle fureur.
Le premier Bourgeoys d'Arles.
Puisqu'il plaist au hault Empereur, Il appartient bien qu'il se face.
Le second Bourgeoys d'Arles.
Nous en avons grant joye au cueur, Puisqu'il plaist au grant Empereur.
Le premier Bourgeoys d'Arles.
Le pays en sera plus seur.
Marianus.
Ne craindez qu'aucun vous rnéflace.
Le second Bourgeoys d'Arles.
Puisqu'il plaisl au hault Empereur, Il appartient bien qu'il se face.
Le premier Bourgeoys d'Arles.
Seez vous.
Marianus.
Où?
Le second Bourgeoys d'Arles.
Veescy vostre place.
Marianus.
Je le veul. Ça, venez aprèz.
Mais quoy il fault lieu <k espace Pour mes gendarmes cy auprèz.
Galans, je veul que vous allez Sercher lieu pour vous haberger.
Le premier Bourgeoys d'Arles.
Monseigneur, ne vous en meslez, Nous penserons de les losger.
Lucifer.
Me lairez vous mon frain ronger, Me lairez vous long temps songier, 0 faulse & damnable vermine?
Satham.
Prince d'enfer très mansongier, Je croy que voulez enragier, Au moins en faictes vous la myne.
Lucifer.
Despit le cerveau me rumyne Et passe comme à l'eslamine Par désordonnée arrogance.
Cerbérus.
Avez vous perdu cognoissance, Ne sçavez vous pas bien cornent Nos dyables ont à toute instance Semé rage &. forcènement?
Astaroth.
Nous tantons très horriblement Partout, sans ordre & sans degré, Nous besongnons terriblement, Et si ne nous en sçavez gré.
Je voy par ville & par cité, Je sens, j'escoutte, je spécule, Mais il n'y a si liault monté Que je ne reforge & carculle.
Belphégor.
J'escriptz, je notte, j'articule, Je fay culer & baculer, Il n'est cul si fort reculé Qu'en culant je n'aille aculer.
Bélial.
Je faiz hocqueleurs hocqueler, Qui tienne hocquelz hocquelans, Et Collin Collette accoller, Plus drus que marteaulx martelans.
Lucifer.
Vous estes paillards & meschans, Vous ne vaillez pas deux tournoiz.
Avez vous été sur les champs Pour nuyre au peuple lingonoys?
Satham.
J'y ai esté plus de cent foys, Et les aultres pareillement.
Mais tout ne vault pas quatre noix, Car Dieu nous fait cmpeschement.
Lucifer.
Puisque n'avez aucunement Empesché le cas vers Didier, Je, Roy, pense tout aultreraent Pour luy nuyre pluslost qu'ayder.
Sa.th.vm.
Comment?
Affin que par preschier Ne face les peschez faillir, Il vous fault les Wandres serchier Pour aller Lengres assaillir.
Satham.
Holà ! laissez-moy convenir, Car par faulce temptacion Feray le roy Croscus venir Pour tout mectre à confusion.
Lucifer.
Satham, tu as commission De dire à Croscus les parolles, Mais fains une inspiracion Comme s'elle vint des ydolles, Les aultres par manières molles Ou par suasions petites, Esmenueront les testes folles Des satrappes <k satellites.
Satham.
Or ça, ça, ligures mauldites, Que chascun se mecte en arroy Pour les nations dessus dictes Bouter en guerre &. en desroy.
Cerbérus.
Qui esse qui tampte le Roy ?
Astaroth.
Ne te chaille ce n'es tu pas.
Léviatham.
Je feray raige quant à moy.
Belphégor.
Qui esse qui tempte le Roy?
Bélial.
Ce n'est pas ton cas.
Et pourquoy?
Bélial.
Tu ne scez lampter par compas.
Astaroth.
Qui esse qui tempte le Roy ?
Satham.
Ne te chaille ce n'es tu pas
Moy mesmes y voys pas à pas Comme le plus gracieux sire.
Allez vers ses gens hault & bas Souffler doulcement sans mol dire.
Astaroth.
Nous tiendrons bien Didier de rire Avant qu'il soit ung moys passé.
Belphégor.
Lengrois ne sçauront contredire Que leur hault mur ne soit quassé.
Léviatham.
Hz auront dure adversité.
Bélial.
Hz auront peine misérable.
LÉVIATHAM.
Aluns brasser l'iniquité.
Satiiam.
Or, niions de par le grand dyable !
Lors s'en vont faire semblant de templer les Wandres et Salham prand habit dissimulé pour parler au Roy.
Croscus, Roy des Wandres.
Au cueur vaillant rien n'est plus acceptable, Ne délectable en cest estre mondain, Que triumpher par guerre intolérable, Fière, importable, horrible, insupérable, Très profitable à couraige haultain.
Ce gendre humain, soit Gauloiz ou Romain, Fait de sa main divers cas superfluz, .Mais le plus fort en emporte le plus.
Quant chascun s'efforce De monstrer effort, Qui plus a de force Boute le plus fort, Quand fortune au fort Fait force très forte, Ne château ne fort, Rien ne le conforte.
Les Gothz jadis nous reboutèrent
De la sathicque région,
Et puis après nous rencontrèrent
Vers le fleuve Danubyum.
Maisj'ay désor intencion,
S'il plaist aux Dieux où je me fonde,
De monstrer fierté de lyon
A tout le demeurant du monde.
Le premier Satrappe.
En vous toute prouesse habonde, 0 roy Croscus de grant puissance, Si debvez sur la terre ronde Exercer armes à vaillance, Vous avez gens en ordonnance Assez pour le monde macter.
Puisque je suis en florissance, Je me feray craindre & dobter.
Le second Satrappe.
S'il est besoing de conquester Pays de grant magnificence, "Voz Vendres sont pour emporter Une victoire d'excellence, Et pourtant faictes diligence De mectre vos genz en arroy.
Croscus.
Très bien dit, mais faictes silence, Car j'y veul penser de par moy.
Salham parle à Croscus qui fait semblant de someillcr Satiiam.
Croscus, immuable Roy Régnant sur la gent wandalicque, Qui des haulx Dieux soustiens la foy Selon la secte paganicque, Je t'assigne guerre publicque, Pour ton gain & utilité, Contre Didier, bon catholicque, Et contre Lengres la cité.
Didier acroist chrétienté
Par prescher & par introduyre.
Il fait miracles a planté, il tend à tout le peuple instruyre, Si te fault les Wandres coriduyre Par Galles, le pays très fort, Pour Lengres ardoir à destruyre, Et Didier faire mectre à mort.
Jamais accord n'en soit escript S'il ne délaisse entièrement La loy, la foy de Jhésu Crist, Et son peuple pareillement.
Dispose toy totalement De leur livrer cruel assault, Et si tu n'as gens largement Le Roy des Alainz ne te fault,
Despesche toy, Il plaist aux Dieux.
