Original seellé (Archives nationales, J 476, n

Suppliques de comptables des finances royales à Reims el à Angers, dont les registres ont été détruits en temps d'émeute.

(Vers 1463)

Pour certaines radiations faictes sur aucuns des comptes de maistre Mathieu Beauvarlet, receveur général du temps de feu le roy cui Dieu pardoint, mesmement une partie de VIl° livres tournois qu'il avoit trop paiée à l'ordonnance dudit feu seigneur à monseigneur de Belleville, dont ledit Beauvarlet le tient en procès, et Il° 1. t. qu'il avoit paiées aux clercs de maistre Pierre d'Oriole, général des finances, ausquelz le roy nostredit seigneur en avoit fait don, et aussi pour la perdition de certaines décharges, cédules, contre lettres et:obligations qui ont esté perdues et adirées par la femme dudit Beauvarlet, durant la commotion du peuple qui derrainement fut à Reims, laquelle ne scet qu'elle en fist en serrant ses besongnes pour la grande paour et freeur qu'elle ot à icelle commotion, entre lesquelles en avoit de feuz Jehan Dinet, auttreffoiz receveur des aides en bas pais d'Auvergne, et de Guillaume Vincent, autreffoiz receveur des aides en Saintonge, qui lui devoient bien VI: livres de reste d'aucunes assignations qui lui avoient esté baillées sur leurs receptes, lesquelles il a fournies et payées, dont jamaïiz ne recouvrera riens, ne pareillement des autres descharges et contrelettres ainsi perdues, lesquelles il espéroit rendre en deniers renduz et non receuz sur ses comptes, ledit Beauvarlet pourra estre tenu envers le roy nostre seigneur en la somme de XII° escuz. Si supplie et requiert très humblement icelluy Beauvarlet au roy nostredit seigneur qu'il lui plaise lui quitter et donner ladite somme pour considération des services qu'il lui a faiz et fait chascun jour, aussi qu'il lui a fait bonnes toutes les restes qu'il povoit devoir à cause de ladite recepte générale jusques au trespas dudit feu seigneur le roy, en quoy il a eu de grans pertes et fait de grans despences, et semblablement aux fraiz et despences qu'il a portées et soustenus tant pour le voiage qu'il fist deux ans a avecques monsieur le maistre d'’ostel Jaques Trousseau en Brebant quérir madame Anne de France et icelle amener à Amboise, que autrement en plusieurs manières 1,

James Louet, conseiller du roy et juge des exemps par appel de par ledit seigneur ou pays et duchié d'Anjou et trésorier général, etc., a esté par aucun temps receveur des appatis mis sus oudit pris pour le paiement des gens d'armes et de traict logiez en icellui et pareillement des aides depuis mises sus oudit pays ou lieu desdits appatis..