LE SIXIÈME LIVRE
le noble Roy de France a eu affaire Oultre la mer. Fortune fort contraire Luy a esté, dont ne sommes joyeulx, Mais, puys qu'il plaist à Jésus ainsy Prendreengréfault; ce qui est nécessaire [faire, Nous envoyé en ces terrestres lieux.
S^il fust ycy, il nous en fust de mieulx; Se nous semble, peu vault une province, Qui est sans chef, sans seigneur et sans prince.
L'ESGLIS^.
Je regrette l'absence du bon Roy;
Car c'est celuy oui observe la loy
De Jhésuscrist, nonorant saincte Eglise.
Las, il m'est tart qu'ung tel prince ne voy;
Il fréquente souvent avecques moy;
Au monde n'est homme qui plus me prise;
Pour m'honorer il a fait entreprinse
3963] Vie Ms s. Loys. 181
Oultre la mer, où a eu maint meschief:
Peu vault pais sans seigneur et sans chief.
Le Popullaire.
Je regrette Pabsence de mon maistre, Seigneur et roy, qui me fait en paix estre Durant son temps ; non obstant son absence Très humble et doulx il se donneàcon^oistre; Tout fait trembler dessoubz son royal ceptre Par son povoir et sa magnificence.
Je suys courcé que ne woy sa présence, Car le pays ne peult avoir honneur, Qui est sans chef, sans prince et sans seigneur.
Bon Conseil.
Le Roy ayme juste justice.
L'Eglise.
Aux gens d'église fait des biens.
Le Popullaire.
Et, s'on me fait quelque malice, Il veult qu'on corrige malice Selon droit et par bons moiens.
Bon Conseil.
Plusieurs grans inconveniens Avons, par deffaulte de luy.
^.'Eglise.
Il est vray; on voit aujourduy En maintes Juridicions Faire plusieurs exactions, Et les droictz cassez et péris.
Le Popullaire.
De la Prévosté de Paris
Qu'en dirons-nous? Je vous afferme
iSi Gringorb. []^
Qu'aujourduy est baillée à femie, D^ont il s'en enssuit ung giant mal.
Bon Conseil.
Mais que le bon prince loyal Soit revenu, ayez notice Qu'il mettra tout par tout police; Bien sera cecy amender.
Le Hérault.
Dieu vous vueille de mal garder.
Mes seigneurs.
Bon Conseil.
Bien venez, Hérault.
Le Hérault.
Je vous advertis qu'il vous fault Tous préparer pour la venue Du noble Roy, et soit congnue L'espérance qu'en luy avez; Au devant de luy vous trouvez, Ainssy qu'il appartient au cas.
L'Eglise.
Nous avons tous joie et souUas De sa venue.
Bon Conseil.
Il nous fault aller . Le recepvoir, à bref parler Comme notre prince et seigneur.
Le Popullaire.
Je suys sy joyeulx en mon cueur Que je ne sçay à qui le dire, Et n'ay garae de contredire
4oo6] Vie Ms S. Loys. 183
Que ne voyse au devant de luy.
Icy vont tous au devant de luy.
Nous arriverons aujourduy A Paris, s'il plaist à Jhesus, Où je croy que serons reçeus Honnestement et à grant joye.
Chevallerie.
Vous povez veoir parmy la voye Le PopuUaire qui accourt; Au devant de vous bref il court, Mesmes le Conseil et l'Église.
Les Prelatz.
C'est raison qu'on honore et prise Tel prince, qui est si humain.
Bon Conseil.
Votre noble, triumphant train Soit bien venu en votre ville Capitale.
L'Eglise.
Le lieu tranquille Puissez en paix entretenir.
Le Popullaire.
Sire, bien puissez-vous venir, Votre Chevallerie aussy.
J'ay esté long temps en soucy Pour l'amour de votre personne; Aussi la raison y est bonne; A vous servir je me submetz.
Le Roy Loys.
Dieu vueille que je tienne en paix
L'Eglise et tout mon Popullaire, Et que la justice ordinaire Soit gouvernée par raison.
Chevallerie.
De reposer il est saison ; Tous sommes traveillez et las.
Le Popullaire.
Chevallerie et les Prelatz Sont toujours avecques le Roy.
Le Roy.
Je vueil que soyez avec moy, Bon Conseil; car, sans plus tarder.
