Bibliothèque nationale, ms. français 20495, fol

Te

Pour ce que, quelque dilligence qu’il ait peu faire envers les esleuz à Angiers à feu Olivier Binel, lors leur clerc ou greffier, ne lui a esté possible recouvrer les contrerolles et autres acquitz servans à la reddicion de ses comptes et sans lesquelz lui a esté et seroit impossible rendre iceulx comptes et que depuis, à la comotion qui fut en la ville d’Angiers à la nouvelle venue du roy, tous les registres, contrerolles et autres pappiers faisant mention des aides, tailles et autres subsides furent dessirez 1.

Lettres de l'empereur Maximilien confirmant les privilèges de Maubeuge détruits lors de l'incendie de cette ville en 1478.

(Janvier 1487)

Maximilien, par la grace de Dieu roy. des Romains, etc., et Philippe, etc. Savoir faisons à tous présens et à venir nous avoir receu l’'umble supplication de noz bien amez les prevostz, eschevins, conseil et communaulté de nostre ville de Maubeuge, contenant que feuz noz predecesseurs contes et contesses de Haynnau, que Dieu absoille, pour le bien et utilité d’icelle ville et desdits suppliants, leur ont par ci devant donné et octroyé plusieurs droiz, privileges et franchises, et entre autres que tous les manans et subgetz demourans en la prévosté dudit Maubeuge seroient tenuz de amener ou envoyer vendre audit lieu de Maubeuge une fois et par jour de marchié toutes leurs denrées et marchandises, bestes, grains et aultres choses qu'ilz auroient à vendre, premiers qu’ilz les puissent mener à quelque autre marchié, saulf que du costé d’Avesnes, de la chastellenie de Beaumont et de la terre de Chimay..,; desquelz droiz, privilèges et franchises lesdits supplians et leurs prédécesseurs ont tousjours depuis les concessions et octrois d'iceulx noz prédécesseurs entièrement joyr (sic) et user. Or est il que en l’an soixante dix huit icelle ville de Maubeuge fut arsse et brulee par les Francois noz ennemis, et aussi fut leur coffre et ferme où estoient les tiltres, chartres et escrips qu'ilz avoient desdits privilèges et autres choses servans à ladite ville et à autruy adirez et anéantiz, tellement que aujourd'huy ilz n'ont quelque enseignement d'iceulx privilèges et usances, qui leur pourroit tourner cy après à grant préjudice; pourquoy ilz nous ont supplié que, atendu ce que dit est, mesmement les grandes pertes et dommaiges qu'ilz eulrent à ladite destruction et que depuis icelle ilz ont euz et soustenuz à cause des guerres et des logis des gens d’armes et autrement, il nous plaise leur consentir iceulx privileges et en tant que mestier est leur donner et octroyer de nouvel et sur ce leur impartir nostre grace... Donné en