DU POÈME INTITULÉ « LE GRAND TESTAMENT », DE FRANÇOIS VILLON
Je plaings le temps de ma jeunesse, Auquel j'ay, plus qu'autre, galle Jusque à l'entrée de vieillesse.
Car son partement m"a celé.
Il ne s'en est à pied allé, N'a cheval ; las ! et comment donc ?
Soudainement s'en est voilé, Et ne m'a laissé quelque don.
Allé s'en est, et je demeure Pauvre de sens et de sçavoir, Jriste, failly, plus noir que meure.
Je n'ay ne cens, rente, n'avoir ; Des miens le moindre, je dy voir, De me desadvouer s'avance, Oublyans naturel devoir, Par faulte d'ung peu de chevance.
Bien est-il vray que j'ay aymé Et que aymeroye voulentiers, Mais triste cueur, ventre affamé Qui n'est rassasié au tiers.
Me oste des amoureux sentiers.
Au fort, quelqu'un s'en recompense.
Qui est remply sur les chantiers :
Car de la panse vient la danse.
Hé Dieu ! se j'eusse estudié Au temps de ma jeunesse folle, Et à bonnes meurs dédié, J'eusse maison et couche molle !
Mais quoy ? je fuyoye l'escolle.
Comme faict le mauvays enfant...
En escrivant ceste parolle, A peu que le cueur ne me fend.
Mes jours s'en sont allez errant, Comme, dit Job, d'une touaille Font les filetz, quant tisserant Tient en son poing ardente paille:
Car, s'il y a un bout qui saille, Soudainement il est ravis.
Si ne crains plus- que rien m'assaille, Car à la mort tout assouvjs.
Oil sont les gratieux gallans Que je suyvoye au temps jadis, Si bien chantans, si bien parlans.
Si plaisans en faictz et en ditz ?
Les anciens sont mortz et roydiz ; D'eulx n'est-il plus rien maintenant.
Respit ils ayent en Paradis, Et Dieu saulve le remenant I
El les aucuns sont devenuz Dieu mercy ! grans seigneurs et maistres ; Les autres mendient tous nudz, Et pain ne voyent qu'aux fenestres ; Les autres sont entrez en cloistres De Celestins et de Chartreux, Bottez, housez, comme pescheurs d'oyslres : Voylà Testât divers d'entre eulx,
Aux grans maistres Dieu doint bien faire, Vivans en paix et en recoy.
En eulx il n'y a que refaire; Si s'en fait bon taire tout coy.
Mais aux pauvres qui n'ont que quoy, Comme moy. Dieu doint patience ; Aux aultres ne fault qui, ne quoy, Car assez ont pain et pitance.
Laissons le moustier où il est ; Parlons de chose plus plaisante.
Geste matière à tous me plaist :
Ennuyeuse est, et desplaisante, Pauvreté, chagrine et dolente, Tousjours dcî^piteuse et rebelle, Dit quelque paroUe cuysante ; S'elle n'ose, si le pense-elle.
Pauvre que je suys de ma jeunesse.
De pauvre et de petite extrace.
Mon père n'eut oncq' grand' richesse, Ne son ayeul, nommé Erace.
Pauvreté tous nous suyt et trace.
Sur les tumbeaulx de mes ancestres.
Les âmes desquels Dieu embrasse- On n'y voyt couronnes ne sceptres.
De pauvreté me guementant, Souventesfoys me dit le cueur :
« Homme, ne te doulouse tant Et ne demaine tel douleur, Se te n'as tant que Jacques Cueur.
Mieulx vault vivre soubz gros bureaux, Pauvre, qu'avoir esté seigneur Et pourrir soubz riches tombeaux î »
Qu'avoir esté seigneur !... Que dys ?
Seigneur, hélas ! ne l'est-il mais ! Selon les auctentiques dictz, Son lieu ne congnoistra jamais.
Quant du surplus, je m'en desmectz.
Il m'appartient à moy, pécheur ; Aux théologiens le remectz, Car c'est office de prescheur.
Si ne suys, bien le considère, Filz d'ange, portant diadème D'etoille ne d'autre sydere.
Mon père est mort, Dieu en ayt l'ame ; Quant est du corps, il gyst soubz lame.. J'entends que ma mere mourra, Et le sçait bien, la pauvre femme ; Et le filz pas ne demourra.
Je congnoys que pauvres et riches.
Sages et folz, prebstres et laiz, Noble et vilain, larges et chiches, Petitz et grans et beaulx et laidz, Dames à rebrassez colletz, De quelconque condicion Portant attours et bourreletz, Mort saisit sans exception.
Et meure Paris ou Hélène, Quiconque meurt, meurt à douleur, Celluy qui perd vent et alaine, Son fiel se crevé sur son cueur ; Pays sue. Dieu sait quel sueur !
Et n'est qui de ses maulx l'allège :
Car enfans n'a frère ne sœur, Qui lors voulsist estre son pleige.
La mort le faict frémir, pallir, Le nez courber, les veines tendre, Le col enfler, la chair mollir, Joinctes et nerfs croistre et estendre, Corps féminin qui tant est tendre, Polly, souef, si precieulx.
Te fauldra-il ces raaulx attendre ?
Ouy, ou tout vif aller es cieul.x