Je vueil mon royaulme afnender Selon droit et selon justice..
Bon Conseil.
La chose seroit très propice Pour soulager le Popullaire; Notez qu'il a beaucop affaire, Et luy est tout son bien osté, Pour cause qu'en la Prévosté De Paris n'a point de police.
Le Roy.
D'ont vient cella.?
Bon Conseil.
Par le malice Des fermiers; car elle est baillée A meschans gens à la voilée, Mais qu'ilz ayent fort argent contant.
El' est baillée au plus offrant Et au dernier enchérisseur.
4055] Vie Ms s. Loys. 185
Bon Conseil.
Celuy qui en est pocesseur Supporte parens et amys, Et, quant les povres cens sont mis En procès, les riches leur donnent Grant argent, par quoy ils ordonnent Que povres gens perdent leur cause ; Ainsy convient, à peu de pause, Qu'ifz voisent demourer ailleurs.
Et aussy il y a plusieurs Pillars, larrons, brigans de boys.
Que les Prévostz ont plusieurs foys Faulcéz par argent qu'ilz leur baillent; Par ainsy le Peupple traveillent En maintez diversez manières.
Le Roy.
Je n'entendoye point les matières Ne comme cette chose alloit.
Bon Conseil.
Sire, nul ne vous en parloit Pour doubte de vous courrousser.
Le Roy.
Il fault sur ce cas cy penser Et de bien bref; car aultrement Auroit piteux gouvernement En mon royauTme.
Bon Conseil.
Les Prévostz Font beaucop de maulx ; à brefz motz, Vous sçavez, puis qu^ilz sont fermiers.
Qu'il fault recuillir les deniers Qu'à voz Trésoriers ilz délivrent;
i86 Gringore. [407^
Oultre plus, il convient qu'ilz vivent, Leurs gens aussi.
Le Roy.
Je vous diray Que sur ce cas cy je feray; Aillin aue ce mal soit oste, Je bailieray la Prévosté A quelq^un qui riens n'en paira, Mais, pour le gouverner, aura Bpn gaige.
Cheyallerie.
Se seroit bien fait Se le PopuUaire en effect En est travaillé tous les jours.
Le Roy.
Le PopuUaire aura secours, Mais que je saiche homme propice Pour bien gouverner ceste office, Sans fraude, faveur ne rapine.
Bon Conseil.
J'en congnoys ung qui est tout digne De Texcerser; car il est saige, Justicier et bon personnaige ; Vostre cas sera bien et beau.
Le Roy.
Qui est-il?
Estienne Boyleau.
Le Roy.
Est-il homme de bien P
Bon Conseil.
En somme
4ioi] Vie Ms S. Loys. 187
On le tient ung très bon preudhomme ; Justice veult entretenir.
Le Roy.
Hérault) faictez lay tost venir; Je vueil parler à sa personne.
Voulenté m'est prins que luy donne La Prévosté.
Le Hérault.
Je m'y en voys.
Long temps y a que le congnoys; Je sçay son heu et son demeure; Vous le verrez tout à ceste heure.
Se Dieu plaist, en place marchande.
Le Popullaire.
Vécy une chose très grande Qu'advenir à Paris je voy ; uest le doulx amyable roy Qui est contend, notez le terme, Que la Prévosté plus à ferme Ne soit baillée, et a conclus Que les fermiers ne l'auront plus.
Oultre, pour la gouverner, donne Bons gaiges; sa raison est bonne; Nul ne doit vendre, par droicture, Office de judicature.
Car cella est contre la loy.
Estienne Boyleau, le Roy Mande que venez devers luy; Car il vous veult dire aujourduy Aucune chose.
i88 Gringore. [4124
ESTIENNE BOYLEAU.
Sans doubtance Je luy doy foy, obédience; Mais le noble et puissant seigneur Me fait trop de grâce et honneur Me mander devant sa présence.
Le Hérault.
Il fault venir en dilligence; A son palais il vous atend.
ESTIENNE
Mon vouloir, certes, ne prétend Le contredire en nulle guise.
Le Marchant.
J'ay vendu force marchandise Dont j'ay reçeu argent- contant; Et toutes foys d'en porter tant Parmy les cnamps je n'oseroys.
Je fais doubte que je seroys Destroussé. Ung tas de pillars, Larrons, murtriers, meschans, paillars Sont aujourduy sur les chemins, Qui ne cessent soirs et matins Rober les marchans.