0 noble Roy, Despesche toy, Acroy ta loy De bien en mieulx.
Despesche toy, 11 piaist aux Dieux.
Croscus.
Jupiter, Mars & Saturnus,
Pallas, Juno, Venus, Mercure,
Cybelez, Pluto, Neptunus,
Lien vous doy servir par grant cure,
Car vostre angélicque figure
M'a donné inspiracion
De ruer à desconfiture
La lingonicque nation.
De ce Didier qui tant desplait A la déificque excellance, Jamaiz n'en sera tenu plait, Les Dieux ont donné leur sentence.
Il mourra bref comme je pense, S'il ne laisse la loy chrétienne, Et s'il ne veut pour récompanse Accepter nostre loy payenne.
Mes Satrappes & Conseilliers, Dictes en vostre oppinion, N'ay je pas assez chevaliers Pour tout mectre en susgection ?
Le premier Satrappe.
Vous avez congrégation De satalites fiers & preux, Qui feront grant vexacion A ces Lingonoiz merveilleux.
Le second Satrappe.
.Nous sommes gens chevalereux Pour frapper d'estoc & de taille, Si soit prest d'aller contre eulx, Car trop nous tarde la bataille.
Croscus.
Leur loy ne vault pas une maille.
Le premier Satrappe.
Et pourtant la faut-il débattre.
Croscus.
De leur foy n'est chose qui vaille.
Le second Satrappe.
Pourtant les irons-nous combattre.
Croscus.
A cela je me veul esbattre.
Le premier Satrappe.
E( moy je ne quiers que l'assault.
Croscus.
.le feray la muraille abattre.
Le second Satrappe.
Hz sont nostres ou autant vault.
Croscus.
Le Roy des Alainz mander lault, Il est homme de grant noblesse, Je veul qu'il vienne faire ung sault Devant Lengres qui tant nous blesse, Là nous fault-il monstrer proesse, Combattre, assaillir main à main, Car, par Minerve la déesse, Le siège y sera mis demain.
Le Prologueur dict Vépylogue qui s'ensuyt pour prandre congé. Le Prologueur.
Or, est nostre matière en train, Car jouée est l'une partie, Mais il fault icy mectre frain A faire du lieu départye.
Demain sera peraccomplye Du sainct martyr la passion.
Venez y tous, je vous supplye, Pour prandre récréacion.
Lengres aura demain la guerre, Et Didier la mort recepvra, Le bourreau cherra mort à terre, Et Croscus desconfit sera.
Plusieurs merveilles on verra, Selon les cas, selon les lieux, Quiconques bien les notera, Toute sa vie en vauldra mieulx.
Dieu, par son glorieux martir., Nous doint faire bon finement!
Et vous, Seigneurs, au despartir, Prenez en gré joyeusement.
Se joué avons rudement, Ou dit quelque mot qui peu vaille, Supportez-nous bénignement ; Il n'est si rusé qui ne faille.
Le Fol.
Il convient que chascun s'en aille Qui ne veult icy demeurer; C'est le congé que je vous baille, Adieu, car je ne puis plorer. Et demain vous failli retorner Pour voir les beaulx esbatemens, Car aussy je vous veul donner De notables enseignemens.
Explicil prima pars hujas operis.
In sequenti vcro folio incipit sccunda pars, scilicel martirum bcali Desidcrii et bcllum Wandalorum eu m eorum deslructionc.
C'est à moy,
Prévost.
Incipit secimda pars lnijus operis.
Le Prologueur comance.
Saluste, romain orateur, Donne louange, honneur & gloire, A celluy qui est descripteur Des faictz d'aultruy ou réciteur Affin qu'en dure la mémoire.
Se César eut bruyt de victoire Par dessuz tous ceulx de l'empire, Aussi eut-il honneur d'escripre.
Je répute euvres autenticques Et occupacions notables, Mestre en escript les faitz anticques Ou gouvernemens politicques Qui sont à oyr délectables.
Les recours en sont proffitables Et font corps humain resioyr, On ne peult trop de biens ouyr.
Si avons rédigé en letre De sainct Didier la passion, Et par personnages fait mectre, Pour nous, à ceste heure, entremettre De vous en faire- ostencion, L'euvre est de grant dévotion.
Je vous en avertis alïïn Que vous oyez jusqu'à la fin.
Vous verrez Lengres assiéger, Et sainct Didier décapiter.
Après venez sa mort vanger Par Marien, fort oc légier, Qui fera Croscus molester.
Vous verrez au bon sainct porter Son chef après l'inscision, Par divine opéracion.
Vous y verrez mainte merveilles Et maint miracle d'excellance, Pourtant, Seigneurs, je vous conseille Que nous veullez prester l'oreille En paix, en doulceur, en silence.
Prenez aussi en patience S'il y a faulte en notre fait, Vous sçavez que nul n'est parfait.
Le Fol.
Bona vital Jeimyn Cornet, Dieux que tu as sotte visière !
Veulx tu point jouer au cornet Ou de la muse par darrière?
Je vien tout droit de la Perrière Pour manger des cailloz cornuz, Mais j'y ay trouvé deux corps nudz, L'ung fumelle <k l'aultre tout masle, Qui ferretoyent leur cul au masle Par dedans une chenevière.
On vend du bon vin de Rivière Duquel je voy boire une foys A l'image de la cyvière Qu'est ferrée de doux de boys.
Lors Saine t Didier descend de son siège el procède en avant et se mecl à genoulx.
Oralio. DlDIER-
0 Filz de Dieu! 6 Prince! Roy des Roys! Qui tout pourvoys corne gubernateur, Je te requier et prye à haulte voix, Toy qui tout voys, que mon peuple courtoiz Ne tumbe es reetz du pervers séducteur. Tu es ducteur oc gracieux tuteur De l'humble cueur qui de péché se garde, Pourtant contendz vivre 'en ta sauvegarde.
L'ennemy machine Pour nous decepvoir, 0 Vertu divine!
Veullez y pourvoir, Fay nous recepvoir Direction telle Que puissions avoir La gloire immortelle.
Et afin de tousiours donner Au peuple bonne instruction, Veul à ceste heure sermonner Une brefve collacion.
Faictes la préparation, Vallier.
Monseigneur Valier doit tousiours cslre auprès Didier. Valier.
Je m'en voy despeschier.
Valier mecl ung drap sur la chaire, puis Didier monte cl dit : Didier.
Y a il congrégation?
Valier.
Oui voyr, bien povez preschier.
Didier.
Qdiescite agere perverse,)
,-, \Tliema.
Discite bon a facere. )
Ysaye sicut descripla Primo libri capilulo Verba pro themale sumpta Cor mn presenti populo.
Mais affin que bon efficace Puist avoir ma collation, \ ers la trésorière de grâce Nous mectrons en dévotion, Disant la salutacion Quant, pour nostre rédemption, Luy vint dire : Ave Maria.
Lors se mect à genoulx et dit : Ave Maria.
