IV

Tu es lis & violete,

Tous jours nete & pure, De tous pechiés monde & nete, Sour toute nature, Car Dex i mist sa cure.

Tu es basmes natures,

Dous miex & laituaire, Tu es pieumens savorés ;

Pucelle de bon aire,

Nos cuers purge & esclaire.

Tu es [la] flours

De cui l'odours Ne défaut ne n'empire,

Tu es [li] fruis

Ki nous conduis Et maines a l'empire 64.

Que tient Jhesus li sire.

Tu es li pors

Et li despors, Li déduis & la joie,

Tu es confors

Et li acors, Chemins & droite voie A celui ki te proie.

Tu es solaus, Tu es journaus,

Et estoile marine ; Par la bonté De ta clarté,

Nos cuers tous enlumine,

Bêle douce roïne.

Tu es rosiers, Tu es vergie[r]s, Tu es li très dous paradis Plains de delis Ou Jhesus Cris Se desduit & délite O le saint Esperite.

Tu es clartés, Tu es purtés, Tu es li savereus osteus ; Aine ne fu teus, Car des sains chieus Vint la sainte rousee Dont tu fus arrousee.

Tu es sacraires enbasmés, Tu es celiers enpieumentés, Ou li fieus Dieu s'est délités Quant en dolour & paine Prist en toi char humaine.

LAIS PIEUX

Tu es la verge Aaron, Tu es li temples Salomon, 68. Tu es la maison d'ourison, De toute vertu plaine Et de tous biens fontaine.

Roine couronee,