Bibliothèque nationale, coll. Dapuy, vol. 699, fe

Malgré ces heureuses recommandations, Gilles Beys ne parait pas s'être fixé longtemps à Paris. On le voit plus tard partir pour Lyon, voyager en Espagne, séjourner à Pampelune, et, au retour de cette ville, écrire de Bordeaux le 18 novembre 1618 !:

« Après avoir quitté le service dudit sieur Adrian Perier mon beau pere, je feus à Lyon avecq Monsr Rousselet et y demeurai quelque troys ans, à la fin desquelz mon beau frere Olivier de Varennes me mande de retourner à Paris pour demander compte audit Perier (disant qu'il alloit faire banqueroute), ce que faisant, et rentré à Paris, etc. » |

Les affaires ne paraissant pas faciles à arranger, il lui fallut plaider, le procès dura un an, et Gilles dépensa (et au delà) les 390 livres qu'il avait pu mettre de côté jusqu’à ce moment. C’est alors qu'il avait songé, son esprit aventureux aidant, à aller chercher fortune ailleurs. |

Enfin, installé à Bordeaux, il déclare qu’ «il sait aussi bien la librairie qu'un autre », mais qu’ «il n’y a point de trafic dans celle ville » ; il avoue qu'il n’y restera pas. Puis, à partir de ce moment, nous le perdons de vue.

Nous sommes loin d’ailleurs de l'objet de notre élude, limitée :

a la succursale plantinienne de Paris. Mais il ressort de ces quelques pages que la marque et le nom de Plantin, s’ils ont acquis à Anvers une célébrité mondiale, n’ont guère porté chance aux membres de sa famille qui ont exercé à Paris et

ailleurs.

Le

Contrat de mariage d'Adrien Périer.

A tous ceulx qui ces presentes lettres verront, Rolland Polle, garde commis de par le roy nostre sire du seel aux contractz de la ville et

chastellenie de Chambly, salut. Scavoir faisons que par devant François de La Mothe, notaire royal et tabellion juré commis, institué, or-

1. Archives du Musée Plantin, Ontvangen Brieven, vol. LXX VII, fo 163.

CRE me

LA SUCCURSALÉ PLANTINIENNE DE PARIS. 55

donné et estably de par le roy nostre dit sire en la ditte ville et chastellenie, et presens les tesmoings bas nommez, furent presens en leurs personnes honnorable homme Adrien Perrier, marchant libraire et bourgeois de Paris, y demeurant rue Saint Jacques, où pend pour enseigne le Compas, bouticque de Plantain, paroisse St Benoist le bien tourné, estant de present à ce village de Sandericourt, parroisse d’Amblinville au dioceze de Rouen, d’une part, et Marye Pinsen Simon, majeulre], fille de deffunct Simon Corneille Pinsen (sic), son pere, et de Corneille Girard, sa mere, demeurant à La Haye, pays de Hollendre, où pend pour enseigne le Pan, estant aussy laditte Marye audit Sandricourt, dioceze de Rouen, duché de Normandie au royaulme de France, d'autre part; lesquelles parties, de leurs bonnes vollentez, sans aulcune force ne contraincte, recongnurent et confesserent que, pour parvenir au mariage ja encommencé par parolles de futur entre les dits Adrian Perier et ladite Marie Pinsen Simon, et qui au plaisir de Dieu aura sa perfection en face de nostre mere saincte eglise catholique, apostolique et romaine, sy Dieu premierement et son espouse l’eglise s’y consentent et accordent en ce, en dedans le temps introduict par nostre dite mere l'eglise, ou le plus bref que faire ce pourra, ont icelles parties avant touttes choses promis et promettent par ces presentes reciprocquement l'un à l’autre la foy et loy de mariage, et promis de prendre l’un d’eux l’aultre par foy et loy de mariage en laditte face de l'eglise, comme dict est, et pour le bien et augmentation duquel mariage font l’un à l’aultre les dons, douaires, accordz et conventions matrimonialles selon et ainsy qu’il s’ensuict : c'est assavoir que de la part dudit Adrian Perier il a doué et doue jladite Marie Pinsen Simon, sa femme espouze, du droict de douaire coustumier tel que la coustume de la prevosté et viconté de Paris le donne et permect, au dedans de laquelle ledict Perier est demeurant, pour d’icelluy droict de douaire coustumier en user et joyr par laditte Marie Pinsen Simon, sa future espouze, quand douaire aura lieu, ou bien aura et prendra laditte Marie la somme de 1500 livres tournois de douaire prefix et pension viagere, pour une fois payer seullement, sur tous et chacuns les biens meubles et immeubles dudit Perrier plus claires et apparens d'’iceulx, et qui luy appartiendront au jour de son decedz; ausquelz deux droictz de douaires cy dessus sera loisible à laditte Marie, lors ledict decedz advenu, de choisir lequel des deux elle vouldra prendre et soy tenir et contanter à son cheoix et option : et ce il advenoit que ledict Perier deceddast paravant la dicte Marie Pinsen Simon sans aulcuns enffans procreez de leurs . Corps, et que laditte Marie voulsist renoncer à la succession dudict Perier son futur espoux, et ne poinct aprehender la communaulté d’entre ledict Perier et elle, faire le pourra sy bon luy semble, et soy tenir à l'un des dicts deux douaires qu’elle pourra choisir lors, comme dict est cy dessus, le tout sans estre par elle subjecte à aulcunes debtes qui

