Vos estes tôt digne

Ke li grant & li menor, Se pechiés ne Ie[s] destruit, Vos doivent porter honor, 132. Car vos portastes le fruit De cui, v[e]rai signe, Nostre anemis a pauor, Et quant il le voit, si fuit.

\)G. Doce mère au Sauveor, Proies tant, ne vos anuit, Que dos & bénigne Nos faiciés nostre Signor, 140. Si ke, par vostre conduit Plus que par nostre labor, Puissons ate[i]ndre au déduit Ke [Jhesus] asigne 144. A cels de hautes mérites Ki ont leur désertes El livre de vie escrites.

Ce sont les âmes eslites 148. A cui sont ouvertes

Les portes, ki as hérites Et a ceaus qui contre loi Vont sans raison contre foi 152. Sont, par l'otroi

[De] Dieu, closes & covertes.

Dame, les nos[tres] mérites [Et] nos désertes sont tex 156. Ke se de nos... [es]

N'a merchi Dex, Tormens nos atent a certes.

Dame, les nos pertes 160. Sont totes a pertes,

Diex set de nos vies Totes les revertes ; Nos âmes traies 164. En seront désertes.

Dame, moult est faus & vis

Et de malvaise orine Ki voit vostre imaige el vis,

LAIS D AUTEURS CONNUS

Et cent fois ne l'encline.

Dame, tost nos ravrés mis

En racordance fine Vers Dieu, ki est vostre amis,

S'il nos a en haine, Dame, confors as chetis Et as enfers mechine, Estoille de paradis

Et del monde roïne, Dame, doce flor[s] de lis

Et rose sans espine, De nos, cui pechiés a pris Et tient en [sa] saisine, Deproiés vostre chier fîll Ke tos nos en retraie, Et deffènde de perill Par sa pitié veraie.

Marie, estoille de [la] mer, Que totes gens doivent amer Et deproier & reclamer,

Cuer sans amer, Voilliés vos entremetre, Au [grant] pooir que vos avés, — Tos les consaus vos les savés, K'es haus degrés nos faites mètre, Car c'est cose [de] vérités Ke clos nos ert icil ostés, Si ke dehors serons remés, Ke ja merchi n'en ara Dés, Se vos ki des Esperités Estes del chiel & porte, Celé entrée a nos [ne] donés.

Par vos nos ert habandoncs Li chiex, ou chil est coronés Ki saintement de vos fu nés, Et puis penés, Et mal menés Si ke sa chars fu morte.

Nostre anetnis, ki par tôt cort