J. TROUVÉ

JI

35 janvier 1551 (n. st.). — Fut présent en sa personne noble personne Catherine Clouet, fille de feu noble homme Jehannet Clouet etde Jehanne Boucault, sa femme, ses père et mère, laquelle, en la présence, vouloir et consentement de noble personne maitre François Clouet, painctre et varlet de chambre du roy, son frère, a recongneu et confessé combien que, par autres lettres et contract de mariage faict et passé entre noble personne maitre Abel Foullon, secrétaire du sieur de Boisdauphin, à présent son fiancé, d'une part, et ledit maitre François Clouet, ou nom et comme stipullant pour ladite Catherine, sa sœur présente et de son consentement, le mercredy cinquiesme jour de novembre 1550 dernier passé, par devant les notaires soubzsignés, ledit maitre Abel Foulon dict entre autres choses, au cas qu’il allast de vie à trespas auparavant ladite Catherine, sa future espouse, sans enffans, enffans vivans issus dudit futur mariage, a voullu et accordé que au dit cas ladite Catherine, sa future espouse, oultre son douaire et emploi contenu et déclaré audit contrat, print sur tous et chacuns les biens meubles et immeubles, lors présents et advenus d'icelluy futur espoux, la somme de deux mil escus d’or sol incontinent après la dissolution dudit futur mariage, et que d'icelle somme dès lors ledit Abel Foulon, futur espoux, en fist don, cession, transport, ce mentionné ladite Catherine Clouet dict vouloir et consentir dudit Francois Clouet, sondit frère, et de ad ce que ledit maitre Abel Foulon la traicte plus humainement et doulcement, et qu'il y ayt plus grande amitié entre eulx, et pareille-

ment ad ce que, par le moyen d'icelle cause et donacion desdits deux mil escus, icelluy Abel Foulon ne soil et ne puysse estre par cy après empesché par la dite disposition desdits biens, et ainsy que tel est son plaisir et volonté...

Fait et passé à Paris, le jeudy quinziesme jour de janvier mil Ve cinquante.

MAHEUT. ’ BERGEON.