ODE

O quis optantem procul hinc beatis

Sistas in ripis, ubi vasta Regum

Tecta Burgundus lavit auctiore

Sequana fluctu !

Non tamen magnæ speculator urbis

Jam velim visos inhiare fastus,

Plena vel regnis fora, vel secundas Arcibus ædes.

At quaterdenis juvet hospitales

Porticus lætum penetrare, Musis

Quas domo Tutor Lodoix et ampla Excipit aula.

Ut meum tandem merita locatum

Sede mirabor cupidus Monetam !

Doctus ignoscat chorus : ille vultum Implet et aures.

Quantus incedit loquiturque ! Euntem

Splendido virtus radians in ostro

Ducit, exposcit Honor amplus ultro Sublevat alis.

Hince et hinc Artes Latiis remistæ

Protegunt Graiæ latus, et tumenti

Quas [ber fovit, placidoque Tybris Amne CamoϾnas.

Candida puram Critice libellam Gestat has inter, modulumque dextra,

Ungue præsecto levis, ex retuso Innoxia dente.

Ter virum terna tegit alta lauro

Gallicæ cultrix studiosa linguæ :

Et sua voces Erato loquentis Imbuit aura.

Melleis undans fluit e labellis

Inter attentas Procerum coronas,

Nectaris vivus, medio leporum

Fonte petitus..

Dulcius Pindi per amæna, nunquam

Illa Musarum Soror, undulatos Ad lyram Phæbo moderante lapsus, Lympha cucurrit.

Gestit in claros quater ire plausus

Turba : sed pressis favet usque linguis :

Nutibus multum, neque non loquaci Lumine plaudunt.

Hic enim totus viget elegantum

Artfex laudum facilemque semper

Explicat venam, bene temperato Vividus igne.

Nil sibi distans adeo, sonora

æpe qui vates fide provocabat;

Victor in flavo posuisse grandes Vertice palmas.

Aureo Phœbi quoties sodalem

Increpans plectro citharam, recentes

Maximi Regum cecinit recenti Carmine laudes.

Longa tot digni superesse sæcla

Quot manu victos superavit hostes :

Et novos fronti religare flores, Vate Moneta.

Franc. Onnus, S. J.

Versus resecti.