LE PROLOGUE DE LA VIE ET ESTAT DE JEHAN DE BRIE

LusiEURS gens, par importunité et jactance, se efforcent de acquérir gloire mondaine et faire exaulser et valoir leur nom des prouesses et des biensfaictz d'aultruy.

Aulcuns autres en y a qui acquièrent nom de maistre sans cause et sans ce qu'ilz en soyent dignes, ne qu'ilz ayent aucun degré de science. Et soubz couleur exquise, comme de faire office de notaire ou de procureur, sont ap-

peliez, Tung maistre Pierre, l'aultre maistre Robert. Si les peult-on figurer et comparer à ung savetier qui fait soulliers vieulx, et est appelle maistre Laurens ou maistre Guillaume, combien qu'il ne sache faire denre'e de bon ouvraige. Aulcuns autres sont parez et aornez plus de peaulx et des œuvres aux peletiers que des escritures ne de la science des livres. Et voluntiers et communément font fourrer leurs habis de pennes de escuireux ou d'aultres bestes, que Ton appelle rampaille, et n'ont cure de fourrures des aigniaux ne des brebis ; et peult estre que ce font pour mieulx ravir et pillier : car les rampailles ont les dens et les ongles plus trenchans et plus agus que n'ont les oeilles qui sont débonnaires. Telles gens ainsi fourrez et emplumez, pour monstrer leur renardie, peult-on figurer au corbeau qui emprunta estranges plumes pour aller à une assemblée, et pour ce n'en fut-il oncques meilleur ne plus saige. Et quand il eut rendu ses plumes, comme dit Ovide, il demoura noir et sale, selon sa