pourroient estre lors deubes au jour dudict decedz et creées depuis la celebration dudict mariage jusques au dict decedz, et mesmes reprendre par la ditte Marie tous ses habitz, bagues et joyaux qu’elle aura porté en la ditte communaulté, et pourra avoir lors dudit decedz en nature sans estre tenue des dictes debtes, comme dict est cy dessus; et par reciprocque sy laditte Marie entree en ladicte communauté, est consideré que son proffict soyct après le deceds dudict Perier son fu- tur espoux faire le pourra, sy bon luy semble, avecq ce prendre l’un desdicts deux douaires cy dessus declarez à choisir lors, comme dict est, en payant par la ditte Marie moictié des debtes d'icelle communaulté et qui auront esté faictes et creées depuis laditte cellebration d'icelluy mariage jusques au jour du decedz dudict Perier, et non de celles qui pourroient estre deubes et creées auparavant ledict mariage ; d’aventage ont les dicts deux futurs mariez cy dessus nommez recongnu et confessé reciprocquement l’un avec l’autre que, depuis la promesse de mariage qu'ilz auroient promise l’un à l’autre, trois ans sont dès le quinziesme jour de septembre dernier y eust, ilz avoient eu deux petitz enffans masles, l’un nommé Michel, aagé de deux ans, et l’autre nommé Thomas, aagé de dix mois ou environ, lesquelz tous deux ilz ont recongnu et recognoissent par ces presentes estre de leur faict provenuz, procreez, yssus et sortis de leurs corps, et comme telz les tiennent et advouent par ces mesines presentes pour leurs vraiz enffans legitimes et naturelz et comme s'ils avoient esté creez après la cellebration d'iceluy mariage; ces presens traicté, dons, douaire, accordz et conventions matrimonialles ainsy faictz, comme dict est, pour le bien et augmentation duquel mariage, sans lesquelles faire et entretenir ledict mariage n’eust esté faict et accomply, dont les dictes parties comparans dessus nommez se sont tenuz et tiennent pour contans, mesmes pour faire insinuer ces presentes par devant tous juges qu'il apartiendra, soict aussy bien en la presence que absence des dictz futurs mariez ou de l’un d’eulx; iceulx futurs ont faict et constilué, font et constituent par ces presentes leur procureur general et special le porteur de ces presentes, auquel ilz ont donné pouvoir et puissance de tout ce que au cas sera requis et necessaire, sy comme tout ce les dicts futurs mariez disoient estre vray par devant ledict notaire... Ce fut faict et passé devant ledit notaire, au chasteau et lieu seigneurial de Sandricourt, presens honnestes personnes Loys Gussin, receveur audit chasteau de Sandiricourt, y demeurant, et Simphorien Thibault, maistre tailleur d’habitz à Paris, rue Saint Martial en la cité, estant audict Sandiricourt, tesmoings à ce requis et appellez pour l'absence des autres notaires, le mardy XVIÏ° jour de septembre mil six cens et trois, huict heures du malin t.