GRANCEY
Escuyer, venez-çà, venez.
Le premier Escuver. Monseigneur?
Grangey.
Où sont noz chevaulx ?
CllOISEUL.
Tousiours loing de moy vous tenez, Escuier, venez çà, venez.
Vbrgier.
Celiez, bridez à m'amenez Mon cheval qui fait les beaulx saulx.
Trichastel.
Escuyer, venez çà, venez.
Le quart Escuyer.
Monseigneur?
Trichastel.
Où sont noz chevaulx ?
Le quart Escuyer.
Tost seront prestz si je n'y faulx.
Où es-tu, dy, coulouvrinier?
Le tiers Escuyer.
Mais où est ce garnement faulx 1
Le second Escuyer.
Qui? qui?
Le tiers Escuyer.
Nostre crenequinier.
Le premier Escuyer.
Je ne sçay où est nostre archier, Je requier à Dieu qu'on le pende.
Le second Escuyer. Il me convient aussy huchier Le coustillier de nostre bande.
L'Arciiier.
Pourquoy esse qu'on nous demande?
Le premier Escuyer.
Il s'en fault aller en l'armée.
Le Coustillier.
Esse Monseigneur qui nous mande?
Pourquoy esse qu'on nous demande?
Le Crenequinier.
Avons-nous guerre?
Le second Escuyer.
Ouy, très grande.
Le Crenequinier.
Dieu mette en malan la fumée !
Le Colovrinier.
Pourquoy esse qu'on nous demande ?
L'Archier.
Il s'en lault aller en l'armée.
Le Colovrinier.
Qui a ceste guerre abolée ?
Le tiers Escuyer.
Ne te chailles, pran tes bretelles.
Le quart Escuyer.
Tost, tost, venez à la meslée.
Le second Escuyer.
Sus, galans, sus à la bataille.
Le premier Escuyer.
Il lault que chascun de vous aille Quérir les chevaulx pour monter.
L'Archier- Allin telle que n'y faille, Je m'en veulx des premiers haster.
Le Coustillier.
Puisqu'il lault les chevaulx brider, Je m'en veulx aller despescher.
Le Crenequinier.
Je voys aussy, sans plus tarder, Les myens de leurs liens destacher.
Lors amainnent tons les chevaulx et dit :
Le Coulouvrinier.
Monseigneur, veescy le trottier, Tout prest pour monter en la celle.
L'Archier.
Veescy cheval, plain & entier, Courant plus fort qu'une esrondelle.
Le Coustillier.
Veescy vostre monture belle, Bon frain, bon mors &. bon arson.
Le Crenequinier.
Pour ceste mauvaise nouvelle J'ay admené vostre grison.
Lors montent les Barons et quant Hz sont tous montés Granccij (Ut :
Grancey.
Chevauchons de bonne façon.
Ciioiseul.
Chascun a harnoiz <k monture.
Vergier.
Vcez me cy fort comme ung Sanson.
Tricuastel.
Or, alons m'en à l'aventure.
Lors s'en vont.
Tost-Venu, messagier des Wandres.
Zephirus, qui fait la verdure, Vous doint tout plaisir délectable!
Croscus.
Que dit-on sur la roche dure De Lengres, la cité notable?
Tost-Venu.
Didier, le pasteur honorable, Dit qu'il veult sa loy maintenir Sans jamais estre variable Pour rien qui luy puist advenir.
Je ne l'ay sceu faire venir A la foy de nostre créance, Et si veult la Cité tenir Contre vous & vostre puissance.
Croscus.
Est-il plain de telle arrogance?
, Tost-Venu.
Ses genz sont pretz oc ordonnez, Mais j'ay sommé la deflience Dont ilz ont bien froncé le nez.
Croscus.
Jupiter qui tout gouvernez Hault & bas l'ung &. l'aultre empire, Si bien mon ost entretenez, Que je les puisse desconfire!
Le Roy des Alaiïss. 11 convient pluz faire & mains dire, Le menasser rien n'y profitte, Qui vers Lengres n'yra de tire, Jamais ne sera desconfitle.
Vostre armée n'est pas petite, Vos subgects sont innumérables, Et si n'avez que gens d'eslile Pour prandre gens inexpugnables.
Croscus.
Qu'on aille tosl vers les estables Pour amener nostre écuyiïe, Chevaulx bardez, espouvantables, Pour perpétrer une turye.
Mon Satrappe de Barbarye, Je vous corameetz à la victaille, Vous conduyrez l'artillerye.
Et l'avant-garde je vous baille.
Le premier Satrappe.
Je les tueray plus dru que paille Puisqu'en l'office suis commis.
Le second Satrappe.
Je ne doupte ceste harpaille Non plus que mouches ne formis.
Croscus.
Suz, mes vassaulx ex mes amys, Fêtes charger nostre bagage Pour aller sur nos ennemys Faire quelque mortel domage.
Le second Satrappe.
Ça, mectez les mains à l'ouvrage, Godifer &. vous Tartarin.
Godifer.
Il n'y fault point tant de langage, Entend es vivres, Ysangrin.
Le premier Chevalier Alai.v.
De quoi servira Rustarin, Qui tant ayine la pillerye?
Tartarin.
Et Sarragot, le barbarin?
Sarragot.
Moy, je suiz de l'artillerye.
Tartarin.
J'ay ma hallebarde jolye.