L'OSTE
Je vous voy Tout pensif. Ainsy que je croy.
Quelque chose avez sur le cueur.
Le Marchant.
S'ay mon ; mon hoste, soyez seur Que je pensoie à quelque chose Que saurez; car je présuppose
4148] Vie Ms s. Loys. 189
Avoir vostre aide en ceste affaire.
L'OSTE
Ce qui vous sera nécessaire Demandez lay et vous l'aurez.
Le Marchant.
Mon hoste^ vous me garderez.
Deux cens escus ; car, par ma foy, Porter ne les oze avec moy ?
Sur les champs a trop grant dangier ; Vous sçavez que suys estrangier Et que n'ay point de compagnye.
L'OSTE
Mon hoste, je vous certiffie Que voulentiers les garderay, Et toutes foys les vous rendray Qu'il vous plaira les demander.
Le Marchant.
Se quelque chose commander Vous plaist, je feray le messaige Pardetà, et de bon couraige; Icy ne puys plus séjourner.
L'HOSTE
Quant il vous plaira retourner, Céans serez tousjours reçeu.
Le Marchant.
Et je me suys bien aperoeu.
Que me vouliez du bien oeaucop; A3ieu, car je demeurç trop ; Mon quartier est bien loing d'icy''.
L'HOSTE
Or adieu. Serrer fault cecy
190 Gringore. [4171
Plus songneusement aue ma robe Affin qu'on ne me le aesrobe; Car quoyP II le me fauldroit rendre.
C'est grant chose que d'entreprendre A garder d'argent sy grant somme.
Le Hérault.
Cher sire, j'admaine cest homme Qu'avez mandé.
Le Roy.
Or aprochez.
ESTIENNE
Très excellent prince, saichez Que suis prest vous faire service.
Le Roy.
J'ay entendu que ma justice A ]à esté par mainte année Mal régie et mal gouvernée En la Prévosté de Paris Pour ce qu'on la baille à cher pris A ferme. Si ay advisé Ung point qui sera divisé Devant vous. Or ay-je congnu Que vous estez homme entendu Pour saigement vous gouverner En icelle et discerner Le bien du mal.
ESTIENNE
Très noble prince.
Vous avez en ceste province De plus saiges gens que ne suys.
4195] Vie Ms s. Loys. 191
Le Roy.
Par Bon Conseil je me conduys, Qui dit que touchant cest affaire Supporterez le PopuUaire; Vélà le cas où je regarde.
De la Prévosté serez garde ; Désormais vous la régirez; Trois cens frans de gaigez aurez Pour voz peines et vos travaulx; Gardez les estatus royaulx, Comme sçavez qu'il est propice.
Administrez aussy justice Au petit, au grand et au mendre.
ESTIENNE
Ainssy comme je puys entendre C'est une grande charge, sire; Mais je n'oseroye contredire A vostre plaisir.
Bon Conseil.
Il sufiHst; Ne pensez pas tant au prouffict Que vous n'y aiez de l'iionneur.
Chevallerie.
C'est Bon Conseil, gentil seigneur, Qui parle à vous.
ESTIENNE
Je l'entends bien. ^
J"ay espoir de ne faire rien Qui aux bons porte préjudice.
Et feray reluyre justice Désormais parmy la cité.
192 Gringore. [4217
Le Roy.
Il est bien de nécessité
De faire aucunes ordonnances.
Les Prelatz.
Sire, à vous en sont les puissances; Contredire ne vous povons.
Le Roy.
Nous voulions cy et ordonnons A noz Prévost, Baillifz, Vicontes, Juges, Eslus, et Gens de comptes.
Que leurs offices sans mesprendre Excersent et sans argent prendre - De nuUy en quelque manière.
L'Eglise.
La coustume est seine et entière.
Se Prévostz, Baillifz, Officiers, Sergens, sont rapteurs, usuriers, Je vueil qu'il perdent leur office.
Bon Conseil.
Sire, c'est bien gardé justice.
Le Roy.
Nous commandons expressément Qu'ilz ne facent villain serment De Dieu, sa mère glorieuse.
Et (jue taverne, soupçonneuse De jeux de déz, soit aboUye.
Les Prelatz.
L'ordonnance est belle et joUye.
Le Roy.
A noz Officiers deffendons
