CHAPITRE II JD

les et aultres engins à jecter, ou au moins pour mettre es insirumens de quoy l'on bat la laine pour faire menue , pour la draperie, que l'on appelle archonner.

Les menues cordes des boyaux bien lavez, séchez, tors, rez, essuez et filez, sont pour la me'lodie des instrumens de musique, de vielles, de harpes, de rothes, deluthz, de quiternes, de rebecs, de choros, de almaduries, de symphonies, de cytholes et de aultres instrumens que l'on fait sonner par dois et par cordes. Dont pour la différence des choses et pour la variation des courages et de la manière de vivre qui a esté et est entre les brebis et les loups, bon seroit à esprouver cordes de boyaulx desdictz loups pour mettre en aulcuns bas instrumens, avec cordes de boyaulx de brebis ou de chèvres, pour sçavoir se ils se pourroient accorder ensemble. Et crois, lecteur, que non.

Le fient des oeilles est moult prouffitable à fumer et amender les terres arables, et pour ce, les sages laboureurs, depuis le printemps jusques en la fin

d'autompne , que il ne fait pas trop froit , de nuict font tenir et gésir leurs oeilles aux champs, pour engresser les terres. Et sont en giron, aussi comme en manière de parc, et les maine et remue le pasteur successivement de lieu en aultre petit à petit. Et au lieu où elles sont emparchées, et pour la garde, une logette de fust sur quatre roelles en manière de borde portable. Et en celle maisonnette gist le pastour de nuict : et se y peult retraire pour la pluye, et y a des chiens qui font le guet pour les oeilles contre leurs adversaires. Et aussi comme il est dict au livre Ézechiel : Quelque part que les testes alloient, les roues allaient après elles. Tout ainsi est-il que, quand les oeilles se remuent, et que le parc va ou est mené avant ou arrière, de costé la petite maison sur les roelles les suyt et est menée après les bestes. Et ainsi sont les terres engressées et amendées du fient des oeilles, qui est moult prouffitable chose. D'autre part, la crote des brebis vault moult en médicine , et est maintes fois donnée aux malades et