Qviescite agere perverse, Discite bon a facere.
Hœc nostri ihematis verba Exarcntur ubi supra.
Ysaye, en son escripture, Mect le thème que je propose Pour adresser la créature Qui en aucun vice est enclose, Car affin qu'au bien se dispose, Luy conseille sur toute rien Que de mal faire se repose Et aspreigne à faire le bien.
David aussy qui enseigna Maint vertueulx enseignement, Nous dit : A malo déclina Et fac bonum incessamment,
Fuyons le mal diligemment, Tous biens soyent par -nous comiz, C'est ce que nous dit proprement Le thème que j'ay devant mis.
Auquel thème je noteray
Deux poinctz en toute brefeté :
Quant au premier, j'explicqueray
Qu'on doyt fouyr perversité.
Au second sera récité
Que debvons aprandre à bien faire
Pour avoir la félicité
Qui est des parfaitz le salaire.
Le premier poinct de nostre affaire C'est que nous debvons reposer D'offenser Dieu & de mal faire, Pour nous à vertu disposer.
0 pescheurs, veullez cy noter Qu'il est temps de soy convertir, Car c'est chose moût à doubter Tousiours pécher sans repentir.
L'Église nous chante & afferme Que qui ne s'amende il a tort, Ainçoys que le corps très enferme Soit préoccupé de la mort, Veu que conscience rencort L'homme pécheur, salle à indigne.
Bien est malheureux qui s'endort En Testât d'offence divine.
Pourtant sainct Pol, qui bien parla, Nous dict ce mot d'auctorité :
Ab omni specie mala Vos, ô frairesy abslinete.
Délaissez toute adversité, Répudiez vice anormal, Et pour recouvrer sanctité Reposez vous de faire mal.
Reposez vous d'orgueuil & d'ire, Reposez vous de vostre usure, Reposez vous de tout mal dire, li<'pnsrz vous fuyant luxure, Reposez vous d'aymer ordure, Reposez vous tous d'offenser, Reposez vous de faire injure, Reposez vous de mal penser.
Il a le cueur bien endurcy Qui tousiours mal sur mal cumule Sans jamais demander marcy A Dieu qui noz faitz articule, Car Yalère nous articule Que l'ire divine & fureur Tant plus se retarde ou recule, Tant plus monstre enfin sa rigueur.
Et pourtant doncques, mes amys, Laissons vainne opéracion Par laquelle on peult estre mis A finalle perdicion, C'est la première inlencion Du thème que j'ay récité, Qui par bonne exortacion Dit aux pescheurs : Quiesciie.
Le second puinct.
Au second poinct veul que sachez Qu'il ne suffit pas seulement
De laisser vices & péchez, S'on ne fait du bien largement, Aprandre fault soigneusement D'estre dévot & modéré, Pourtant je dis secondement :
Disette bona facere.
0 la singulière doctrine, 0 proflitable sapience, Qui rend la créature digne De contempler divine essence !
N'esse pas notable. science, Vraye & saincte pbilosophye, Parquoy la povre conscience De tous péchez se purifie?
Afin doncq que nous puissons prandre
Le bon train & laisser le pire,
A bien vivre debvons aprandre ;
C'est ce que Isaye veult dire,
Et pourtant quiconque désire
De venir à salvacion,
Il doit premièrement eslire
Le chemyn de dévocion.
Salomon très saige & prudent, Qui escripvit maint examplaire, Dit : Omnia lempus habent, Mais veescy le temps de bien faire, L'apostre aussy le nous déclaire, Quand il nous dit : Faciamus Bonne euvre saincte & nécessaire Dum lempus adhuc habemas.
— I Ni —
Tandiz que nous avons espace, Faisons du bien à toute instance, N'atendons pas que 1 heure passe, Veescv le temps de pénitence.
Laissons <lez ceste heure arrogance, Soyons en vertuz résolutz, Car trop mect son âme en balance Qui tant afcint qu'il ne peult plus.
Mais pource qu'il est commande Qu'à bien faire dehvons apraridre, Peult icy estre demande Comment cela se doict entendre.
Je dys que tu doys sans actendre Accomplir les commandemens, Donner pour Dieu, grâce à Dieu rendre, Et recepvoir les sacremens.
Aprans à sçavoir gouverner Tes cinq cens, comme Dieu l'ordonne, Aprans à prier, à jeûner, Aprans aussy à faire aulmosne, Aprans à ne hlesser personne, Aprans à estre doulx ik pieux, Aprans occupacion bonne, Aprans à vivre selon Dieu.
Et pourtant, tout considéré, 0 gens pleins d'obslinacion, l)iscitc bona facere, Faictes bonne opéracion, C'est la totale inlencion De mon thème qui l'entend bien.
Disant pour résolucion :
Laissez le mal, prenez ]p bien.
Peuple dévot, notez ces dictz
Yenans de bouche prophéticque,
Et prions Dieu de paradiz
Que les puissions mectre en praticque,
Exerçons vertu manificque
Durant la vie transitoire,
Pour voir sa face déificque
Lassus en perdurable gloire.
Quare nobis distribucrc Dignelur ac conredere Qui régit aslra polorum In secula seculorum!
Lors faicl la bénédiction cl s'en va seoir.
Le Doyen de Lengres.
Messeigneurs, il est tout notoire Que nostre Prélat est notable, Décoré d'euvre méritoire Et de doctrine proffitable.
Le Trésorier.
Il est piteulx à amyable, Fondé en toute humilité.
L'Archidiacre du Dijonnoiz.
Onques ne vys plus pytoyable.
L'Archidiacre du Tonnoirroiz.
Il est piteulx & amyable.
L'Archidiacre du Barroiz.
Il nous est bon.
L'Archidiacre de L'Auxoiz.
Mais convenable.
Barroiz.
II a de science planté.
DlJONNOIZ.
11 t'si piteulx & arayable.
Barroiz.
Ponde en toute humilité
Le Doyen.
N'avez vous pas tous escouté La présente coHacion.
Le Trésorier.
Quant esl de moy, j'en ay esté Esmeu do grànt dévocion.
Didier salue Chappilrc.
Didier.
Le doute Rédempteur de Syon Vous maintienne eu son saincl service ! Vous cognoissez l'affection De Valier qui est tout sans vice, Il n'a provision, n'oflice, Il n'est ne prebtre, ne dyacre, Si luy biiille le bénéfice D'eslre mon grant archidiacre.
•!<' luy veul pourchasser son bien, Son avance & promocion.
Le Doyen.
Monseigneur, vous ferez très bien De luy donner provision.
Didier.
Sa noble généracion Me rend enclin à le pourveoir.
Le Trésorier.
Il a belle dévocion.
Le Doyen.
Il est pour ung grant bien avoir.
Valier, pour le très bon debvoir Que vous avez l'ail & ferez, Pour vos Ire valeur ô< sçavoir, Mon Archidiacre serez.
L'aumusse oc le surpliz vestez.
