CHAPITRE PREMIER

première nature. Toutes telles manières de gens prendront nom de maistre, par abus et usurpation. Et contre eulx proprement est dite la parabole dessus proposée : Qui n'entre par l'huys en la bergerie, il n'est pas loyal berger. Mais IDieu mercy, il n'est pas ainsi au cas présent, ne Jehan de Brie ne se veult louer ne vanter, ne il ne quiert avoir gloire du bien fait ne de la prouesse d'aultruy. Et toutesfois est-il bien digne d'avoir nom de maistre par ses mérites et par le comble de sa grand science, en considération et regard à Testât de sa personne par ce qu'il s'ensuyt.

Il est vray, et soit chose notoire et sceue à tous, que ledit Jehan de Brie, demourant à Villiers sur Rongnon, le VIII. an de son aage, au temps que les peux reviennent es chefz des enfans qui ont esté teigneux, et qu'ilz commencent à muer leurs premiers dens et qu'ilz ont encores leur folle plume, et ne sont prenables d'aucune loy : fut lors institué et député à garder les oues et les oysons

l6 LE BON BERGER

audit lieu de Villiers, lesquelz il garda bien et loyaument en son povoir par l'espace de demy an au plus, en defFendant iceulx oues et oysons des escoufles, des huas, des pies, des corneilles, et d'aultres choses à eulx contraires ou nuysibles. Et tellement se porta audit office de la garde à luy commise, que pour le bon rapport de sa personne il fut en aultre estât et fut mené en la ville de Nolongne hors dudit Villiers, et illec luy fut baillée la cure de garder les pourceaux : lesquelz il garda au mieulx qu'il peust par l'espace d'ung an ou environ : et convenoit qu'il les menast aux champs tous batans et à force : car ce sont rudes bestes et de maulvaise discipline. Et au vespre , au retour des champs et de leur pasture, s'en repairoient si forment et radement, que ledict Jehan, qui lors estoit jeune, ne les pouvoit aruner, retenir ne acconsuyr; et souvent ne sçavoit se il en avoit perdu aulcuns, ou se il avoit son droit compte. Et celle cure estoit et fut moult dure, greveuse et intolérable audict Jehan,