CHAPITRE Vril

cote de blanchet ou de camelin gris à deux poinctes, l'une par devant, Taultre par derrière et à manches, et si large et ample qu'il y puist entrer aysément sans boutons : car il ne lui affiert pas à avoir boutonneures lâches ou aultres empeschemens qui le puissent nuyre au vestir : mais y doit entrer de plain comme en ung sac, ou en la tunique Aaron. Et par dessus la cote doit avoir ung surplis de fort treslis à manches à quatre noyaux ou boutons, de la façon mesme de la coste. Ce surplis garde le berger de la pluye, et aulcunesfois convient-il que il le despouille pour enveloper l'aigneau, quand il est faonné aux champs. Par dessus son surplis doit avoir une grosse ceinture de corde menue et forte, faicte par manière de tresce en trois cordons à une boulle de fer ronde. Et à celle ceinture doit pendre et avoir plusieurs choses.

. Premièrement, et pour honneur, y doit prendre la boiste à Tongnement en ung estuy de cuyr. Et est bien à noter que le bon berger ne doit non plus estre

trouvé sans la boiste à l'ongnement. que le notaire doit estre sans escriptoire : car ce est le plus notable et ne'cessaire de ses instrumens et oultilz. Avec ce doit-il avoir ung canivet ou coutel agu, pour picoter et ester la rongne des brebis , affin que l'ongnement y puisse mieulx entrer et que la brebis soit plus tost guarie. Aussi convient-il que il porte ung cyseaux pour couper et aonnier la laine de la brçbis par dessus la rongne. Le berger doit porter alesne à coudre soulliers, bobelins, semelles et tacons : laquelle alesne doit estre en ung instrument de fust pour bouter le fer de l'alesne jusques au meilleu du manche, et par dessoubz le doit attacher d'ung noyau ou d'ung anneau de cuyr pour mieulx fermer. Item, à celle ceinture doit porter un aguillier à mettre ses aguilles quarrées et rondes. Lequel aguillier est de l'oz de la cuysse d'une oue, menu et longuet, ou de l'oz d'ung pied d'aignelet, et estre mis et attaché avecques le pendant de Talesne. Encore doit le berger avoir boisset ou coutel à forte alemele à