LES HORREURS DE LA GUERRE

Par Martial D'Auvergne, iâiO-1ô08.

Hé ! n'est-ce pas moult grant pitié Qu'à cause du train de la guerre, Qui ne vient que d'inimitié, 11 faille tant de maulx acquerre ?

Femmes devenir en veuvage Enfants perdre leur père et mere, Et les filles leur mariage ; Hélas ! quelle douleur amere !

User de force et de puissance, Pucelles ravir, déflorer.

Femmes prendre par violence, Puis tout piller et dévorer !

Tuer, battre povres chevaux En menant à l'artillerie.

Et faire cent mille travaulx Dont la vengeance à Dieu crie !

Vivre sur les champs en servage, Brigans meurtrir à grands monceaulx Povres bonnes gens de village, Les emmenant comme pourceaulx.

Il n'est cueur de très dur et fier

Qui pour itels grans maulx restraindre

Ne soit tenu de s'employer

Et a son povoir guerre estaindre.

Roys et princes qui gouvernez De vos subjets ayez mémoire, Et en paix les entretenez.

Car Dieu vous en donra victoire.