DlJONNOIZ.
// baille le surpitz à Valier.
Tenez, Valier, vesey de quoy.
Didier.
Fidélité vous promeetez Tant à l'Eglise comme à rrioy.
Valier.
Je le vous promeetz sur ma l'oy, Ne le pensez point aultrement, El du grant bien que je reçoy Je vous remereye humblement.
Didier.
Gouvernez vous honnestement.
Varier.
Je n'ay pas au lire intencion.
Didier.
Vous avez bon commancemenl De venir à perfection.
Lucifer.
G cruelle confusion, Confusible inllammaciou Enflammée de grant rigueur, Rigoreuse dampnation, Dampnable déleslacion, Détestable & fière fureur,
O 1res furieuse douleur, Doloreux deul, niauklit malheur, Valeureuse inportunilé.
Importune & terrible ardeur, Me voulez vous ardoir le cueur Par despiteuse iniquité!
Satiia.m.
Vées là terriblement chanté, 0 Lucifer, prince meschanl !
Dyables vous ont ilz enchanté ?
D'où vient ce misérable chant ?
Belphégor.
Avez vous de misère tant Qu'il appert à vostre lengaige?
Déclairez nous cy tout content D'où dépend ceste maie raige.
Astaroth.
Tousiours avez vous cest usaige, Tousiours avez vous achoison De monstrer vostre lait visaige Vers nous sans cause & raison.
Cerbérus.
Ha! vous perdez temps à saison De moy accuser d'aucun mal, Car j'ay bien gardé la maison Et fait bouillir le réagal.
Léviatham.
De Homme jusques en Portugal, N'a dyable de moy plus infâme, Je suis ennemy capital A tout le monde & à sa femme.
Bélial.
Foyson, l'eu forte, belle Dame, Fine finesse fantasticque, Faulcement mon faulx cueur enflame Pour nuyre au peuple catholicque.
LlTCIFER.
Faulce calerve dyabolieque, Vous laissez trop dormir en paix Ceste nation lingonicque Qui empesche tous noz beaux faiz.
Où est Croscus, le Roy mauvaiz?
Où sont Wandres, plains de fierté?
Sçavez vous s'ilz viendront jamais Pour destruyre ceste Cité ?
Satham.
Je sçay bien qu'ilz ont volenté De Didier faire mectre à mort, Car j'ay moymesmes exborté Roy Croscus, courageux <k fort.
Lucifer.
S'il luy convient ayde ou confort, Pourchassez au Uoy des Alainz, Qu'il amainne tout son effort, Tant chevaliers comme villainz.
Belphégok.
Nous sommes de cauthelles plains Pour y besongner finement, Ceulx de Lengres seront actains Et assailliz mortellement.
Astakotii.
Didier morra honteusement, Le procès en est tout jugié, Car il doit estre prestement Du Roy des Wandres assiégé.
Léviatiiam. J'bj tant soufflé, j'ay tant forgé, Aux RoySj aux preux, aux combatans, Que tout l'ost y sera logé Avant qu'il soit jamais long temps.
Bélial.
11 nous faull aller sur les champs Pour suborner & decepvoir Les Wandres qui sont noz vinchans, Et pour les Alains esmouvoir.
Cerbérus.
Quant à moy, je ferai debvoir De garder les portes d'embas.
Satham.
•le m'en voys à ce fait pourvoir.
Belphégor.
Quant à moy, je feray debvoir.
ASTAROTII.
Je vcul bientost le bruyt avoir.
Lévjatiiam.
Et je veul faire les débatz.
Cerbérus.
Quant à moy, je feray debvoir De garder les portes d'embas.
Lors s'en vont trois vers les Wandres et deux vers les Alains.
Le Fol.
Je veul corriger les estaz, De par l'Abbé des Coquibus, Car il court maintenant ung taz De façons, d'abitz &. d'abuz, Lesquels je feray meclre juz, Puisque je l'ay ou Chérubin.
Déa apperlient-il que Robin Ou Jehannyn, Jehannot de villaige, Soit fourré de divers plumaige, Gomme s'il estoit de bon lieu ?
J'y pourvoyray, par lesangbieu!
Puisque je l'ay mis en ma teste.
Vous semble il qu'il soit bien honneste De porter ces robbes trainans?
J'ordonne qu'aux gentilz galans Qui les traynnent parmy l'ordure, Qu'on leur retranche, à bout taillans, Deux doiz par dessoubz la saincture, Et ceulx qui ont si longue hure De cheveulx dessoubz leur chappeau, Roignez seront, par aventure, Si prèz qu'on tranchera la peau.
Croscus, Roy des Wandres.
Qui entreprend de guerre le fardeau, Premièrement,- se doit bien conseillier, Puiz assembler tous ses genz bien ck beau Pour assaillir cité, ville ou chasteau, Occire gens <k terres exiller.
Pareillement nous convient batailler Les Lingonoiz, par fureur grant oc ire, Et leur Pasteur condampner à marlire.
Sortez en avant, Barons &. vassaulx, Qui par cy devant Faisiez les beaulx saulx ; Venez aux assaulx Archiers & gendarmes, Garniz de chev. ulx Et de toutes armes.
Et pour ce que je ne veul pas Défaillir de toul conquérir, J'apoincte ([non aille bon pas Le Roy «les Alainz requérir, El dire qu'jj veulle venir Ayder à combattre les Gales, Car en bref je les veul tenir Tributaires & yectigales.
Sus, Messagier, prenez la peine D'aler vers le Roy autentique Luy requérir qu'il nous amainne Toute sa puissance alan'upie.
Le Messagier des Waxdkes.
Roy triumphant & maniheque, Le plus merveilleux des humains,
Tout droit par ce chemyn publicque, Je m'en voys au Roy des Alains.
Lors s'en va le Messctg'icr.
CjRQaGUSj
Et vous, nies satrapes haultains.
Renommez en chevalerie, Soyez moy loyaulx oc certains, En ceste guerre, je vous prie.
Pour commancer la batterye, Incontinent & sans demeure, Faictes charger l'artilerye, Car je veul partir à ceste heure.
Chargez canons o; crapaudeaux,
Mangonnaulx,
Tous nouveaulx, Uicrs, charettes oc tumeraulx, Pour mener grosses serpentines.
Trousses, espées et cousteaulx,
Gros marleaulx,
Bons cizeaulx, Pour faire tranchiz & moyennaux, Fosses, mynes & contre mynes.
Monstrez aux ennemys indignes,
Fières mignes,
Divers signes Pourchassans les mors &. ruynes, Tant qu'ils tresbuchent par morceaulx, Et n'oblyez pas colouvrynes,
Javelines
Qui sont fines, Corsetz, cuyraces, brigandines, Lances, guidons & panonceaulx.
Le premier Satrappe.
Comme bons subjectz & loyaulx, Disposerons tous noz affaires, Jaques jaserans bons à beaulx, Et aubers qui sont nécessaires.
