Bêle, amés moi

Je vos otroi Mon cuer & tote m'amor, Qui est meillor 56, Que d'un pastor :

Tenez, je vos en sesis. »

Atant delez li m'assis.

« Sire, dist ele, ne vaut rien, 60. J'ai fet ami qui est tout mien, A qui j'ai bien tenu & tien La foi que je li pramis.

Tant conme jel savrai vis.

Aies vos en, jel vos lo bien, Car se je lés aler mon chien Et vos touchiés a moi, je criem Qiie il ne vos saille au vis :

Il vos avroit tost maumis. »

Je vi que trop coarder M'i porroit moult bien grever, Car qui se bee a joer Doit bien lessier le jangler.

Lors la pris a conforter Et a besier son vis cler.

Conment qu'alast Tassenbler, La fin[s] fist bien a loer.

Tout par amor Et par douçor . Et par savor

De taster Lessa le plor Et la dolor Et du pastor

[A] parler ;

M'estut ce jor

A joer :

Tant fui seignor De bonne amor Ne m'en puis assés loer.

Ele me dist au chief du tor :

« Sire, se j'ai fet ma folor.

Je vos pri, par vostre valor.

Ne vos en vuoilliés vanter, Ains vos pri de ça hanter. »

« Avoi, bone & bêle, Ja n'en estuet doter !

LAIS ANONYMES

Vostre amor nouvele loo. Mi plest bien a garder :

Ja n'en orrois mes parler.

A Deu, damoisele,

Vos puisse conmander.