Le second Satrappe.
Nous appresterons noz Veuglaires, Becz de faulcons, ribaudequins, Vonges, dagues ix badelaires, Arbalestes & crenequins.
Godifer, satellite.
S'il plait aux images divins, Jupiter, Pliébus & Pluton, Nous irons boire des bons vins De Lengres & d'Eulley-Cothon.
Sarragot, satellite.
S'il y a geline ou cbappon, Char, poiz, sain, lart ou cliarbonnée,
J'en fomyraj taui mon gippon Que j'en passeray mon année.
TARTARIN, satellite.
El s il y ii quelque meslce, Noises, débatz, occisions, .le courray lors à In volée Tout des premiers aux horions.
Ysangrin, satellite.
.Non/ disons ce que nous voulons, Mais ([liant ce vient à s'approchier, J'en sçay qui tornent les talons Pour ce qu'ilz n'y osent louchier.
Tost-Venu, messagier.
// salue le lioij des Alains.
Vénus qui est tant à prisier Kl fait amans enlrebaisier, Vous doint de lyesse montjoye!
Le Roy des alainz.
Tost-Venu, gentil messaigier, Souple de corps, gent& légier, Le Dieu Mercure vous doint joye!
Tost-Venu.
Croscus, le Roy de grant value, Tics bénignement vous salue Désirant voir vostre présence.
Le Roy des Alainz.
Jovis qui gouverne la nue, Et qui nuyt & jour continue, Luy doint honneur oc préférence !
Que demande il?
Tost-Venu.
Qu'à diligence Vous luy amenez vostre armée,
Ailiu de luy faire assistance Devant Lengres fort renommée.
Le Ko y des Alainz.
Pourquoy?
La guerre est entamée Contre je ne sçay quel Didier, Si fault pour faire sa fumée Que bientost lui venez ayder.
Le Roy des Alainz.
Menrai-je mon ost?
Tost-Venu.
Tout entier.
Le Roy des Alains.
Grands & pelys?
Tost-Venu.
Il les veult tous.
Le Roy des Alainz.
Est-il besoing ?
Tost-Venu.
Mais grant mestier.
Le Roy des Alainz.
J'iray doncques?
Tost-Venu.
Despeschez-vous.
Le Roy des Alainz.
Or ça, aprouchez vous de nous, Mes chevaliers &. piçquenaires, Qui partout, dessus ix dessoubz, Avez conduyt tous noz affaires, Chargez armures nécessaires, Ny layssez hallebarde ne picque, Pour subjuguer les faulx contraires De Croscus le Roy wandalicque.
Mectez vous bientost à cheval Qui avez genêt on hobin.
Despiteulx, & vous Durandal, Mectez vous sur le hault chemyn, Puis Malvenu & Hustariu Y soient armez comme cocqs, El s'ilz trouvent quelque tarin, Je veul qu'il paye leurs escotz.
Le premier Chevalier Alain.
Puisque vous avez ce propoz Du lîoy des Wandres secourir, Nous qui sommes vos vrays suppotz, Bataillerons jusqu'au morir.
Le second Chevalier Alain.
J'y veul détrancher' ou férir Quelque grant prince ou gouverneur, Aflîn (pie je puisse acquérir Dessus tout le bruyt & l'honneur.
Durandal, picquenaire.
Sire, vous povez estre au seur Que les Lengroys ou Galoys Ne trouveront quelque doulceur En moy qui suys gentil Galoys.
Despiteulx, picquenaire.
Quant j'auray mon maillet de pois Se les trouve en une salle, Je les lueray plus dru que pois, Et ne me chauldra qui les salle.
Rustarin, picquenaire.
Pour ce que j'ay la teste malle Et acharnée au sang lumiaiH,
Il n'est ne femelle ne masle Que tout ne passe par nia main.
Malvenu, picquenaire.
Tu dys vray, tu dys vray, compaiu, Tu es hardi comme ung lyou, Je t'en vis tranchier corne pain Avant hier plus d'ung million.
Le Roy des Alainz.
Il fault que nous humyliou Devers Croscus qui nous demande, Pourtant sans excusacion, Armez vous, je vous le commande.
Durandal, picquenaire.
Veesci ma picque belle & grande.
Despiteulx, picquenaire.
Veescy aussy ma brigandine.
UiSTARiN, picquenaire.
Pour tuer marchant ou marchande Veesci ma picque belle <i grande.
Mauvenu, picquenaire.
El veesci ma dague alemande
Qui est pour ung fort brigant digne.
Despiteux, picquenaire.
Veescy ma picque belle & grande.
Durandal.
Veesci aussi ma brigandine.
Le PiOY des Alainz.
Ça, mon cheval qui fort chemyne, Et si monte qui doit monter, Car avant qu'il soit bref termine, J'iray les Wandres visiter.
Le premier Chevalier Alain.
Ce messaigier qui sçeit trotter Vous menra bien la droitle voye.
Tost-Venu.
Sire, pas ne debvez douter Que seurement ne vous convoyé.
Lorj v mectenl en (hennin.
Le Roy Crosgds.
Il me tarde moût que je voye Le Roy Alain où je me fye.
Le premier Satrappe S'empeschement ne le desvoye, Tosl viendra, je vous eertiflîe.
Le second Satrappe.
Lengres sera bientost gaingnie, Mais que nous soyons tous ensemble.
Godifer, satellite.
Veescy venir grant compaignie.
SarragoTj satellite.
Ce sont Alainz.
Tartarin, satellite.
Il le me semble.
Sarragot, satellite.
Nostre host peu à peu se rassemble.
Godifer, satellite.
Guerroyer fouit de bon couraige.
Ysamgrin, satellite.
Vous diray-je? Le cueur me tremble.
Tartarin.
Pourquoy ?
Ysamgrin.
On y fieit au visaige.
lcij vont les Alains devant Croscusel le saluent. Le Roy des Alains.
Mynerve, Déesse très saige, Doint au Roy victoire &. proesse!
Croscus.
Garder vous veulle de haulsaige, Mynerve, Déesse très saige!
Le premier Satrappe.
Chevaliers, plains de vasselaige, Bien viengne vostre gentillesse!
Le premier Chevalier Alain.
Mynerve, Déesse très saige, Doint au Roy victoire & proesse !
Le Roy des Alainz.
Vers vostre triumphant noblesse,
Gendarmes conduys à amainne,
Qui sont garniz de hardiesse
Plus que tous ceulx de mon domaine.
S'il y a créature humaine
Qui prétende vous fairre guerre,
Avant qu'il passe la sepmainne
Je feray tout ruer par terre.
Croscus.
Pour ce que je veul bref conquerre
Et détruyre chrétienté,
J'ay bien voulu envoyer querre
Vostre régale majesté.
Veescy mon ost tout apresté,
Gamy de bon traict ferme & fort,
Pour commancer à la cité
De Lengres que je heys à mort.
Y viendrez-vous ?
Le Roy des Alainz.
J'en suys d'acord.
Partons nous quant il vous plaira.
Croscus.
Contre Didier j'ay grant discord.
Le Roy des Alainz.
Ne vous chaille, on vous vangera.
Croscus.
Son Jhésu Crist renoncera Puizque nous l'avons entreprins.
Le Roy des Alainz.
Le grant dyable l'emportera, Ou je le rendray mort ou prins.
Croscus.
Çà, mon messagier bien apris, Approchiez ung petit plus prèz. Tost-Venu, messagier.
Très noble prince de hault pris, Commandez ce que vous vouldrez.
Croscus.
Dedans Lengres vous en yrez, La grant cité épiscopale, Et, illec, à Didier direz Qu'il délaisse sa loy totale.
Je veul que la Cité soit myenne, Et si veul préalablement Qu'on laisse la loy chrétienne Pour noz haulx Dieux du firmament.
Se Didier le fait aultrement,
Par le Dieu Mars qui tout corrompt!
Il en mourra honteusement,
Et tous ceulx qu'en Jhésu croyront.
Messagier, j'ay en vous fiance, Car servy m'avez aultrefoys, Portez lui cette déffience, Et soyez loyal toutesfoys.
Tost-Venu.
Prince puissant, je m'en y voys Sans craindre péril ne dangier, Et si diray à haulte voix Ce que doit dire ung messagier.
Le Fol.
N'esse pas bien pour enragier De ma brave qui se destache?
Il y faulsist faire forgier Une esguillette ou une alache.
Comment peut elle estre si lasche, Veu que les poinctz y sont si forts?
Il en y a cent par dehors, Cent par dedans, cent par le fons, Cent haulx, cent longs & cent parfonds. Ne sont ce pas beaucoup de cens?
Or, sens, de par le dyable! sens, Cesluy-cy a fait une vesse; Je le dyray à ceulx de Sens, Mais vous en aurez sur la fesse.
Tost-Venu.
Enseigne moy la forteresse De Lengres & tu feras bien.
Le Fol.
Dictes-vous que je suis abbesse?
Encores n'en sçavoy-je rien.
Tost-Venu.
Où demeure ung seigneur de bien Qui se fait Didier appellera
Le Fol.
Par ma foy, je ne sçay combien, Mais il ne vanlt rien saler.
Tost-Venu.
Ne sçez-tu aultrement parler?
Je te demande mon chemyn.
Le Fol.
Au grant dyable puist-il aler!
C'est un brouilleur de parchemyn.
Tost-Venu.
Que dis-tu?
Le Fol.
Il vint au matin. . .
Où est . . .
Tout seul. . .
Tost-Venu.
Le bon sentier. . .
Le Fol.
Et puis.. .
Tost-Venu.
Pour aller. . .
Le Fol.
D'ung patin Vint descbarger sur le mestier.
Tost-Venu.
A Lengres?
Le Fol.
Je ne sçay luctier, Pourtant j'eus de coupz plus de trente.
Tost-Venu.
N'entend-tu rien?
Le Fol.
Respondz.
J'euz ceste rente.
Tost-Venu.
Le Fol.
Et ouy plus de vingt, Mais il n'est jour que ne m'en sente.
Comment?
Le Fol.
Je ne sçeiz qu'il devint.
Onques si grant meschief n'avint,
Car par celay je m'en fouy.
Tost-Venu.
Quel folastre!
Le Fol.
Mest Dieux, ouy, Elle estoit plaisante & jolye.
Tost-Venu.
Je te lairay en ta folie, A Dieu te command', je m'en voys.
J'aperçoy Lengres devant moy Et Didier à qui j'ay affaire, Si veul aller de par le Roy Lui déclairer tout mon affaire.
Lors parle à Didier comme par despil.
Puisque votre loy est contraire A la nostre de préférence, Je ne vous veul en rien complaire, Faire salut ou révérence.
Groscus qui a magnificence Sur les Wandres, plains de fierté, Vous interdict <x fait deffence De gouverner ceste Cité.
Rendez luy à sa volentc
Le lieu, le peuple, l'édifice,
El délaissez chrétienté
Pour faire à nos Dieux sacrifice.
Tout homme, soit clerc ou novice,
Pense de son Dieu renyer,
Ou nostre Roy qui est sans vice
Le fera brusler ou noyer.
Vous entendez! que je vous nonce, Vous entendez bien mon messaige, Faicles moy tantosl la responce, Didier, & vous ferez que saige.
Didier.
Veesci très merveilleux langaige, Veesci merveilleuse adventure.
0 Dieu à que je faiz hommaige, Veuillez prendre ce fait en cure!
Messaigier, j'ay bien escouté Voz dictz qui ne sont beaulx ne gents, Tirez vous ung peu de costé, Et je parleray à mes gens.
Mes frères, soyez diligens De pourvoyr à ce grant desroy, Pas ne fault estre négligens En tel cas qui touche la foy.
Le Doyen.
Honnoré Seigneur, quant à moy Je suis tout prest de m'en mesler,
Mais bon seroit, come je croy, De tous les bourgeoys appeller.
Le Trésorier.
Onques mais je n'ouys parler De plus merveilleuse nouvelle.
Valier.
Ce Wandre nous cuyde affoler Et faire soffrir mort cruelle.
Didier.
Puisqu'il est besoing qu'on révèle Ce dur danger aux habitans, Aucun d'entre vous les appelle, Car de respondre il est grant temps.
Le Secrétaire.
Ils sont illecques pormenans, .le voys à eux diligemment.
Bourgeoys saiges & advenans, Dieu vous préserve de torment!
Monseigneur est présentement Avec chappitre en consistoire, Si vous mandent expressément Que venez à leur adjutoire.
Le Bailly.
S'il plaist au benoist Roy de gloire, Nous yrons vers eulx de bon cueur.
Le Père Valier.
Didier tout le pays décore, Pourtant lui debvons faire honneur.
Le premier Bourgeoys.
Alons y tous.
Le second Bourgeoys.
C'est le meilleur.
Le tiers Bourgeoys.
Nous y sommes mandez de bouche.
Pour nous monstrer gens de valeur, Alons y tous.
Le Père Valier.
C'est le meilleur.
Le Bailly.
Y a-t-il rien?
Le Secrétaire.
Griefve douleur Et déplaisir au cueur le touche.
Le quart Bourgeoys.
Alons y tous.
Le tiers Bourgeoys.
C'est le meilleur.
Le premier Bourgeoys.
Nous y sommes mandez de bouche.
Le second Bourgeoys.
Avant que jamais je me couche, J'ay de le voir intencion, Afin qu'il nous euvre <x desbouche Le cas de son affliction.
Lors vont vers Didier el le Bailly le salue. Le Bailly.
Pour toute salutation, Dieu vous ouctroyt salvacion En son céleste paradis !
Nous venons tous par union Ouyr la déclaracion De voz propoz <x de voz dietz.
Didier.
Mes beaux enflants & mes amys, Ce messagier cy nous a mys En désolacion piteuse, Car il nous a clict & promis Que les Wandres, nos ennemys, Nous feront guerre despiteuse.
Et en effect Croscus demande A son vouloir ceste Cité, Secondement, il nous commande Que nous laissons chrétienté , Ou ce non en grande durté, Par glaive & par feu, finirons.
Si ay ce conseil invité, Pour conclure que nous ferons.
Au regart de laisser la foy A cela ne convient touschier, Car j'aymeroys mieulx, quant à moy, Soffrir ceste peau escorchier.
Je croy aussy que pour dangier, Pour guerre ou pour crudélité, N'avez volonté de changier Le Dieu qui nous a rachepté.
Le Doyen.
Noble Prélat, plain de bénignité, Garny de biens, paré de courtoisie, Vous trouverez toute fidélité Tant au clergé comme en la bourgeoysie. Encoir n'est pas nostre Cité gaingnye, Mais se Croscus vient dessus nous férir, Ne vous doubtez de nostre compaignie, Car en la foy voulons vivre &. morir.
Le Trésorier.
Il ne se fault point esbayr Pour les nouvelles d'une: messaige ; Se Croscus nous vient envahir Il ne fera pas comme saige.
Prions à Dieu de bon couraige, Qu'il nous tienne en toute asseurance, Car il fault, soit perte ou dommaige, Avoir en Dieu ferme espérance.
Ne pensez point que les rudes parolles D'ung messaigier nous façent granl terreur. Garde n'avons d'adorer les ydoles, Ainçoys voulons eslongner toute erreur.
Le doulx Jhésu, nostre vray Rédempteur, Qui est puissant pour nous bien secourir. Sera tousiours notre consolateur, Car en la foy voulons vivre ôc morir.
Dijoknoiz.
Dieu qui délivra Béthulie Par Judith la scientificque, Confrondant par contumélie Le puissant prince tyrannicque, Tiendra le peuple lingonicque En honneur <k en fiorissance, Si veul comme bon catholicque Avoir en Dieu ferme espérance.
Tonnoirroiz.
Vous trouverez en la saincte escripture Que Dieu faisoit miracles évidenz Pour délivrer la pouvre créature De tous périlz ou mortels accidents.
— ni —
Se maintenant les Wandres imprudents Cuydent leur foy ici faire florir, Rien n'en sera, en despit de leurs dens, Car en la foy voulons vivre & morir.
Barroiz
David fut moût persécuté Par guerre & par cruel assault, Mais pour quelconque adversité De confort n'eust jamais défault.
Àussy se Croscus nous assault De traict, de dart, d'escu, de lance, Je détermine qu'il nous fault Avoir en Dieu ferme espérance.
Cuyde Croscus devant ses simulacres Les cueurs dévots faire sacrifier, Cuyde-il ses gens, infâmes & pouacres, En noz porpris laisser fructifier ?
Je croy qu'il veul son bruyt manifyer Par tuer les gens & terres convertir, Mais non pourtant, il a beau deffyer, Car en la foy voulons vivre & morir.
Bassigny.
En la foy voulons tousiours vivre.
En la foy voulons finer, C'est le sentier plain & délivre Par lequel debvons chemyner, Puis s' on nous vient exterminer, Ou assaillir par arrogance, Tousiours nous luit, sans terminer, Avoir en Dieu erme espérance.
Le Chantre.
Avons en Dieu totale confidence Tant que serons habitanz en ce momie, Et nous armons de foy & de prudence Pour rendre enfin nostre âme pure &. monde. Si ne craindons quelque mal qui redonde, Ne payen nul que voyons acourir, Mais actendons gloire où tout bien habonde, Car en la foy voulons vivre &. morir.
Le premier Ciianoisne.
Mais que nous adressons vers Dieu Noslre espérance & nostre veul, Tousiours maintiendrons nous ce lieu Contre les Wandres, plains d'orgueuil.
Le second Ciianoisne.
De leur assault, de leur accueil, Je n'ay ne crainte ne doubtance, Mais pourquoy, pour ce que je veul, Avoir en Dieu ferme espérance.
Et vous, Messeigneurs de la Ville, Que dirais-je à ce messagier?
Ne tenons pas trop long consile, Car ce n'est pas heure de songier.
Le Bailly.
Se Croscus vient pour dommagier Le pays, nous vous promectons Que bien le ferons deslogier A force de coups de basions.
Le Père Vaijer.
Il veult que ses Dieux adorons, Laissant la foy suppellative, Mandez luy que rien n'en ferons Quelque chose qu'il en estrive.
Le premier Bourgeoys.
Faictes response négative Tout franchement, sans rien flater, Nous sommes pretz de résister Contre sa puissance armative.
Le second Bourgeoys.
A cesle oppinion hastive Que son homme est venu compter, Faictes responce négative Tout franchement sans rien flatter.
Le tiers Bourgeoys.
Sa demande est comminative Cuydant noz couraiges macter, Mais nous voulons, sans le doubter, Monslrer force rébarbative.
Le quart Bourgeoys.
Faictes response négative Tout franchement, sans rien flater, Nous sommes prestz de résister Contre sa puissance armative.
C'est vostre déterminative?
Nous voulons la Cité tenir.
Didier.
Or doncques, pour deffinitive, Faictes le messagier venir.
Lors s'approche le messmjier et luy dit Didier Messagier, pour vous adverlir Des responces que porterez, Quant vous plaira pourrez partir, Car icy rien ne gaingnerez.
Dictes à Croscus vostre Roy, Qui île ses Dieux veult tenir plet, Que point ne craindrons son desroy.
Dieu nous aydera s'il luy plait.
Le Créateur qui nous a lait Adorons tant dévotement Que pour estre mort ou défiait Ne le changerons nullement.
Au regard de ceste Cité Dont il prétend estre seigneur, C'est mon lieu, c'est ma dignité, J'en suis le maistre <k gouverneur, Et pourtant, saulve son honneur, Jamaiz n'en aura joyssance, S'il plaist au benoist Créateur Qu'on puist rebouter sa puissance.
Tost-Venïf, messagier.
Puisque ne voulez l'alyance Des Wandres demander ou querre, Je vous nonce la deftîance Et assigne mortelle guerre.
Didier.
Je recommande à Dieu ma terre, Car c'est celluy où je me l'ye.
De par Croscus je vous deffye.
Le Bailly.
Messaigier, laissez le débattre, Mais se le Roy nous vient combattre Dictes luy qu'il se fortyffye.
Tost-Venu.
De par Croscus je vous deffye.
Le Père Valier.
Àrtillerye avons assez Pour garder portes & fosses, Je vous le dy & notiffye.
Tost-Vent.
De par Croscus je vous deffye.
Didier.
Le Fils de la Vierge Marie Nous gard' de sa maulvaistie faulce !
Tost-Venu.
Par Juppin qui point ne varie, Je vous voy faire vostre saulce !
Le Fol.
S'il est courru, si se deschaulse, Mais qu'en chault, il a ceux de Romme, Il eust eu un poinct en sa chaulsse Par moy, s'il ne feust gentilhomme.
Qui arbre n'a, n'a point de pomme , Ne de fruyt, s'il n'en paye argent.
Il me fault estre diligent De vestyr mon jaque farcy, Car je combattray le Piègent Qui doit tantost venir par cy.
Lors parle Didier à ceulx de la Ville et d'il : Didier.
Messeigneurs, vous avez ouy La deffience de rigueur Dont guères me suys resjouy , Mais en ay grant socy au cueur.
Les Wandres, plains de grant fureur, Viendront ceste ville assiéger, Si trouvez aucun moyen seur Qu'ilz ne nous puyssent dommager.
Le Bailly.
Révérend père, il fault hucher Yostre courageux Cappitaine, Car bien sçaura moyen touscher Pour coiuluyre une euvre haullaine.
Didier.
Suz, Messaigier, prenez la peine De le faire venir vers nous.
Bon Pas, messagier.
Puisqu'il vous plaist que je l'ammainne, Tantost sera par devers vous.
Lors parle au Cappitaine.
Celle qui est mère & pucelle Vous gard' d'avoir aucun contraire !
Monseigneur vous mande & appelle Pour certain cas bien nécessaire.
Le Cappitaine.
A Monseigneur ne veul desplaire Pour rien que me puist advenir.
Mais sçavez-vous pourquoy c'est faire?
Bon Pas.
Je croy qu'il veult conseil tenir.
Le Cappitaine.
Pour à son mandement fornir Alons m'en devant sa présence.
Lors parle à Didier.
Monseigneur, on m'a fait venir Devant vostre magnificence Se vous avez quelque indigence Touchant ma possibilité, Selon ma petite prudence Je feray vostre volenté.
Didier.
En bref vous sera récité Le cas qui grant socy nous baille :
Croscus, plain de crudélilé, Nous vient livrer forte bataille.
Le Cappitaine.
Entendez-vous qu'il nous assaille?
Didier .
Il nous menace, il nous deffye.
Le Cappitaine.
Il convient garder la muraille.
Didier.
Et pour Dieu qu'on se fortifie.
Le Cappitaine.
Il nous fault nostre artillerye Charger, garnir & assister, Trect à feu pour la batteryc Et chausses-trappes âctinoter.
Il fault des pierres pour gecter Sur la muraille tout autour, Faire bon guet & escouter Qu'on n'eschielle pas quelque tour.
Monseigneur, ne vous doublez point, Car je suis ung maistre rostier.
Didier.
Sçavez-vous bien tout mectre à point?
Le Cappitaine.
Et quoy doncques? C'est mon mestier.
Je sçay bien que c'est d'assiégier, Je sçay bien parler de victoires, De rencontrer, de deschargier, Car j'ay veu les vieilles histoires.
J'aj vcu dos i'aitz de Babilonne El île la prinse des Troyens ; D'Alexandre de Macédonne, Guerroyant par divers moyens; Les assaulx des Athéniens ; De Thèbes la desconfiture ; Les guerres des Assyriens.
J'ay tout trouvé en l'escripturc.
Fiez vous en moy franchement, Et, si Dieu plait, garde n'aurons, Mais il vous fault premièrement Mander voz quatre grans Barons.
Didier.
C'est vray. Il fault que leur mandons Qu'ils viennent armés de leurs armes, Car en href temps nous attendons Le Pioy Croscus à ses gendarmes.
Messagier, allez à ceste heure Devers nos Barons vos eshatre, Et leur dictes que sans demeure, Se treuvent à Lengres tous quatre, Tous en point corne pour combattre, Garniz de gens ex de puissance, Car les Wandrcs veulent ahbatre Nostre foy & nostre créance.
Bon Pas, messagier.
Monseigneur, j'ai bien espérance De bien mon messaige fornir.
Didier.
Dictes à chascun qu'il s'avance.
Bon Pas. Je les feray brefment venir.
Didier.
Je vous en laisse convenir, Soyez diligent de trotter.
Bon Pas.
A Dieu jusques au revenir, Je voy bien qu'il se fault haster.
0 si je peusse rencontrer Ce messagier wandre mauldit, Je suis homme pour lui monstrer Qu'il a mal parlé oc mal dit.
Holà ! il me vient appétit De visiter mon flasconnet, Pourtant me fault boyre ung petit De ce vin tout cler & tout net.
Le Fol.
Et ne buvrai-je pas un tret Pour arroser ma pouvre bouche ?
Bon Pas.
Tire toy là, tire, maulprest!
Le Fol.
Suis-je maulprest dy happemouche?
Çà, le flascon !
Bon Pas.
Si je te touche, Je te feray baisser l'oreille, De vray.
Le Fol lui osle le flascon et dit :
Va, fol, va, si te couche, Tu n'as plus flascon ne bouteille.
Le Fol s'en court.
Bon Pas.
Par là! morbieu! V«esdy merveille, Ce coquart m'oste ma santé.
Oncques ne vis chose pareille!
.le suis pouvre cv deshérité, Et n'ay pus opportunité Pour ceste heure d'aller après.
Car je voyjà la majesté Des Parons icy au plus près.
Lots salue, les Bffrom cl dit :
Seigneurs, plains de grant vasselage, Le Rédempteur d'humain lignage, Vous doint accroissement d'honneur !
Grancey.
Bien viengnez-vous, gentil messaige, Comment se porte l'homme saige, Didier, noslre dévot Pasteur?
Bon Pas.
Il est remply de grant douleur.
Choiseul.
D'où lui procède ce malheur?
Bon Pas.
Vous en sçaurez bref la raison.
Vergiér.
Luy fait aucun Prince rigueur?
Bon Pas.
Croscus, par force à par vigueur, Luy veult assiéger sa maison.
TrICHASTEI/.
Dictes nous par quelle achoison Le Boy Croscus lui mainne guerre.
Bon Pas.
Lv tirant, plein de mesprison, Veult cstre seigneur de la terre, Et veult que tout ainsy qu'il erre, One nous errons contre la lo\ , Si vous vieil à cette heure querre Pour obvier contre desroy.
Grancey.
U le faulx & terrible Roy, Se prant-il au nom chrétien, Soulïire luy deust son arroy, Mauklit wandalicque& payen!
Choiseil.
Puisqu'il veult pervertir le bien De nostre lby évangélicque, IS'ous y résisterons si bien Qu'il y perdra son bruyt anticque.
Vergier.
Alons vers le bon calholicque, Didier, preslat très vertueux, Pour tout le peuple lingonicque Garder des Wandres furieux.
Trichastel.
Il nous fault estre curieux De mener gens & d'estre armez Pour monstrer faietz victorieux Contre ces Wandres diffame*.
